سالمان خان سىياقدىشى بىلەن فىلىمدىكى ھەرىكەت كۆرۈنۈشلىرىنى سۈرەتكە ئالدى
ھازىر سالمان خان ئۆزىنىڭ بۇ يىل روزا ھېيتتا قويۇلىدىغان چامباشچىلىق فىلىمى «سۇلتان» نى سۈرەتكە ئېلىش بىلەن ئالدىراش بولماقتا. 10-مارت، مۇخبىرلار فىلىم مەيدانىدا سالمان خاننىڭ مەلۇم ھەرىكەتلىك كۆرۈنۈشنى ئورۇنلاۋاتقانلىقىنى سۈرەتكە تارتىۋالدى. دىققەت قىلىشقا تېگىشلىكى، سالمان خاننىڭ يېنىدا ئۇنىڭ بىلەن ئوخشاش كىيىنگەن بىر كىشى بولۇپ، ئۇ دەل سالمان خاننىڭ بۇ فىلىمدىكى سىياقىشى ئىكەن. قارىغاندا ئۇلار ئورۇنلاۋاتقان كۆرۈنۈش داڭلىق مۇسكۇللۇق ھەرىكەتلىك چولپىنى سالمان خانغىمۇ تەس كېلىدىغان خەتەرلىك كۆرۈنۈش بولسا كېرەك، نېمىلا دېگەن بىلەن سالمان خانمۇ 50 ياشقا كىردى-دە!
ھازىر سالمان خان كىنونى ئايال باش رولچىسىز سۈرەتكە ئېلىۋاتىدۇ، ئۇنىڭ كىنودىكى «مەشۇقى» ئانۇشكا شارما ھازىر ئۇسسۇل ئىشلىگۈچى فارا خاندىن كىنونىڭ ئۇسۇلىنى ئۆگىنىۋاتىدۇ. ئاشكارىلىنىشىچە، فىلىمدە ئوخشاشلا چامباشىچنىڭ رولىنى ئالغان ئانۇشكا شارما بىلەن سالمان خان بىر مەيدان تۇتۇشىدىكەن، بۇ ۋاقىتتا سالمان خان ئانۇشكادىن جىق تاياق يەپ كېتىدىكەن.
