تېڭشۈن تورى خەۋىرى:
چەتئەل تاراتقۇلىرىنىڭ خەۋىرىگە قارىغاندا، مىكروسوفىت شىركىتى يىقىندا ئۇقتۇرۇش ئېلان قىلىپ، 11-ئاينىڭ 15-كۈنىدىن باشلاپ ئۆز بايرىقى ئاستىدىكى Zune مۇزىكا مۇلازىمىتىنى رەسمىي تاقايدىغانلىقىنى، ۋاقتى كەلگەندە ھەقلىق ئەزا بولغان ئابونتلارنىڭ مۇزىكا چۈشۈرۈش ياكى تور يۈزىدىكى مۇزىكىلارنى قويۇش ھوقوقىدىن بەھرىمان بولالمايدىغانلىقىنى، بىراق، داۋاملىق تۈردە Zune قويغۇچىسى ئارقىلىق مۇزىكا ئاڭلىسا بولىدىغانلىقىنى جاكارلىغان.
بۇندىن باشقا، مىكروسوفىت شىركىتى بۇ يىل 7-ئاينىڭ بېشىدا Xbox Music مۇزىكا مۇلازىمىتىنىڭ نامىنى Groove گە ئۆزگەرتكەنلىكىنى جاكارلىغان، ئەمدىلىكتە Zune ئابونتلىرىغا 10-ئاينىڭ 15-كۈنىدىن 11-ئاينىڭ 15-كۈنىگىچە بولغان مەزگىل ئىچىدە، Groove سۇپىسىغا كۆچۈش تەكلىپىنى بەرگەن، ئىلگىرى Groove سۇپىسىدا ئايلىق ۋە پەسىللىك ئەزا ھوقوقىنى سېتىۋالغانلار Groove سۇپىسىغا كۆچكەندىن كىيىن، سىستېما تەرىپىدىن ئاپتوماتىك ھالدا Groove نىڭ ھەر ئايلىقى 9.99 دوللارلىق مۇلازىمىتىگە مۇشتەرى قىلىنىدىكەن، Zune نىڭ يىللىق مۇلازىمىتىنى سېتىۋالغانلار Groove نىڭ 99.9 دوللارلىق مۇلازىمىتىدىن بەھرىمان بولالايدىكەن.
تىلغا ئېلىشقا ئەرزىيدىغان يېرى، ئالما شىركىتى بازارغا سالغان iPod ۋە iTunes قاتارلىقلار بىلەن رىقابەتلىشىش ئۈچۈن، مىكروسوفىت شىركىتى 2006-يىلى Zune قويغۇچىسى (قاتتىق دېتال ئۈسكۈنىسى) ۋە ئۇنىڭغا ماس بولغان Zune سىفىرلىق مۇزىكا مۇلازىمىتىنى ئوتتۇرىغا چىقارغان، بىراق، بازاردىكى ئىپادىسى ئادەتتىكىچە بولغانلىقتىن، مىكروسوفىت شىركىتى 2011-يىلىغا كەلگەندە Zune قويغۇچىسىنى سېتىشنى توختاتقان، مانا ئەمدى Zune مۇزىكا مۇلازىمىتىمۇ ئاخىرلىشىش ئالدىدا تۇرۇۋاتقان ئىكەن. بىراق، ئەقلىي ئىقتىدارلىق يانفون ئوموملىشىشپ كەتكەن بۈگۈنكى كۈندە، مۇزىكا قويغۇچلارنىڭ بازاردىن شالللىنىپ كېتىشى ھامان يۈز بېرىدىغان ئىش، بۇ خۇددى ئىلگىرى دەھشەت دەۋىر سۈرگەن iPod قا ئوخشايدۇ.
