نۇر تورى تەرجىمىسى :
2016-يىلى 6-ئىيۇن، قەھرىمانلار كوماندىسى ئۆز مەيدانىدا داۋاملىق تۈردە ياخشى ئىپادىدە بولۇپ، چوڭ نومۇر پەرقتە چەۋەندازلار كوماندىسىنى يەڭدى. بۇ مەيدان مۇسابىقىدە گىرېننىڭ ئىپادىسى ئالاھىدە ياخشى بولۇپ، ئۇ 28 نومۇر، 7 گاردىن قايتقان توپقا ئېرىشىپ، 5 ياردەم پاس بەردى، كۇررى 18 نومۇر، 9 گاردىن قايتقان توپقا ئېرىشتى، قەھرىمانلار كوماندىسى 3-، 4-كونتىيوردا ئۇدا نومۇر ئېلىپ، نومۇر پەرقىنى چوڭايتقاندىن كېيىن، قەھرىمانلار كوماندىسى ھەل قىلغۇچ مۇسابىقىلەرنىڭ 2-مەيدانىدا 110:77 چوڭ نومۇر پەرقتە چەۋەندازلار كوماندىسىنى يېڭىپ، ئومۇمىي نومۇر پەرقىدە 2:0 ئۈستۈنلۈكنى ئىگىلىدى. نۆۋەتتە ئۈچىنچى مەيدان مۇسابىقە چەۋەندازلار كوماندىسىدا ئوينىلىدۇ.
بۇ مەيدان مۇسابىقىدە گىرېن 28 نومۇر، 7 گاردىن قايتقان توپقا ئېرىشىپ، 5 ياردەم پاس بەردى، كۇررى 18 نومۇر، 9 گاردىن قايتقان توپقا ئېرىشىپ، 4 ياردەم پاس بېرىپ، 4 قېتىم خاتالىق سادىر قىلدى، تامپىسىن 17 نومۇرغا ئېرىشىپ، 5 ياردەم پاس بەردى.
چەۋەندازلار كوماندىسى تەرەپتە جامىس 19 نومۇر، 8 گاردىن قايتقان توپقا ئېرىشىپ، 9 ياردەم پاس بەردى، 4 قېتىم پاس يولىنى ئۈزدى، 7 قېتىم خاتالىق سادىر قىلدى، ئىرۋېڭ 14 توپ ئېتىپ ئاران 5 نى چۈشۈرۈپ، 10 نومۇرغا ئېرىشتى، لوۋى 5 نومۇر، 3 گاردىن قايتقان توپقا ئېرىشىپ، بالدۇرلا مەيداندىن ئايرىلدى.
