بۇ ئۆتكۈر خاراكتېرلىك داس بوشلۇقى ياللۇغىنىڭ ۋاقتىدا ۋە ئۈزۈل-كېسىل ساقايماسلىقىدىن كېلىپ چىقىدىغان سوزۇلما ياللۇغلىنىش بىلەن ئىپادىلىنىدىغان كېسەللىكتىن ئىبارەت. 

سەۋەبى: 

ئاساسلىقى ئۆتكۈر خاراكتېرلىك داس بوشلۇقى ياللۇغىنىڭ ئۈزۈل-كېسىل ساقايماي، ۋاقىتنىڭ ئۇزۇرىشىدىن كېلىپ چىقىدۇ. 

ئالامىتى: 

سوزۇلما ياللۇغىدا كۆپىنچە ھامىلىدار بولمايدۇ. ئاق خۇن كۆپىيىش، ئاق خۇن يىرىڭسىمان كېلىش، ئاق خۇندا پۇراق پەيدا بولۇش، قورساقنىڭ تۈۋىنى ئېسىلىپ ئاغرىش، بەل توققۇز كۆز قىسمى ئاغرىش كۆرۈلىدۇ، بولۇپمۇ ھېرىپ چارچىغاندا ھەيزنىڭ ئالدى كەينىدە ۋە جىنسىي مۇناسىۋەتتىن كېيىن ئېغىرلىشىدۇ، نېرۋا ئاجىزلىقىمۇ قوشۇلۇپ كېلىدۇ. ئۇنىڭدىن باشقا بالىياتقۇ بوينىدا سۇلۇق ئىششىق پەيدا بولۇش قاتارلىق ئالامەتلەر كۆرۈلىدۇ. 

داۋالاش پرىنسىپى: 

ياللۇغ قايتۇرغۇچى دورىلارنى ئىشلىتىش، فىزىكىلىق داۋالاش ۋە ئوپېراتسىيە ئۇسۇلى ئارقىلىق داۋالاش ئېلىپ بېرىلىدۇ.