بۇ بالىياتقۇ ئىچكى قىسمىدا بولۇپمۇ بالىياتقۇ ئېغىزىدا كىچىك مۇدۇرلار پەيدا بولۇش بىلەن ئىپادىلىنىدىغان كېسەللىك.

سەۋەبى:

ئاساسلىقى قانغا غەيرىي تەبىئىي سەپرا ماددىسىنىڭ ئارىلىشىشىدىن كېلىپ چىقىدۇ. بۇنىڭدىن باشقا جىنسىي ئەزا تازىلىقىنىڭ ياخشى بولماسلىقىدىنمۇ بۇ كسەل پەيدا بولىدۇ.

ئالامىتى:

دەسلىپىدە بالىياتقۇ قىچىشىش پەيدا بولىدۇ، بۇنىڭ بىلەن بىمار جىنسىي مۇناسىۋەتكە قىزىقىپ كېتىدۇ. ئەگەر كېسەللىك بالىياتقۇ ئېغىزىدا بولسا، جىنسىي ئەزانى تەكشۈرۈش ئەسۋابى بىلەن كۆرگەندە مۇدۇرچاقىلارنى كۆرۈشكە بولىدۇ. تەكشۈرۈش ئەسۋابى بولمىغاندا بالىياتقۇ ئېغىزىغا بارماقنى سېلىپ باسقاندا ئاغرىش، ئېچىشىش سېزىمى بولىدۇ. ئەگەردە سەپرا ماددىسى كۈچلۈك بولسا ئېچىشىش، ئاغرىش بىلەن بىللە قىزىتما بولىدۇ. مۇدۇرلار زېدىلەنگەن بولسا ئاز مىقداردا ئاقۇچ سۇيۇقلۇق كېلىدۇ، كەلگەن سۇيۇقلۇق ناھايىتى كۆيگەندەك ئېچىشتۇرىدۇ.

داۋالاش پرىنسىپى:

بەدەننى، كىيىم-كېچەكلەرنى پاكىز تۇتۇش، تازىلىققا ئالاھىدە كۆڭۈل بۆلۈش كېرەك.

دىققەت قىلىدىغان ئىشلار:

تامىقىغا سەپرانى پەسەيتكۈچى سوغۇق تەبىئەتلىك يېمەكلىكلەرنى يەنى، ئارپا ئېشى، سۈت، كۆكتات ۋە گۈرۈچ، ماش قاتارلىقلارنى بېرىش لازىم. ياڭاق، ئۈزۈم، قوي گۆشى، چاي، ھاراق، تۇز قاتارلىق ئىسسىق تەبىئەتلىك نەرسىلەردىن پەرھىز قىلدۇرۇش كېرەك.