تورى ئۇيغۇرچە قانىلىنىڭ10 -سېنتەبر بېيجىڭدىن بەرگەن تېلېگراممىسى:مەركىزىي ئىنتىزام تەكشۈرۈش كومىتېتى مەمۇرىي تەپتىش مەھكىمىسى تور بېكىتىنىڭ خەۋىرىگە ئاساسلانغاندا، يېقىندىن بۇيان، مەركىزىي ئىنتىزام تەكشۈرۈش كومىتېتى گوۋۇيۈەن دۆلەت مۈلكىنى نازارەت قىلىپ باشقۇرۇش كومىتېتى ئىنتىزام تەكشۈرۈش كومىتېتى بىلەن بىرلىكتە باۋگاڭ گۇرۇھى دائىمىي كومىتېتىنىڭ سابىق ئەزاسى، سابىق مۇئاۋىن باش دىرېكتورى ھەمدە گۇاڭدۇڭ ئۆلكىسى شاۋگۈەن پولات-تۆمۈر چەكلىك شىركىتىنىڭ سابىق پارتكوم شۇجىسى، باش مۇدىرى جاۋ كۇننىڭ مەركەزنىڭ سەككىز تۈرلۈك بەلگىلىمىسىنىڭ روھىغا خىلاپلىق قىلغانلىق مەسىلىسىنى قاتتىق تەكشۈرۈپ بىر تەرەپ قىلدى. گوۋۇيۈەن دۆلەت مۈلكىنى نازارەت قىلىپ باشقۇرۇش كومىتېتى پارتكومنىڭ تەستىقلىشى بىلەن گوۋۇيۈەن دۆلەت مۈلكىنى نازارەت قىلىپ باشقۇرۇش كومىتېتى ئىنتىزام تەكشۈرۈش كومىتېتىنىڭ مەمۇرىي تەپتىش ئىدارىسى چاۋ كۇنغا پارتىيە ئىچىدىكى ۋەزىپىسىنى ئەمەلدىن قالدۇرۇش، باۋگاڭ گۇرۇھىنىڭ مۇئاۋىن باش دىرېكتورلۇق ۋەزىپىسىدىن ئېلىپ تاشلاش جازاسى بېرىلدى، ئىنتىزامغا خىلاپ ئالاقىدار خىراجەتنى تۆلەپ بېرىشىنى بۇيرىدى، شاۋگۇەن پولات - تۆمۈر شىركىتى مۇدىرىيەت يىغىنى ئېچىپ جاۋ كۇننىڭ باش مۇدىر ۋەزىپىسىنى ئەمدى ئۈستىگە ئالمايدىغانلىقىنى قارار قىلدى.(مەلىكەم تەرجىمىسى)
ئەسلى مەنبە: http://uyghur.people.com.cn/155989/15535704.html
