10-ئاينىڭ 15-كۈنى، سەھەر ۋاقتى 6 لەر ئەتراپىدا، جېڭجۇ شەھىرى جوڭيۈەن يولى غەربىي ئۈچىنچى ئايلانما كېسىشىش ئېغىزىنىڭ شەرقىي جەنۇب تەرىپىدە بىر ئۈچ چاقلىق ھارۋا ئۆرۈلۈپ كەتكەن بولۇپ، ھارۋىدىكى خالتىلار ۋە سۈپۈرگە يەرگە چېچىلىپ كەتكەنىدى. ھارۋىنىڭ قېشىدا ئۈستىگە رەخت يېپىلغان بىر موماي ياتقان بولۇپ، نەق مەيداندا بىر بوۋاي توختىماستىن كۆز يېشى قىلىۋاتاتتى. قازا قىلغۇچى بوۋاينىڭ ئايالى بولۇپ 61 ياشلىق مۇھىت ئاسراش ئىشچىسى جۇاڭ شيۇيىڭ ئىدى.
بۇ يىل ئۇلار يۇرتىدىن نەۋرىسىگە قارىغىلى جېڭجۇغا كەلگەن بولۇپ. ئادەتتە ئۆيدە ئىككىيلەن يالغۇز بولغاچقا بىكار تۇرغۇسى كەلمەي مۇھىت ئاسراش ئىشىچىسى بولدى. بىر مۇھىت ئاسراش ئىشچىسىنىڭ مۇخبىرغا دېيىشىچە، ئەينى ۋاقىتتا كاڭ ئۇستام ئايالىنىڭ قېشىدا ئولتۇرۇپ شۇنچە كۆز يېشى قىلىپ توۋلىغان بولسىمۇ ئايالى ھوشىغا كەلمىدى.
شۇ كۈنى 6 دىن 30 مىنۇت ئۆتكەنلەردە، توكسىكلىت مىنىپ 10 ياشلىق بالىسىنى مەكتەپكە ئاپىرىۋاتقان بىر ئايال ۋەقە يۈز بەرگەن نەق مەيداندىن ئۆتىۋاتقاچ بالىسىغا: «يولدىكى ئۆرۈلۈپ كەتكەن ھارۋا چوڭ ئاپاڭنىڭ ھارۋىسىغا ئوخشايدىكەن» دېدى. بۇ ئىككىيلەن دەل ھادىسىگە ئۇچرىغۇچىنىڭ كېلىنى ۋە نەۋرىسى ئىدى. جاڭ ساقچىنىڭ دېيىشىچە، ۋەقە تەخمىنەن 5 دىن 25 مىنۇت ئۆتكەنلەردە يۈز بەرگەن بولۇپ، ساقچىغا مەلۇم قىلغۇچى نەق مەيداندىن ئۆتۈپ كېتىۋاتقان بىر ئاپتوبۇس شوپۇرى ئىكەن.
15-چىسلا چۈشتىن كېيىن قاتناش ساقچىلىرى ئىككىنچى چوڭ ئەترىتى ساقچىسىنىڭ دېيىشىچە، ئۇلارتېخىچە تۈزۈك يىپ ئۇچى تاپالمايۋېتىپتۇ. نۆۋەتتە، دېلو تېخىمۇ بىر قەدەم ئىلگىرىلىگەن ھالدا تەكشۈرۈلۈۋاتىدۇ.
