باشبەت » ئويلانمىلار

ئامرىكىلىق نەزىرىدىكى ئۇيغۇر تويلىرى : Weddings in Uyghur Style on An American's Eye

22 ماي 2008 832 قېتىم كۆرۈلدى 32 ئىنكاس
 
 
بۇ يازمىنى مەلۇم بىر ئىنگىلىسچە بەتتە كۈرۈپ تەرجىمە قىلىپ قويدۇم. بۇ 2007-يىلى 11 ئاي ئەتراپىدا  يېزىلغان 

ئۇيغۇرچە توي

ئۈتكەن ھەپتە مەن بىر ئۇيغۇرچە توي مۇراسىمىغا قاتناشتىم. توغرا، ھىچ بولمىغاندا توينىڭ بىرىنچى كۈنىنىڭ كىيىنكى يېرىمىغا تولۇق قاتناشتىم. كۈرەلەيسىز، ئۇيغۇر تويلىرى تولۇق ئىككى كۈن داۋاملىشىدۇ، كۈندۈزدە ۋە ئاخشامدىمۇ پائالىيەت ئورۇنلاشتۇرلىدۇ.

ھازىرسىز غەرىپتىكى تويلارنى كۈز ئالدىڭىزغا كەلتۈرگەن بۇلسىڭىز ئۇنى ئۇنتۇپ كىتىڭ. بۇ پۈتۈنلەي ئوخشىمايدۇ. ناھايتى قىزىقارلىق، بەكلا باشقىچە،ھاھا.

مەسىلەن، سىز غەرىپتە توي تەكلىپنامىسىنى تاپشۇرۋالسىڭىز ئۇنى كەم دىگەندە بىر ياكى بىر ئاي بۇرۇن تاپشۇرۋالىسىز. لېكىن مەن بۇ توينىڭ باغىقىنى توينىڭ ئالدىنقى ئاخشىمى تاپشۇرۋالدىم، شۇنداقلا باشقىلار ئۈز قۇلى بىلەن بەردى تېخى.

يەنە بىر ئوخشىمايدىغان يىرى، ھەقىقى تەكلىپنامىنى ئوقۇپ چۈشىنىش. ئەگەر سىز غەرىپتە توي باغىقى تاپشۇرۋالسىڭىز، ئۇنىڭدا توي سائەت ئىككىدە باشلىنىدۇ دىيىلگەن بولسا، سىز چوقۇم تويغا سائەت ئىككىدىن بۇرۇن بارىسىز. لېكىن ئۇيغۇر تويلىرىدا  ۋاقىتنى بەلكىم ئىككىدە دىيىشى مۇمكىن. لېكىن بۇ يەردە دىيىلگەن ئىككى " تاماق شۇ ۋاقىتتا تەييار بۇلىدۇ" دىگەننى كۈرسىتىدۇ. شۇڭا سىز بۇرۇنراق تاماق يىيىشنى خالىسڭىز شۇ ۋاقىتقا كەلسىڭىز بۇلىدۇ. لېكىن كۆپىنچە مىھمانلار سائەت 4-5 لەر ئەتراپىدا كىلىدۇ.

يەنە بىر ئوخشىمايدىغان يىرى، ئۇيغۇر تويلىرىدىكى مىھمانلار ئىككىگە بۈلىۋىتىلىدۇ: ئاياللار بىر يەردە (كۈپىنچە قىزنىڭ  ئۈيىدە) ،  ئەرلەر بىر يەردە ( كۈپىنچە  يىگىتنىڭ ئۈيىدە) . ئايرىتىۋىلگەن بۇ ئىككى تەبرىكلەش ئوخشاش ۋاقىتتا ئېلىپ بېرىلىدۇ، شۇنداقلا ئوخشاش بىر ئىشنى قىلىۋاتقان بۇلۇشى مۇمكىن ، يەنى تاماق تارتىش. ئۇندىن باشقا، بۇ تاماقمۇ ئوخشاش بۇلۇشى مۇمكىن، ئۇ بولسىمۇ پولۇ دەپ ئاتىلىدىغان بىر خىل تاماق، بۇ تاماق گۇرۇچ، ماي، گوش، سەۋزە، بەزى مىۋىلەر مەسىلەن قۇرۇق ئۈزۈم ياكى خورما قاتارلىقلاردىن پايدىلىنىپ ئىتىلىدۇ.

 توينىڭ ئەمەلى مۇراسىمىمۇ پۈتۈنلەي ئوخشىمايدۇ. غەرىپتە. مۇراسىم چاقىرىلغان ھەممە مىھمانلار بىلەن بىرلىكتە چىركاۋدا ئۈتكۈزۇلىدۇ ھەمدە بىر پوپ مۇراسىمغا رىياسەتچىلىك قىلىدۇ.  ئۇيغۇر تويلىرىدا، دىنى مۇراسىم توينىڭ تۇنجى كۈنىنىڭ ئەتىگەنلىكى ئۈتكۈزىلىدۇ. بارلىق ئەرلەر بۇنىڭغا قاتنىشىدۇ ھەمدە شۇ يەردىكى مەسچىتنىڭ ئىمامى (دىنى رەھبىرى)  مۇراسىمغا رىياسەتچىلىك قىلىدۇ. قىز ۋە ئۇنىڭ ئاپىسى شۇنداقلا يەنە بىر نەچچە ئايالمۇ ئۇ يەردە بۇلىدۇ. لېكىن ئۇلار ئەرلەر كۈرەلمەيدىغان، لېكىن ئىمامنى ئاڭلىغىلى بۇلىدىغان يەنە بىر ئۈيدە بۇلىدۇ.

توينىڭ غەرىپنىڭ تويلىرىغا قارىماققا ئوخشاپ كىتىدىغان بىر يىرى (شۇنداقتىمۇ خېلى ئوخشىمايدۇ)  : ئۇسۇل ئويناش. غەرىپنىڭ تويلىرىدا كۈپىنچە مۇراسىمدىن كىيىن كۈتۈۋىلىش  بۇلىدۇ. كۈتۈۋىلىشتا مىھمانلار ئۇسۇل ئوينايدۇ. ئۇيغۇر تويلىرى بولسا  بىرىنچى كۈنى ئەتىگەندىكى دىنى مۇراسىمدىن باشقا پۈتۈن ئىككى كۈن توينىڭ ھەممىسى توختىماي داۋاملىشىدىغان كۈتۈۋىلىش. مىھمانلار كىلىپ كىتىپ تۇرىدۇ، بەزىلەر تاۋاقتا پولۇ يىيىش ئۈچۈن ئۇزۇنراق تۇرىدۇ، يەنە باشقىلار پۈتۈن كۈن تۇرىدۇ.

قاراڭغۇ چۈششى ئۇسۇلنىڭ باشلىنىدىغىندىن دىرەك بىرىدۇ.

( تويلارنىڭ ھەممىسى ئاساسەن ئۈيلەردە ئۈتكۈزىلىدىغان بولغاچقا مەن بۇ يەردە سىزلەرگە ئۇيغۇرلارنىڭ ئۈيى توغرىلىق سۈزلەپ بەرمىسەم بولمايدۇ. تىپىك ئۇيغۇر ئۇيىنىڭ ئالدى ئىشىكى كوچىغا قارايدۇ ھەم تام بىلەن قاشالىنىدۇ. ئىشىكتىن كىرسىڭىزلا كۆرىدىغىنىكىز ئۈينىڭ ھويلىسى، ھويلىدا كۆپىنچە ئۈزۈم بارىڭى ۋە ئەنجۈر ياكى ئانار دەرىخى بۇلىدۇ. ئۈيلەرنىڭ تاملىرى ۋە ئىشىكلىرى ھەممىسى بولۇپ U ياكى L شەكلىگە ئوخشايدۇ، ئىشىكلەر ھويلىغا قارايدۇ. ئائىلىنىڭ ئىقتىسادە ئەھۋالىغا قاراپ، بەزى ئۇينىڭ ئىككىنچى قەۋىتى بۇلۇشى مۇمكىن. ئۇندىن باشقا يەنە ئۈگزىدە نەرسە كىرەك ساقلايدىغان قازناق بۇلىدۇ، بەزىدە يەنە كەپتەرخانا بۇلۇشى مۇمكىن. قىسقىسى، تويدىكى ناخشا ئۇسۇل ئەنە شۇ ھويلىدا بۇلىدۇ)

يىگىت تەرەپ كىچىكرەك مۇزىكا ئەترىتى تەكلىپ قىلىپ ئەكىلىپ تويدا مىللى ناخشا مۇزىكىلارنى چالغۇزىدۇ. مىھمانلار يېرىم سائەتتىن
بىر سائەتكىچە ئۇسۇل ئوينايدۇ، يىگىت بىلەن قىز ئورۇندۇقتا ئولتۇرۇپ مىھمانلارنىڭ ئۇسۇلىنى كۈرىدۇ. (ئاڭلىسام ئاياللار تەرەپمۇ ئۇسۇل ئوينايدىكەن، لېكىن ماڭا كۈرۈشكە نىسىپ بولمىدى، ھەي!!..) . بىر نەچچە ياش بالىلار ئوتتۇرىدا ئوسۇل ئويناۋاتقانلارنىڭ چۈرىسىدە تۇرۇپ ئۇلارغا شوينىغا ئوخشاش ئېتىلىپ چىقىدىغان نەرسىلەرنى چاچىدۇ. ياشتا چوڭراقلىرىنى ياش بالىلار ئوسۇلغا چاقىرىدۇ ۋە قىززىقتۇرىدۇ، بەزىدە راستىنلا ئۇلارنى تارتىپ ئۇسۇلغا قېتىۋالىدۇ.  مىنىڭچە ئۇلارئۈزىنى  ئۇسۇل ئوينىغۇسى يۇقتەك قىلىپ كۈرسىتىدىكەن. چۇنكى ئۇلار ئۇتتۇرىغا چۈشسىلا  باشقا ئويناۋاتقانلارغا ئوخشاش ئۇسۇلغا كىرى
پلا كىتىدىكەن.

ئۇلار ئۇسۇلنى خېلى ئوزۇن ئوينىدۇق دەپ قارىغاندا ، يىگىتنى ئېلىپ ئۇنى ساقلاپ تۇرغان ماشىنىغا چىقىرىدۇ. ئاندىن ھەممەيلەن باشقا توختىتىپ قويۇلغان ماشىنىلارغا چىقىدۇ، ئەر تەرەپتىكى يىغىلىشنىڭ مىھمانلىرىنىڭ ماشىنىلىرى ئۇزۇن پويىز بولۇپ يىلانسىمان ھالدا پۈتۈن شەھەرنى چۈرگىلەيدۇ. بىرىنچى ماشىنىدا ناغرا ۋە سۇناي چالىدىغانلار ئولتۇرۇپ باشتىن ئاخىر توختىماي چېلىپ پۈتۈن ماشىنىلار شەھەرنى ئالدىرىماي چۈرگىلەپ ئاخىرى يەنە بايا ئۇسۇل ئوينىغان يەرگە قايتىپ كىلىدۇ. شۇنىڭ بىلەن توينىڭ بىرىنچى كۈنى ئاخىرلىشىدۇ.

توينىڭ ئىككىنچى كۈنىمۇ ئاساسەن بىرىنچى كۈنىگە ئوخشاش ئۈتىدۇ، نۇرغۇنلىغان ئادەملەر كىلىپ ئولتۇرۇپ كىتىدۇ، بەزىلەر پولو يەپلا كىتىدۇ، يەنە بەزىلەر ئۇزاق ئولتۇرىدۇ. بۇ كۈننىڭ ئاخشىمىمۇ بىرىنچى كۈنىگە ئوخشاش بۇلىدۇ. لېكىن ماشنىدا شەھەرنى چۈرگىلەپلا قايتىپ كەلگەننىڭ ئورنىغا ماشىنىا كارۋىنى قىز تەرەپنىڭ ئۆيىگە بارىدۇ. ياش باللا يىگىتنى كۈتىرىپ قىز تەرەپنىڭ ئىشگە ئالدىغا كىلىپ، قىزنىڭ ئاتا ئانىسىدىن قىزنى بىرىشنى سورايدۇ. ئەلۋەتتە، ئۇلار باشتا ئۇنىمايدۇ، شۇڭا ئەرلەر تالادا ئۇسۇل ئوينايدۇ، ئاخىر قىز چىقىدۇ ۋە يىگىتنىڭ ئۈيىگە ئېلىپ كىتىلىدۇ. شۇنىڭ بىلەن توي تۈگەيدۇ.
 
يۇقارقىلار ئۇيغۇرلارنىڭ تويىنى مەن ئەڭ ئاددىلاشتۇرۇپ بايان قىلغىنىم. ئەگەر تولۇق جەريانىنى كۈرىمەن دىسىڭىز ئەلۋەتتە ئۈزىڭىز كىلىپ قاتناشمىسڭىز بولمايدۇ. ئەگەر كىلەلمىسىڭىز مەن بىر نەچچە يىل بۇرۇن بىر تويغا قاتناشقاندا سۈرەتكە ئېلىپ قويغان مۇنى قىسقا ھۈججەتنى كۈرۈپ قويۇڭ( Jeck  ئىلاۋىسى: ھۈججەت چىقمىدى) ، بۇ تويمۇ مەن ئۈتكەن ھەپتە قاتناشقان تويغا ئوخشايدۇ: تاماق بار، ناخشا ‏- مۇزىكا بار، خوشاللىق بار.

تۈگىدى.

ئاندىن ئىككى ئامرىكىلىق بۇ يازمىغا ئىنكاس يېزىپتۇ:
بىرىنچى ئىنكاس: شۇنداق رەڭدار ھالدا تەسۋىرلەپ بەرگىنىڭىزگە كۆپ رەھمەت. ئاندىن ئاۋۇ ھۆججەت ئەمەلى قىلىپ كۈرسىتىپتۇ، توينى ئىككى كۈن تەبرىكلىسە بەك پەيزى بۇلىدىغاندەك قىلىدۇ. تاماقلارنى تېتىپ باققاندەك بولدۇم. ماشىنىلار توپا تۇزۇتۇۋىتىپتۇ. ھاۋا سوغۇقمۇ نىمە؟ ھەممەيلەن چاپان ۋە باش كىيىم كىيىۋاپتۇ. مۇزىكىنىڭ ئاھاڭى، جۇڭگۇ مۇزىكىلىرىغا، يەنە ئوتتۇرا شەرىقنىڭ مۇزىكىلىرىغا، يەنە تېخى ئىندىيانلارنىڭ مۇزىكىسىغا ئوخشايدىكەن.

ئىككىنچى ئىنكاس: مەن بۇلارنى ۋىدىئو دا كۈرگەن. مىنىڭ دوستۇم ماڭا ئۈزىنىڭ 3 يېرىم سائەتلىك قىلىپ ئىشلەنگەن توي ۋە كۈتۈۋىلىش مۇراسىمىنى كۈرسەتكەن. شۇنداق قىزىقارلىق ئىكەن. مىنىڭ شۇنداق ئۇيغۇرچە ئۇسۇل ئويناشنى ئۈگەنگۈم كەلدى.

ئىنكاسلار تۈگىدى:

Jeck مۇلاھىزىسى: بۇ يازمىنىڭ ئىگىسى توغرىىلىق ئىزدىنىپ بېقىشىمغا قارىغاندا ئۇ ئامرىكىلىق بولۇپ  قەشقەر تەرەپلەردە، بولۇپمۇ قەشقەر شەھەر ئىچى، يەركەن، بەلكىم يەنە قاغىلىق ئەتراپىدا تۇرۇپتۇ. قارىغاندا بۇ توي قەشقەرنىڭ ناھىيلىرىنىڭ بىرەر يېزىلىرىدا بولغان ئوخشايدۇ. خوتەننىڭ يېزىلىرىدىمۇ ئىسىمدە قېلىشىچە توي ئىككى كۈن بۇلىدۇ. لېكىن مەن قاتنىشىپ باقمىغان. قەشقەرنىڭ شەھەر ئىچىدە توي قانداق بۇلىدۇ تازا بىلىپ كەتمەيمەن. لېكىن پەرىزىمچە ئۇ يەردىمۇ توي رىستۇراندا بۇلىدىغان بولۇپ كەتتى. ئاپتۇر ئۇيغۇرلارنىڭ تويى مۇشۇنداق بۇلىدۇ دەپ يېزىلارنىڭ تويىنى نەزەرگە توتقان بۇلۇشى مۇمكىن. مەنغۇ يېزىلاردىمۇ تويلار رىستۇراندا بۇلىدىغان بولۇپ كەتتى دەپ ئاڭلىدىم. ئىشقىلىپ يازغۇچى بىزنىڭ تويلىرىمىزنىڭ يېزىلاردىكى ئەسلى قىياپىتىنى كۈرۈپتۇ. ئاپتۇر ئۇيغۇرچىنىمۇ خېلى ياخشى ئۈگەنگەندەك قىلىدۇ. ئۇ ھېلىمۇ شۇ تەرەپلەردە بولۇپ قالسا، تەسىرى بولمىسۇن دەپ ئەسلى مەنبەنى يوللىمىدىم.

مەن ئىككى يىللار بۇرۇن ئۇيغۇر تويلىرى توغرىلىق بىر قىسىم كۈز قاراشلىرىمنى يېزىپ ئۈتكەن ئىدىم. قىززىقسىڭىز بۇ يەردىن كۈرۈڭ.
more.asp?name=Jeck&id=541

 

  

32 ئىنكاس بار »

  • Israpelalp :

    Hello Tursunjan, I just have found your blog on the web, I am very glad to see your blog, I will be your visitor from this moment and wish to get valuable information from you.your sincerely Lost friend israpel, Hotan.

    [بۇ پىكىرگە ئىنكاس يېزىش Reply to this comment]

    # 27 نويابىر 2010 ۋاقتى: 16:05
  • ئۇيغۇربەگ :

    بۇ ئامىرىكېلىق بىزنىڭ توينى خېلى ئەتراپلىق كۆزىتىپتۇ جۇمۇ!

    [بۇ پىكىرگە ئىنكاس يېزىش Reply to this comment]

    # 21 سېنتەبىر 2009 ۋاقتى: 17:30
  • مايسەم :

    مەن جىك بىلوگىنى ياقتۇرۇپ قالدىم، بۇ بىلوگدا تېخىمۇ يېڭى تىما ۋە نادىر يازمىلارنى كۆرۈشنى ئۈمىد قىلىمەن

    [بۇ پىكىرگە ئىنكاس يېزىش Reply to this comment]

    # 1 مارت 2009 ۋاقتى: 02:13
  • ھەبىبە :

    تويغا ئىككى سائەت كېچىكىپ بارىدۇ دىمەي،ئىنتايىن سىلىق سۈپەتلەپتۇ!!!شۇنداقمۇ؟؟

    [بۇ پىكىرگە ئىنكاس يېزىش Reply to this comment]

    # 5 دېكابىر 2008 ۋاقتى: 14:56
  • كۆۋرۈك :

    ئەسسالامۇ ئەلەيكۇم تۇرسۇنجان ئەپەندى، تېنىڭىز سالامەت ئىشلىرىڭىز ئوڭۇشلۇق كىتىۋاتقاندۇ. مەن بۇ تىمىڭىزنى پۈتۈن تورداشلاردىن كينرەك كۆرگەن بولساممۇ شۇنداق ئىجتىھات بىلەن ئوقۇپ چىقتىم، ئوقۇپ چىقىپ بىر نەرسىدىن خوش بولۇپ قالدىم، يەنى تويىمىزدىكى زور ئىسراپخورلۇقنى بۇ چەتئەللىك بايقىيالماپتۇ، ھەرھالدا ياخشى تەرەپلىرىنى كۆپرەك كۆرۈپتۇ، مەن بەكمۇ خۇشال بولدۇم، ھەم ئامىرىكىلىقنىڭ كۆزىدىكى ئۇيغۇر تويلىرىنىڭ ئېسىللىكىدىن شۇنداق خۇشال بولىۋالدىم، رەھمەت، قەلىمىڭىزنىڭ توختاپ قالماسلىقىنى ئۆمۈد قىلمەن

    [بۇ پىكىرگە ئىنكاس يېزىش Reply to this comment]

    # 29 نويابىر 2008 ۋاقتى: 21:38
  • نۇرەخمەت :

    ئۇستدېكسې غۇلجنڭ كينكسې پوچتلار خوتەننڭ كيملرنڭ تۇزلشې ئوخشمايدۇ مەن شنجاڭنڭ كۆپ جايلردا تورغان ھازرمۇ مەن خوتەندە

    [بۇ پىكىرگە ئىنكاس يېزىش Reply to this comment]

    # 25 سېنتەبىر 2008 ۋاقتى: 02:12
  • نۇرەخمەت :

    ياخشې

    [بۇ پىكىرگە ئىنكاس يېزىش Reply to this comment]

    # 25 سېنتەبىر 2008 ۋاقتى: 02:03
  • نۇرەخمەت :

    ئەسسالامۇ ئەلەيكۇم تۇرسۇنجان ئەپەندې بلۇەگڭز ھەققەتەن ياخشكەن سزنڭ بلوگڭزغا ئەزا بۇلۇپ سز بكەن بر پكرداش بولغۇم بار منڭ

    [بۇ پىكىرگە ئىنكاس يېزىش Reply to this comment]

    # 25 سېنتەبىر 2008 ۋاقتى: 02:01
  • ئوغلان :

    مىلليىچە توي مۇراسىمىمىزنىڭ بەزى ئادەتلىرى ماڭا ئانچە ياقمايدۇ ، بۇلۇپمۇ ۋاقىت قارشى …
    يەنە سوۋغا-سالام دىگەندەكلەر ….

    بىلوگىڭىز ياخشىكەن .

    [بۇ پىكىرگە ئىنكاس يېزىش Reply to this comment]

    # 17 سېنتەبىر 2008 ۋاقتى: 01:49
  • ئالېم :

    ياخشې بوپتۇ

    [بۇ پىكىرگە ئىنكاس يېزىش Reply to this comment]

    # 12 سېنتەبىر 2008 ۋاقتى: 17:42
  • ئالېم :

    ياخشې بوپتۇ

    [بۇ پىكىرگە ئىنكاس يېزىش Reply to this comment]

    # 12 سېنتەبىر 2008 ۋاقتى: 17:42
  • شات :

    ياخشىمۇسىز! جاپا چېكىپسىز، رەھمەت.
    سىز تەرجىمە قىلىپ يوللىغان بۇ ماقالىنى كۆرۈپ بەك خۇش بولدۇم. خۇددى بىر پىيالە ئېسىل چاي ئىچكەندەك بولدۇم. بۇ ئەلۋەتتە، ماقالىنىڭ يېزىلىش ئۇسلۇبى ۋە ياكى مەزمۇنىغا بېرىلگەن باھا ئەمەس. سىزنىڭ ئۇيغۇر تورداشلرنى بىر چەت ئەللىكنىڭ كۆزىدىكى ئۇيغۇر تويى توغرىسىدىكى ئۇچۇر بىلەن ۋاقىپلاندۇرغىنىڭىزدا. قىممەتلىك ۋاقتىڭىزنى چىقىرىپ، يېڭى – يېڭى ئۇچۇرلر بىلەن تەمىنلىشىڭىزنى ئۈمىد قىلىمىز. ئەلۋەتتە، ئۇيغۇر تويلىرى ماكان، ئورۇن، شارائىت دېگەندەك نۇرغۇن سەۋەبلەر تۈپەيلى ئاز – تول پەرقلىنىشى مۇمكىن. لېكىن ئىشىنىمەنكى تۈپ نېگىزى بىر.

    [بۇ پىكىرگە ئىنكاس يېزىش Reply to this comment]

    # 12 سېنتەبىر 2008 ۋاقتى: 17:05
  • ئىسمايىل :

    ھىممىتىڭىزەھە رەھمەت ،كۆپىرەك تەرجىمە قىلىپ تۇرارسىز

    [بۇ پىكىرگە ئىنكاس يېزىش Reply to this comment]

    # 10 سېنتەبىر 2008 ۋاقتى: 20:19
  • ئۆزبەگ :

    مەن يېڭىدىن بلوگ بوشلۇقى ئالغان ئىدىم، خەنزۇچە ياكى ئىنگلىزچە يېزىقتا ئىشلىگۈم كەلمىدى، ماڭا ئۇيغۇرچە يېزىقنى قانداق كۆرسىتىش، بلوگقا مۇناسىۋەتلىك تەڭشەكلەر ھەققىدە تەلىم بەرگەن بولسىڭىز!!!

    [بۇ پىكىرگە ئىنكاس يېزىش Reply to this comment]

    # 10 سېنتەبىر 2008 ۋاقتى: 11:09
  • ئايىشە :

    بۇ تەبئىي قەشقەرنىڭ تويى!

    [بۇ پىكىرگە ئىنكاس يېزىش Reply to this comment]

    # 7 سېنتەبىر 2008 ۋاقتى: 13:30
  • مۇسلىمە :

    ساندۇق ئاچىدىغان ئادەت غۇلجىلقلاردا كۆپرەك،مىنىڭچە بۇ توي غۇلجنىڭ يىزىلىرىدا ئۆتكۇزگەن توي بولسا كىرەك.

    [بۇ پىكىرگە ئىنكاس يېزىش Reply to this comment]

    # 6 سېنتەبىر 2008 ۋاقتى: 20:49
  • مۇسلىمە :

    ساندۇق ئاچىدىغان ئادەت غۇلجىلقلاردا كۆپرەك،مىنىڭچە بۇ توي غۇلجنىڭ يىزىلىرىدا ئۆتكۇزگەن توي بولسا كىرەك.

    [بۇ پىكىرگە ئىنكاس يېزىش Reply to this comment]

    # 6 سېنتەبىر 2008 ۋاقتى: 20:49
  • قاراقچى :

    ياخشىمۇ سىز جىك ئەپەندى بۇ تىمىڭىز ھەقىقەتەن ياخشى يېزىلغان تىما بوپتۇ
    \http://www.ulinix.cnتىمۇ سىزنىڭ تىمىلىرىڭىز بار كەن مانا
    ﺋﯘﻳﻐﯘﺭ ﻣﯘﻧﺎﺯﯨﺮﻩ ﻣﯘﻧﺒﻪﺭﻟﯩﺮﯨﺪﯨﻦ ﺗﺎﻟﻼﻧﻐﺎﻥ ﺗﯧﻤﯩﻼﺭ

    تىمىڭىزنى بلوگىمدا ئلان قىلدىم خاپا بولمايدىغانسىز ھە؟؟؟http://karakqi.blogbus.com/logs/28380811.html

    [بۇ پىكىرگە ئىنكاس يېزىش Reply to this comment]

    # 1 سېنتەبىر 2008 ۋاقتى: 02:10
  • مەمەتجان كېرەم :

    ياخشى يىزىپسىز。。。。يەنە يىزىڭ 。。。

    [بۇ پىكىرگە ئىنكاس يېزىش Reply to this comment]

    # 29 ئاۋغۇست 2008 ۋاقتى: 20:04
  • زوردۇنجان :

    مېىڭچە بۇ ئامرىكىلىق بىزنى تۇلۇق چۈشەمىگەنلىققى
    بىر تەرەپلىك كۆرقاراش

    [بۇ پىكىرگە ئىنكاس يېزىش Reply to this comment]

    # 29 ئاۋغۇست 2008 ۋاقتى: 17:13
  • خوتەن ئوغلى :

    ئەسسالامۇ ئەلەيكۈم تۇرسۇنجان.<<جڭ>> ئەپەندۇم .سىزنىڭ بۇتىمىڭز بەك ياخشى يوللونۇپتۇ مومكن بولسا شۇ تەرەپتىكلەر.يەنى ئۆزىڭىز توغورلۇق يىزىپ قوياسىز .ماقا ئەمىسە.كىين ئامىرىكىغا چىققان دا كۆرۇشەيلى………..

    [بۇ پىكىرگە ئىنكاس يېزىش Reply to this comment]

    # 28 ئاۋغۇست 2008 ۋاقتى: 12:56
  • تەنھا :

    يازمىڭىزنى كۆردۈم . بەك ياخشى يوللاپسىز . رەھمەت !

    [بۇ پىكىرگە ئىنكاس يېزىش Reply to this comment]

    # 27 ئاۋغۇست 2008 ۋاقتى: 17:04
  • ئالما :

    ياخشىمۇسىز جېك ئەپەندىم!
    بىلوگىڭىز ناھايىتى ياخشىكەن، لىكىن خەتنىڭ چوڭ-كىچىكلىكى بەك كىچىك ،ئوقىغاندا كۆز ئاغرىپ كىتىدىكەن. مۇمكىن بولسا خەت شەكلى چوڭراق بولسا.

    [بۇ پىكىرگە ئىنكاس يېزىش Reply to this comment]

    # 26 ئاۋغۇست 2008 ۋاقتى: 19:28
  • قىرىنداشلىرىگىز :

    ئىس مىگىز تۇر سۇنجان مۇ
    سىزنى بىرسىگە بەك ئوخشات تىم
    ئامال بولغان بولسا رەسىمىنى ئەۋەتىپ بەرگەن بولات تىم .

    [بۇ پىكىرگە ئىنكاس يېزىش Reply to this comment]

    # 26 ئاۋغۇست 2008 ۋاقتى: 18:34
  • قىرىنداشلىرىگىز :

    خاپا بولمىسىگىز پېنيىنچە خەت يازگان بولسىگىز بوپ تىكەن .
    سىز چەتەلدە نىمە ئىش قىلىسىز ؟

    [بۇ پىكىرگە ئىنكاس يېزىش Reply to this comment]

    # 26 ئاۋغۇست 2008 ۋاقتى: 18:29
  • قىرىنداشلىرىگىز :

    سىز بىز يازغان خەتلەرنى چەت ئەلدە تۇرۇپ كۆرۇپ تۇرامسىز ؟

    [بۇ پىكىرگە ئىنكاس يېزىش Reply to this comment]

    # 26 ئاۋغۇست 2008 ۋاقتى: 18:05
  • كك :

    كلللل

    [بۇ پىكىرگە ئىنكاس يېزىش Reply to this comment]

    # 26 ئاۋغۇست 2008 ۋاقتى: 11:12
  • ئابدۇللا :

    منېڭچە سېز ئامرېكېدا شۇنداقمۇ بۇتېمنې ياخشې يوللاپسېز! بېز ئۇيغۇرلار توغرۇلۇق .ئېنكاسلار بولسا ئېغېر كۇرمەي يەنە يوللاسېز! يەنە بېز ىگە ئامرېكادېكې تۇرمۇشڭېز توغرۇلۇقمۇ سۆزلەپ بېرەسېز !!! خەيېر_خوش ئامان بولۇڭ!

    [بۇ پىكىرگە ئىنكاس يېزىش Reply to this comment]

    # 25 ئاۋغۇست 2008 ۋاقتى: 11:27
  • بىرزات :

    بۇ توي قەشقەرنىڭ ئەتراپىدىكى يېزىلاردىن بىرەرسىدە بولغاندەك تۇرامدۇ نېمە…بىر يەرلىرى ھېچ ئوخشىمىغاندەك!!..

    بلوگ ئەمدى مۇقىم بولغۇدەك دە جېك قارىم، مۇبارەك بولسۇن!
    شىپاخانامنىمۇ ئۇلىنىش قىلىپ قوياملا؟ ( ئامرىكىدا ئىچىلامدۇ يوق بىلمىدىم.)

    [بۇ پىكىرگە ئىنكاس يېزىش Reply to this comment]

    # 9 ئاۋغۇست 2008 ۋاقتى: 20:41
  • zeper :

    مۇمكىن بولسا بەتنىڭ رەڭگى سېرىق رەڭدە ئەمەس باشقا بىرخىل رەڭدە بولغان بولسا تېخمۇ ياخشى بۇلاتتىكەن. ئادەمنىڭ كۆزىدىن بەك ياش چىقىرۋىتىدىكەن. ئادەمنىڭ كۆزىگە ئارام بەرگىدەك رەڭدە بولغان بولسا ھە!!!!!!!

    [بۇ پىكىرگە ئىنكاس يېزىش Reply to this comment]

    # 7 ئاۋغۇست 2008 ۋاقتى: 11:58
  • ئۈمىد :

    مۇبارەك بولسۇن!!

    [بۇ پىكىرگە ئىنكاس يېزىش Reply to this comment]

    # 6 ئاۋغۇست 2008 ۋاقتى: 15:15
  • Jeck :

    بۇ قانداراق.

    [بۇ پىكىرگە ئىنكاس يېزىش Reply to this comment]

    # 5 ئاۋغۇست 2008 ۋاقتى: 19:34

پىكرىڭىزنى بايان ئەيلەڭ!

تۆۋەنگە ئىنكاس يېزىڭ, ياكى تور بېتىڭىزدىن قايتىلىما ئەۋەتىڭ. بۇ ئىنكاسلارغا RSS ئارقىلىق مۇشتىرى بولۇپ قويسىڭىزمۇ بۇلىدۇ.

ياخشى،پاكىز، ئىخچام ئىنكاس يېزىڭ. ئىنكاس تىمىغا مۇناسىۋەتلىك بولسۇن.
To type in English press CTRL-K. 要输入中文先按CTRL-K, 再按CTRL-SHIFT

 تۆۋەندىكى خەتكۈچلەرنى ئىشلەتسىڭىزمۇ بولىدۇ:

تېخىچە باش سۆرەت بېكىتمىدىڭىزمۇ؟ بولۇڭ تىز،باش سۆرەت بېكىتىڭ..