بويۇن ئومۇرتقا كېسىلى كەلتۈرۈپ چىقارغان يۇقىرى قان بېسىمى كۆپىنچە بويۇندىكى سىمپاتىك نېرۋىلارنىڭ غىدىقلىشى بىلەن قىلدام 

تومۇرلارنىڭ تارىيىشى تۈپەيلىدىن كېلىپ چىقىدۇ ، ئۇ ئىككىلەمچى يۇقىرى قان بېسىمىنىڭ بىر خىلى ھېسابلىنىدۇ . شۇڭا ، بويۇن 

ئومۇرتقىسىنى داۋالاشقا بىرلەشتۈرۈپ داۋالىسا ، ئاندىن قان بېسىمىنى تۇراقلاشتۇرغىلى بولىدۇ . دوختۇرنىڭ كۆرسىتىشىچە ، كېسەل ئەھۋالىغا 

قاراپ دورا ئىچىش–ئىچمەسلىكنى بەلگىلەش كېرەك . ئەگەر بىر يېرى ئاغرىۋاتقان ۋاقىتتا  قان بېسىمى ئۆرلەپ كەتسە ، بۇ نورمال ئەھۋال 

ھېسابلىنىدۇ ، چۈنكى بويۇن ئومۇرتقا كېسىلىدىن باشقا ، يەنە بوغۇملار ئاغرىش ، ئوپېراتسىيەدىن كېيىنكى ئاغرىق قاتارلىقلارمۇ ئوخشاشلا 

قان بېسىمىنى ئۆرلىتىۋېتىدۇ . بۇ ئەھۋالدا دورا يېمىسىمۇ بولىدۇ . ئەگەر قان بېسىمىنىڭ ئۆرلىشى نىسبەتەن ئېغىر بولسا ، قان بېسىمىنى 

ۋاقىتلىق چۈشۈرىدىغان دورىلارنى يەپ ، قان بېسىمىنى نورماللاشتۇرۇپ ، كۈتۈلمىگەن ئەھۋاللار يۈز بېرىشنىڭ ئالدىنى ئېلىش كېرەك ؛ 

ئادەتتىكى ئەھۋالدا ئۇزۇن مۇددەت ئۈنۈم بېرىدىغان دورىلارنى ئازراق ئىشلىتىش كېرەك . بىمار دورا ئىچىشتىن ئىلگىرى ئەڭ ياخشىسى 

دوختۇرنىڭ پىكىرىنى ئېلىشى كېرەك . 

ئىككىلەمچى يۇقىرى قان بېسىمىدا ئەڭ مۇھىمى بىرلەمچى كېسەلنىڭ ئالدىنى ئالسا ، كېسەلنى تۈپ يىلتىزىدىن ساقايتقىلى بولىدۇ .