جۇڭگو ئۇيغۇرچە رادىئو تورى 1-يانۋار بېيجىڭ خەۋىرى:
ئافغانىستان زۇڭتۇڭى غەنى ئۆتكەن يىلى 31- دېكابىر ، پاكىستاننىڭ پايتەختى ئىسلام ئاباددا ئافغانىستان، جۇڭگو، پاكىستان ۋە ئامېرىكىنىڭ يۇقىرى دەرىجىلىك ئەمەلدارلىرى قاتناشقان تۆت تەرەپ سۆزلىشىشنى ئۆتكۈزۈپ، ئافغانىستاننىڭ تىنچلىق سۆھبىتىنى قايتىدىن باشلاش يول خەرىتىسىنى بېكىتىدىغانلىقىنى جاكارلىدى.
غەنى شۇ كۈنى ئۆتكۈزۈلگەن ئاخبارات ئېلان قىلىش يىغىنىدا مۇنداق دېدى: 1- نۆۋەتلىك سۆزلىشىش 2016-يىلى 1-ئاينىڭ 11-كۈنى ئىسلام ئاباددا ئۆتكۈزۈلىدۇ، ئافغانىستان ھۆكۈمىتى بىلەن تالىباننىڭ تىنچلىق سۆھبىتىنى قايتىدىن باشلاش يول خەرىتىسىنى قايتىدىن بېكىتىش سۆزلىشىشىنىڭ ئاساسلىق تېمىسى بولىدۇ. 2- نۆۋەتلىك سۆزلىشىش ئافغانىستاننىڭ پايتەختى كابۇلدا ئۆتكۈزۈلىدۇ. جۇڭگو دىپلوماتىيە مىنىستىرلىقىنىڭ باياناتچىسى لۇ كاڭ ئۆتكەن يىلى 28- دېكابىر قەرەللىك ئۆتكۈزۈلگەن مۇخبىرلار يىغىنىدا، جۇڭگونىڭ ئافغانىستانلىقلار يېتەكچىلىك قىلىنغان، ئافغانىستانلىقلار ئاساس قىلىنغان ئافغانىستاننىڭ تىنچ يارىشىش مۇساپىسىنى قوللايدىغانلىقىنى، ئافغانىستاننىڭ تىنچ يارىشىشىغا پايدىلىق بولغان ھەر قانداق تەشەببۇسلارنى قوللاش پوزىتسىيەسىدە بولىدىغانلىقىنى، جۇڭگونىڭ ئافغانىستاننىڭ تىنچلىق مۇساپىسىدا داۋاملىق ئىجابىي رول ئويناشنى خالايدىغانلىقىنى ھەمدە بۇ ئىشتا ھەر قايسى تەرەپلەر بىلەن ئالاقىنى ۋە ماسلىشىشنى ساقلاشنى خالايدىغانلىقىنى بىلدۈردى.
ئەسلى مەنبە: http://www.uycnr.com/xwzx/gjxw/201601/t20160101_998037.html
