ئىتالىيە كامىرىنو ئۇنۋېرسىتىتىغا كومپيۇتېر، گېئولوگىيە ۋە فىزىكا كەسىپلىرىدنن ئوقۇغۇچى قۇبۇل قىلىنىدۇ.

كامىرىنو ئۇنىۋىرستىتى (Università degli Studi di Camerino )   ئىتاليەدىكى تارىخى ئەڭ ئۇزۇن  ئۇنىۋىرستىتلارنىڭ بىرى بولۇپ   گەرچە كۆلىمى كىچىك بولسىمۇ ئەمما تەبئي پەن تۈرلىرى بويىچە ئىتاليدە خىلى كۈچلۈك ئۇنىۋىرستىتىتلارنىڭ بىرى بولۇپ ھىساپلىندۇ. بۇ ئۇنۋىرسىتىت يىقىنقى يىللاردىن بىرى بىر قانچە ماگىسترلىق پروگراممىسىنى ئىنگلىزچە ئىلىپ بىرىۋاتقان بولۇپ ھەر يىلى بۇ پروگراممىلارغا خەلقئارالىق ئوقۇغۇچىلارنى قوبۇل قىلىپ كىلۋاتماقتا.
مۇناسىۋەتلىك پروفىسورلارنىڭ قىتىلىشى بىلەن ئۇيغۇر ئوقۇغۇچىلارغا ئۇنۋىرسىتىتنىڭ گئولوگىيە، كومپيۇتېر ۋە فىزىكا كەسىپلىرىدە ماگستىر پروگراممىسىدا ئوقۇش پۇرسىتى بىرىلگەن بولۇپ بۇ چەتئەلدە ئوقۇش ئارزۇسى كۇچلۇك ئۇيغۇر ئوقۇغۇچىلار ئۇچۇن ئىنتايىن ياخشى بىر پۇرسەت بولۇپ ھىساپلىندۇ.

ماگستر پروگراممىلىرىغا ئائىت قىسقىچە ئۇچۇرلار:
1. گئولوگىيە كەسپىدىكى ماگستىرلىق پروگرامىسىنىڭ نامى Geo-Environmental Resources and Risks  بولۇپ ئۇنىۋەرسىتىتنىڭ پەن-تىخنىكا مەكتىپى، گئولوگىيە فاكۇلتىتىدا ئىلىپ بىرىلدۇ. بۇ پروگرامما گىرمانىيەنىڭ مىيۇنخىن ئۇنىۋىرسىتىتى بىلەن ھەمكارلىشىپ ئىلىپ بىرىلدۇ. ئوقۇغۇچىلار ئىككى ئۇنىۋىرسىتىتتا بىر يىلدىن ئوقۇسا بولىدۇ ھەم ئىككى ئۇنىۋىرسىتىتتىن ماگسترلىق ئۇنۋانى ئالالايدۇ. ئۇندىن باشقا ئوقۇغۇچىلارنىڭ ئۇنىۋىرسىتىتنىڭ ئىقتىسادى ياردىمى بىلەن قىسقا مۇددەت ياۋروپادىكى باشقا ئۇنىۋىرسىتىتلاردا( چارلىز پىراگ ئۇنۋىرىسىتىتى (چىخ)، خېلېسېنكى ئۇنۋىرىسىتىتى (فىنلاندىيە)…) ئوقۇپ كىلىش پۇرسىتى بولىدۇ. (بۇ پروگراممىغا ئائىت ئۇچۇرلارنى توۋەندىكى بەتلەردىن تەپسىلى كورۇڭ:
http://www.unicam.it/geologia/teaching/guida_LM-GRR_eng_2012-131.pdf

2. كومپيۇتىر كەسپىدىكى ماگسترلىق پروگراممىسى ئۇچۇر ۋە ماتىماتىكا فاكۇلتىتىدا ئىلىپ بىرىلدىغان بولۇپ پروگرامما نامى كومپيۇتىر ئىلمى (Computer Science). بۇ پروگرامما ئىسلاندىيە ۋە شۋىتسارىيەدىكى ئىككى ئۇنىۋىرسىتىت بىلەن ھەمكارلىشىپ ئىلىپ بىرىلدۇ. ئوقۇغۇچىلار ئوزىنىڭ كىيىنكى يۆنىلىشگە ئاساسەن ئۇنىۋىرسىتىتنىڭ ئىقتىسادى ياردىمى بىلەن بۇ ئۇنىۋىرسىتىتلارنىڭ بىرىگە بىرىپ بىر يىل تۇرسا بولىدۇ ھەم ئىككى ئۇنىۋىرسىتىتتىن ماگستىرلىق ئۇنىۋانى ئالالايدۇ. (بۇ پروگراممىغا ئائىت ئۇچۇرلارنى توۋەندىكى بەتلەردىن تەپسىلى كورۇڭ:
http://www.cs.unicam.it/home
http://www.cs.unicam.it/images/guida%20classe%20lm18_eng.pdf

3. فېزىكا بۆلۈمى گەرچە كۆلىمى چوڭ بولمىسىمۇ نۇقتىلىق ساھەلەردە،مەسىلەن:قاتتىق جىسىم نەزەرىيەسى X-نۇرى سپەكتراسى،كۋانتۇم ئوپتىكىسى قاتارلىق گۇرۇپپىلار خەلقارادا ئالدىنقى قاتاردا تۇرىدۇ. ھازىرغىچە ئوقۇش پۈتتۈرگەن ئوقۇغۇچىلار ھەرقايسى دۆلەتلەردە ئۆزلىرىنىڭ دوكتۇرلۇق ئوقۇشىنى داۋاملاشتۇرىۋاتىدۇ. ئوقۇش ئىككى يىللىق بولۇپ،ئەھۋالغا ئاساسەن بىر يىل ئۇزارتىشقا بولىدۇ. فېزىكا فاكۇلتىتىنىڭ ماگىستىرلىق پروگراممىسىغا قوبۇل قىلىنغان ھەرقانداق ئوقۇغۇچى ئىراسمۇس (Erasmus) پىلانى ئىچىدە بولۇپ، پولشا قاتارلىق دۆلەتلەردىكى داڭلىق ئۇنۋىرستىتلاردا ئوقۇش ۋە تەتقىقات پائالىيتى بىلەن شوغۇللىنالايدۇ. ئوقۇغۇچىلار ئىككى ئۇنۋىرستىتتا بىر يىلدىن ئوقۇسا بولىدۇ ئاخىرىدا ھەر ئىككى ئۇنۋېرستىتتىن ماگىستىرلىق ئۇنۋانى ئالالايدۇ.

ئۇيغۇر ئوقۇغۇچىلار ئۈچۈن قويۇلدىغان تەلەپلەر تۆۋەندىكچە:
1. چوقۇم كەسپى دەرسلەردە نەتىجىسى ياخشى بولغان بولىشى، تىرىشچان، جاپاغا چىدايدىغان،ئوقۇش مۇددىئاسى ئىنىق ھەم گېئولوگىيە ياكى كومپيوتىر كەسپىگە كۈچلۈك قىزىقىشى بار بولغان بولىشى كىرەك.   
2. گئولوگىيە كەسپىگە ئىلتىماس قىلغۇچىلار چوقۇم گئولوگىيە، موھىت ئىلمى،موھىت ئىنجىنىرلىقى دىگەن كەسىپلەردە ئوقۇغان ۋەياكى گىئولوگىيە، جۇغراپىيە، مىنىرالوگىيە، پېترولىگىيە قاتارلىق دەرسلەر ئۆتۈلگەن كەسىپتە ئالي مەكتەپ دىپلومى ئالغان بولىشى كىرەك. ئۇندىن باشقا ماتىماتىكا، فىزىكا، خىمىيە(ئىنورگانىك) قاتارلىق پەنلەردىن پۇختا ئاساسى بار بولىشى كىرەك.
3. كومپۇتىر كەسپىگە ئىلتىماس قىلغۇچىلار چوقۇم كومپۇتىر، يۇمشاق دىتال لاھىيەلەش، ئۇچۇر تىخنىكىسى دىگەندەك كومپۇتىر ھەم پروگرامما تۇزۇش بىلەن زىچ مۇناسىۋەتلىك كەسىپلەردە ئوقۇغان بولىشى، پروگرامما تىللىرىدىن ئاز دىگەندە بىرگە پۇختا بولىشى، يۇمشاق دىتال لاھىيەلەش ياكى شۇنىڭغا مۇناسىۋەتلىك تەتقىقاتلارغا قاتناشقان تەجىربىسى بولىشى كىرەك. ئۇنىدىن باشقا ماتىماتىكا، فىزىكا پەنلەردىن بەلگىلىك ئاساسى بولىشى كىرەك.
4. فىزىكا كەسپىگە ئىلتىماس قىلغۇچى بۇيىل ئالى مەكتەپ تولۇق كۇرس فېزىكا كەسپىنى تاماملايدىغان،ياكى تاماملىغىلى ئەڭ كۆپ بولغاندا تۆت يىل بولغان بولىشى كېرەك. تولۇق كۇرس كەسپى نەتىجىلىرى ياخشى بولىشى،بولۇپمۇ فېزىكا ۋە ماتېماتىكا كەسپى نەتىجىلىرى ئالاھىدە ياخشى بولىشى كېرەك.
5. ھەممەكەسىپكە ئىلتىماس قىلغۇچىلار ئىنگلىز تىلدىن ياخشى ئاساسى بولىشى كىرەك. ئىلتىماس قىلغۇچىلار ئەڭ توۋەن دىگەندە ئالي مەكتەپ ئنگىلىس تىلى ئىمتىھانلىرى(CET-4,6) دىن ياخشى نەتىجە ئالغان بولىشى شەرت. ئىلتىماس قىلغۇچىلارنىڭ TOEFL ياكى IELTS  نەتىجىلىرنىڭ بولىشى ھازىر تەلەپ قىلىنمايدۇ، بىراق قوبۇل قىلىنغان ئوقۇغۇچىلار مەكتەپكە كىلىپ بىر يىلغىچە چوقۇم IELTSئىمتىھان نەتىجىسىنى كورسىتىش كىرەك.

ئەگەر سىز بۇ ئوقۇشقا قوبۇل قىلىنىپ كامىرىنو ئۇنۋىرسىتىدا ئوقۇپ قالسىڭىز تۆۋەندىكىدەك بىر قانچە پايدىلىق شارائىتلاردىن بەھرىمەن بولالايسىز:
1. ئىقتىسادي جەھەتتىن كامىرىنو ئۇنىۋىرسىتىدا ھەر يىلى نەتىجىسى ياخشى، ئىقتىسادى قىيىنچىلى بار ئوقۇغۇچىلارغا بىرىلدىغان ئوقۇش مۇكاپاتى (Borsa di Studio) بار بولۇپ ئۇيغۇر ئوقۇغۇچىلار ئىقتىسادى ئەھۋالىغا ئاساسەن بۇ مۇكاپاتقا ئىلتىماس قىلسا بولىدۇ.ئەگەر بۇ مۇكاپاتقا ئىرىشەلىسىڭىز بىر يىللىق (ئىككى ئايلىق يازلىق تەتىلنى ئوز ئىچىگە ئالمايدۇ) ھەقسىز ياتاق، تاماق بىلەن تەمىنلىنىدۇ. ئائىلە ئىقتىسادىدا ئالاھىدە قىيىنچىلىق بار ئوقۇغۇچىلار ھەر يىلى 1600 ياۋرو ئەتراپىدا مۇكاپات پۇلىنى ئېلىش ئىمكانىيتى بار. بۇ مۇكاپات بىلەن ھىچقانچە قىينالماي ئوقۇيالايسىز. بۇ مۇكاپاتنى ئوقۇشقا كىرگەندىن باشلاپ ئىلتىماس قىلىشقا بولىدۇ. ئۇندىن باشقا ئەلاچى ئوقۇغۇچىلار مۇكاپاتى(Grant for excellent students) دىگەن يەنە بىر مۇكاپات تۇرى بار بولۇپ يۇقارقى ئوقۇش(Borsa di Studio) مۇكاپاتىغا ئىرىشەلمىگەن، ئەمما نەتىجىسى ياخشى ئوقۇغۇچىلار بۇ مۇكاپاتتىن بەھرىمەن بولالايدۇ. ئۇنىڭ ئۈستىگە كامىرىنو كىچىك شەھەر بولۇپ تۇرمۇش خىراجىتى تۆۋەن، شۇڭا تەتىل مەزگىلدىمۇ سىزگە كوپ ئىقتىسادى بىسىم بولمايدۇ.
2. ئىتالىيە تەرەققى قىلغان دۆلەت بولۇپ مائارىپى ئىلغار، ئوقۇتۇش سۈپىتى ھەم تەتقىقات شارائىتى ياخشى. سىز ئىككى يىللىق ماگسترلىقنى ياخشى نەتىجە بىلەن پۈتتۈرسىڭىز ھەر قانداق بىر دۆلەتتىن دوكتۇرلۇق ئوقۇش پۇرسىتى تاپالايسىز.
3. ئىتالىيەگە چىقىش باشقا دۆلەتلەرگە قارىغاندا ئاسان، ئەلچىخانىدا قويۇلدىغان تەلەپلەر يۇقىرى ئەمەس ھەم ئاساسى جەھەتتىن ۋىزا ئالالايسىز. ئۇنىڭ ئۈستىگە ئىتالىيە ياۋروپا ئىتپاقىغا ئەزا دولەت، بۇ سىزنىڭ كىيىنكى ئوقۇش ياكى تۇرمۇش پىلانلىرىڭىزغا پايدىلىق شارائىتلارنى ئىلىپ كىلىشى مومكىن.

ئالدىنقى يىللاردىن بۇيان بۇ ئۇنۋېرسىتىتقا كىلىپ ئوقۇغان ئۇيغۇر بالىلار ھەممىسى دىگۈدەك ئوقۇش مۇكاپات پۇلىغا ئىرىشكەن بولۇپ يۇقىرى ئۆرلەپ ئوقۇشنى تاللىغانلار ياۋرۇپانىڭ ھەر قايسى دۆلەتلىرىدە دوكتورلۇق ئوقۇۋاتىدۇ.

يۇقارقى تەلەپلەرگە ئۇيغۇن كىلدىغان ھەم چەتئەلدە ئوقۇش ئارزۇسى بار، ئوقۇش پۈتتۈرگەن ياكى بۇ يىل ئوقۇش پۈتتۈرۈش ئالدىدا تۇرغان ئوقۇغۇچىلارنىڭ بۇ پۇرسەتنى چىڭ تۇتۇپ بىز بىلەن ئالاقىلشىشنى ئۈمىد قىلمىز.

ئىلتىماس قىلىشقا كىرەكلىك ماتىرىياللار:
ئىلتىماس قىلغۇچىلار ئۆزىنىڭ قىسقىچە تەرجىمھالى(CV)، ئالي مەكتەپ نەتىجە قەغىزى (سايىلەنگەن نۇسخىسى)، ئالي مەكتەپ ئۇنۋانى(سايىلەنگەن نۇسخىسى)، ئىنگىلىزچە سەۋىيە ئىسپاتى، ھەم نىمە ئۈچۈن بۇ كەسىپتە ئوقۇماقچى بولغانلىقىنى چۈشەندۇرۇپ بىر پارچە ئىلتىماس خىتى (motivation letter)نى ئىنگلىزچە يىزىپ تۆۋەندىكى ئادرىسلارغا ئەۋەتسە بولىدۇ:

گېئولوگيە كەسپىگە ئىلتىماس قىلىدىغانلار : geounicam@gmail.com
كومپىيوتىر كەسپىگە ئىلتىماس قىلىدىغانلار: compunicam@gmail.com
فىزىكا كەسپىگە ئىلتىماس قىلىدىغانلار: physicsunicam@gmail.com

ئىتالىيە ئەلچىخانىسنىڭ تەلىپىگە ئاساسەن ئىتالىيەگە ئوقۇشقا كىلىدىغان ئوقۇغۇچىلار ئىتالىيەنىڭ بېيجىڭ ياكى شاڭخەيدىكى ئەلچىخانىسىغا بېرىپ ئالدىن تىزىملىتىشى كىرەك. بۇ يىلقى ئالدىن تىزىملىتىش ۋاختى 2-ئاينىڭ 4-كۈنىدىن 3-ئاينىڭ 14-كۈنىگىچە بۇلۇپ مۇشۇ ئوقۇشقا قىزىقىدىغانلار 2-ئاينىڭ 15دىن بۇرۇن بىزگە ئىلتىماسنى يوللاپ بولىشى كىرەك.

2013-01-20