مارۋېل ۋە سونىي ھەمكارلىشىپ يېڭى نۇسخىدىكى ئۆمۈچۈك پالۋاننى ياساشنى پىلانلىغاندىن كېيىن، «The Amazing Spider-Man » «دەرىجىدىن تاشقىرى ئۆمۈچۈك ئادەم» قاتارىمۇ ئاخىرى فىلىمدا باش رول ئۆمۈچۈك پالۋاننىڭ رولىنى ئالىدىغان ئاندرىۋ گارفىلىدنىڭمۇ ئۆمۈچۈك پالۋان تۈرىدىن چېكىنىپ باشقا فىلىم تۈرىگە يۆتكىلىدىغانلىقىنى ئېلان قىلدى. يېقىندا ئاندرىۋ گارفىلىد تاراتقۇلارنىڭ زىيارىتىنى قوبۇل قىلىپ، ئۇنىڭدىن ئىلگىرىكى رولى ئۆمۈچۈك پالۋان توغرىسىدا سورالغاندا، ئۇ ئۆزىنىڭ بۈگۈنكى كۈندىكى دەرىجىدىن تاشقىرى قەھرىمان فىلىمىگە قارىتا كۆز قارشىنى بىۋاستە بايان قىلدى.
ئۇ زىيارەتتە، «ئۆمۈچۈك پالۋان» غا ئوخشاش بۇنداق دەرىجىدىن تاشقىرى قەھرىمان فىلىمىنىڭ ھەممىسىدە بىر يادرولۇق ئۇقۇم بار- بىر ئادەم دۇنيانى قۇتقۇزالايدۇ، بىر ئادەم پۈتۈن ئىنسانىيەتنى قۇتقۇزالايدۇ دەپ ئىپادە بىلدۈرگەن. ئۇ بۇ خۇددى باشقىلار ئۆزلىرىنىڭ دۇنيادا يۈز بەرگەن ئاپەتكە قارىتا ھېچقانداق مەسئۇلىيىتى يوقلىقىنى بىلدۈرمەكچى بولغانلىقى ئوخشايدۇ دەپ قارىغان. ئۇ يەنە گەندى، جون لېنون ۋە مارتېن لۇتېر كىڭ قاتارلىقلار توغرىسىدىكى مىسالنى تىلغا ئالدى، ھەمدە بۇ كىشلەر ئۆز كۈچىگە تايىنىپ بۇ دۇنياغا ئۆزگىرىش ئېلىپ كەلدى، ئەكىسچە ھەرخىل ھەرىكەتنى قوزغاش ئارقىلىق ئۆزلىرىنىڭ ئىدىيەسىنى يەتكۈزۈپ، شۇنىڭ بىلەن باشقىلارغا تەسىر كۆرسەتتى دەپ ئىپادە بىلدۈرگەن.
ئاندرىۋ گارفىلىد «دەرىجىدىن تاشقىرى ئۆمۈچۈك ئادەم» نى سۈرەتكە ئالغاندا، ئۆزىنىڭ ئىلگىرى بۇ خىل ئىدىيەنى كىنوغا ئېلىپ كىرىشكە ئۇرۇنۇپ باققانلىقىنى ئېيىتتى. بۇ فىلىمنىڭ ئاخىرىدا، مۈڭگۈزلۈك ئادەم پەيدا بولۇپ قايتا شەھەرگە تەھدىد ئېلىپ كېلىدۇ، بىر ئۆمۈچۈك پالۋان كىيىمىنى كىيگەن ئوغۇل شۇ ۋاقىتتا مۈڭگۈزلۈك ئادەم بىلەن ئۇدۇلمۇ-ئۇدۇل يۈزلىنىشنى ئەمەس، ئەكىسچە باشقا كىشلەرگە ئوخشاش قېچىپ كېتىشنى تاللايدۇ. بۇ دەل ئۆمۈچۈك پالۋاننىڭ سالاھىيىتىگە باسقان ئادالەت تۇيغۇسى باشقا كىشلەردە پەيدا قىلغان ئىجابىي تەسىر.
ئىگەللىنىشىچە، ئاندرىۋ گارفىلىدنىڭ يېڭى فىلىمى «99 ئائىلە» 9-ئاينىڭ 25-كۈنى شىمالى ئامېرىكىدا قويۇلىدىكەن.
