ئاسييا پۇتبۇل  بىرلەشمىسىنىڭ مىرەخمەتجان توغرىلىق يازغان تىمىسى بۇ يەردە.
亚足联关注少数民族球员 买提江：期待能踢世界杯

يىقىنكى كۈنلەردە ئۇيغۇرلارنىڭ پۇتبۇلچىلىقىدا خوشاللىنارلىق ۋەقەلەر  يۈز بىرىۋاتىدۇ. گەرچە مەن شىنجاڭ ۋە ئۇيغۇرلارنىڭ پۇتبولچىىقىدىن يىقىنقى كەلگۈسىدە چوڭ ئۈمىت كۈتمىسەممۇ لېكىن جۇڭگۇ ۋە خەلقارانىڭ ئاساسى ئېقىمىدا كۆزگە چېلىقالىغان ئۇيغۇر ۋە شىنجاڭ كوماندىلىرى بولۇپ قالسا خەۋەرلىرىنى ئىزدەپ يۈرۈپ ئوقۇپ باقىمەن ۋە ئۇلارنىڭ نەتىجىلىرى ئۈچۈن خوشال بۇلىمەن. بىر نەچچە يىل بۇرۇن ھەر ھەپتە ئاخرىدا ئاۋال قىلىدىغان ئىشىم ھۇررا كۇلۇبى ۋە جۇڭگۇ ب دەرىجىلىكلەر پۇتبۇل بىرلەشمە مۇسابىقىسى تور بېتىگە كىرىپ شىنجاڭ لاتارىيە كوماندىسىنىڭ مۇسابىقە نەتىجىسىنى كۆرۈش ئىدى.  بۇ كوماندا مۇسابىقە ئوينىمايدىغان بولۇپ قالغاندىن كىيىن مەنمۇ بۇلارغا ئانچە دىققەت قىلىپ كەتمىدىم، تاكى بۈگۈن چەتئەلدىكى جۇڭگۇلۇقلارنىڭ تور بېتىدە مىرەخمەتجاننى ئاسىيا پۇتبۇل بىرلەشمىسىنىڭ زىيارەت قىلىپ بەرگەن خەۋىرىنى كۆرگىچە.

شەندوڭنىڭ زىبو شەھىرىدە ئۆتكۈزۈلۇۋاتقان  AFC U-19 Championship مۇسابىقىسىنىڭ گۇرۇپپىدىن چىقىش مۇسابىقىسدە جۇڭگۇ ياشلار كوماندىسى ئارقىمۇ ئارقا ئىككى مەيدان ئۇتۇپ 8 كۈچلۇك قاتارىغا كىرگەن. مىرەخمەتجان 90 مىنۇت مۇسابىقىنى تولۇق ئوينىغان. خەۋەرلەرگە قارىغاندا ھازىر جۇڭگۇ ياشلار  كوماندىنىڭ ئاساسلىق توپچىسى بولۇپ ھىساپلانغان  مۇزەپپەر مىرەخمەدجان ئاسىيا پۇتبۇل بىرلەشمىسىنىڭ دىققىتىنى تارتقان ۋە ئۇلارنىڭ زىيارىتىنى قۇبۇل قىلغان. ئۇ مۇخبىرغا شىنجاڭدا تالانتلىق توپچىلارنىڭ كۆپ ئىكەنلىگىنى، لېكىن ھەرخىل شارائىتلار تۈپەيلىدىن نۇرغۇنلىغان توپچىلارنىڭ 16-17 يېشىدا پۇتبۇل ھاياتىنى ئاخىرلاشتۇرىدىغانلىغىنى، ئۈزىنىڭ ئەڭ چوڭ ئۈمىدىنىڭ دۇنيا لوڭقىسدا توپ تىپىش ئىكەنلىگىنى ئېيتىقان. ئاسىيا پۇتبۇل بىرلەشمىسىنىڭ بۇ خەۋىرى جۇڭگۇدىكى نۇپۇزلۇق تەنتەربىيە مېدىيالىرىدا بىرىلگەن ۋە خەۋەر قىلىنغان.

گەرچە مىرەخمەدجان ئۇيغۇر پۇتبۇل ھەۋەسكارلىرىغا  ناتۇنۇش ئەمەس بولسىمۇ لېكىن پۇتبۇل خەۋەرلىرىنى دۇنيا لوڭقىسىدىن باشقا ۋاقىتتا كۆرمەيدىغانلار ئۈچۈن يىڭى ئىسىم ۋە يىڭى چىراي بولۇشى مۇمكىن.  مىرەخمەتجان بەلكىم  تۇنجى قېتىم ئاسىيا پۇتبۇل بىرلەشمىسىنىڭ تور بېتىگە چىقىپ باققان ئۇيغۇر پۇتبۇلچى بولۇشى مۇمكىن.

خەنزۇچە ۋە ئىنگلىسچە ۋىكىپېدىيا تۇنۇشتۇرلۇشىغا قارىغاندا مىرەخمەدجان قەشقەردە بىر پۇتبۇلچىلار ئائىلىسىدە تۇغۇلۇپ كىچىگىدىن باشلاپ پۇتبۇل ئويناپ چوڭ بولغان، 13 يېشىدا شەندۇڭ لۇنىڭ پۇتبۇل مەكتىۋىگە تاللىنىپ سىستىمىلىق تەربىيە ئالغان ۋە بۇ كوماندىنىڭ U15, U17 ئۈسمۈرلەر ۋە ياشلار كوماندىسىدا توپ ئويناپ كوماندا چىمپيۇن بولغان. لېكىن بۇ كوماندىلاردا توپ ئوينىغاندا ئىپادىسى قانداق بولغان، زاپاس ئەزا سۈپىتىدە ئوينىغانمۇ ياكى ئاساسلىق ئەزا سۈپىتىدىمۇ بۇ ھازىرچە ماڭا نامەلۇم. ئۇ يەنە 2008 -يىلى ئۇ  شۇ كوماندىدىكى يەنە بىر سەپدىشى  پەرھاد قاتارلىقلار بىلەن شىنجاڭ لاتارىيە كوماندىسىغا ئارىيەتكە ئېلىپ كىلىنىپ ب دەرىجىلىكلەر مۇسابىقىسى ئوينىغان. بۇ ۋاقىتتا لاتارىيە كوماندىسىنىڭ ئىپادىسى نورمال بولۇپ ئاخىرىدا 6-دەرىجىگە تىزىلغان. 2009-يىلى ئۇ يەنە شىنجاڭ كوماندىسىغا ۋەكىل بولۇپ دۈلەتلىك تەنھەرىكەت يېغىنىغا قاتناشقان لېكىن كوماندا گۇرۇپپىدىن چىقالمىغان ئىدى.  ئۇ 2010- يىلى خېنەن قۇرلۇش كوماندىسىغا ئارىيەتكە ئېلىنىپ شۇ يەردە توپ تېپىۋېتىپتۇ. مىرەخمەتجان 2009-يىلدىن باشلاپ ئارقا ئارقىدىن دۈلەت ئۇلىمپىك كوماندىسىغا، دۈلەت كوماندىسىغا ۋە دۈلەت ياشلار كوماندىسىغا تاللىنىپ جۇڭگۇغا ۋەكالىتەن توپ تەپكەن. توردىكى خەۋەرلەر ۋە ھۇررا كۇلۇبىنىڭ خەۋەرلىرىگە قارىغاندا ئۇ ئاستا- ئاستا غوللۇق ئەزاغا ئايلىنىقا باشلىغان.

جۇڭگۇدا ھۈكۈمەت تەرەپ  ھازىر جۇڭگۇ پۇتبۇل بىرلەشمسىنىڭ قاتتىق تۆزەۋاتىدۇ، جۇڭگۇ پۇتبۇلچىلىقىىنىڭ ئالدىنقى 10 يىلدىكى مۇھىم شەخىسلەردىن نۇرغۇنلىرى ھازىر تۇرمىدا. مىرەخمەت قاتارلىق ئاز سانلىق مىللەت توپچىلىرىنىڭ جۇڭگۇ كوماندىسىغا كىرىشى ھۈكۈمەتنىڭ پۇتبۇلنى تۈزەش جەريانىدا ئېلىپ بېېرىۋاتقان بىر قېتىملىك ئۆتكۈنچى سىناقمۇ قانداق ھازىرچە بۇنىڭغا بىر نىمە دىمەك تەس. ئەلۋەتتە، بۇنىڭ پەقەت بىر قېتىملىق ئۆتكۈنچى شامال بولۇپ قالماسلىقىنى ئۈمىت قىلىش بىلەن بىر ۋاقىتتا ،  مىرەخمەتنىڭ پۈرسەتنى چىڭ تۇتۇشىنى، كوماندا تۈزۈمىگە ياخشى بويسۇنۇپ تالانتىنى ياخشى جارى قىلدۇرۇشىنى ئۈمىت قىلىمەن. ئەگەر ئۇمۇخبىرغا  ئېىيتقان دۇنيا لوڭقىسىداتوپ تىپىش چۈشىنى رىئاللىققا ئايلاندۇرماقچى بولسا ئۇنىڭ بىردنبىر يولى جۇڭگۇ كوماندىسدا ياخشى توپ تىپىش. ئۇيغۇرلاردىن پات پات ئۇ بۇ ساھەدە تۇيۇقسىز جۇڭگۇنىڭ ئاساسى ئېىقىمدا بەس بەس بىلەن خەۋەر قىلىنىدىغانلار پەيدا بولۇپ قالىدۇ، ۋاي بۇ خېلى يامان تۇرىدۇ، كىيىنچە چوڭ نەتىجىلەر بار ئوخشايدۇ دەپ ئۈمىت كۈتسەك بىر نەچچە يىلغا قالمايلا سۇغا چۈشكەن تاشتەك يۇقاپلا كىتىدۇ. خەۋىرىنى ئىزدەپمۇ تاپقىلى بولمايدۇ.مىرەخمەتجاننىڭ شۇنداقلارنىڭ بىرى بولۇپ قالماسلىغىنى ئالدىن سەمىگە سېلىپ قويىمەن.

ھۇررا كۇلۇبىنىڭ خەۋىرىگە قارىغاندا ھازىر ئىچكىردە كەسپى كۇلۇپلاردا توپ تىپىىۋاتقانلاردىن يەنە  بارى، يەھيا، ئەكرەم، ۋەلى قاتارلىقلار بار بولۇپ بۇلاردىن بۇلتۇر ئەكرەم خۇنەن كوماندىسىنى جۇڭگو ئا دەرىجىلىك مۇسابىقىغا چىقىشىغا چوڭ رول ئوينىغان ھەم شۇ يىللىق جۇڭگو ب دەرىجىلىك مۇسابىقىنىڭ مۇنەۋۋەر ھۇجۇمچىسى ، ئەڭ كۆپ توپ ئۇرغان توپچى مۇكاپاتىغا ئېرىشكەن.  يەھيا ۋە ۋەلى ھازىر ئىككيلەن لىياۋنىڭ شەرق يولۋىسى كوماندىسىدا غوللۇق كوماندا ئەزاسى ئىكەن. ئۇيغۇرلاردىكى تۇنۇلغان توپچىلارنىڭ تەپسىلى ئەھۋالى بۇرۇن ھۇررا كۇلۇبىدا بار بولۇپ ھازىر كۆرۈنمىدى.

بۇلاردىن باشقا يەنە بۇ يىل 6-ئايدا شىنجاڭ پىداگوگىكا ئۇنۋېرسىتىتى پۇتبۇل كوماندىسى جۇڭگۇ ئالى مەكتەپ ئوقۇغۇچىلىرى پۇتبۇل بىرلەشمە مۇسابىقىسىدا چىمپيونلۇقنى قولغا كەلتۈرگەن بولۇپ، ئاپتۇنۇم رايونلۇق ھۆكۈمەت 100مىڭ يۈۋەن خەلق پۇلى بىلەن مۇكاپاتلىغان.

ماتىرىىيال ھىساۋىدا ئۇيغۇر بالىلارئۈچۈن  ھازىر پۇتبۇلغا ئائىت خەۋەر ۋە قىززىقىشىرىنى ئورتاقلىشىدىغان تور بەتلەردىن ھۇررا كۇلۇبى، پۇتبۇل تۇرى، پۇتبول مۈنبىرى ، 11 ئادەم پۇتبۇل كۇلۇبى، ئۈزغان مۇنبىرى قاتارلىقلار بار. ئۇيغۇرچە پۇتبۇل ئاتالغۇلىرى: مەيدان ئۈستىدە، ھەرىكەتلەردە،  مەيدان سىرتىدا ۋە تەشكىلدە.  ئۇناىن باشقا يەنە قىززىقسىڭىز ئۇيغۇرلارنىڭ پۇتبۇل تارىخى. شىنجاڭدىكى 100يىللىق پوتبۇل كەنتى، شىنجاڭدىكى تۇنجى پۇتبول كوماندىسى قاتارلىقلارنى ئوقۇڭ. CCTV يىقىندا ئىكساق كەنتى ئۈچۈن رىۋايەتلەردىكى شىنجاڭ پۇتبۇل كەتنى ناملىق قسىقا ڧىلىمنى ئىشلىگەن. ئۇندىن باشقا 2008-يىلى شىرزات ياقۇپ رىژىسسورلىقىدا ئىشلەنگەن مەمەتنىڭ 2008-يىلى ئىكساق كەنتدىكى پۇتبۇل قىزغىنلىغىقىنى ئارقا كۈرۈنۇش قىلىپ ئىشلەنگەنىكەن.

ئۇيغۇر پۇتبۇلچىلارنىڭ تەپسىلى ئەھۋالى ۋە رەسىملەر توغرىلىق مەزمۇنلار بولسا بۇ تىمىغا ئىنكاس شەكىلدە يوللاپ قويساڭلار مەن يىڭىلاپ قويىمەن.