مارۋېلنىڭ ئۈچىنچى باسقۇچلۇق سۇپېر قەھرىمان فىلىمى «قارا قاپلان» نىڭ رېژىسسورىنى تاللاش باشتىن-ئاخىرى بېكىتىلمەي كەلدى، دەسلەپتە «سەلما» نىڭ رېژىسسورى ئاۋا دۇۋېرناي «ئىجادىيەت ئىختىلاپى» سەۋەبىدىن چېكىنىپ چىقتى، كېيىن بەزى خەۋەرلەردە «كامپىتوندىن بۆسۈپ ئۆتۈش» نىڭ رېژىسسورى گارى گرەينىڭ فىلىمغا رېژىسسورلۇق قىلىشىدىن ئۈمىد بار دېيىلدى. چەتئەل تاراتقۇلىرىنىڭ خەۋەر قىلىشىچە، مارۋېلنىڭ ئىلگىرى «فرۈيتۋەيىل بېكىتى»، «كرېد» قاتارلىق فىلىملارغا رېژىسسورلۇق قىلغان ئافرىقان رېژىسسور رىيان كۇگلېرنى «قارا قاپلان» غا تاپشۇرۇپ بېرىشنى ئويلىغان.
رىيان كۇگلېر بۇندىن ئىلگىرى «فرۈيتۋەيىل بېكىتى» گە تايىنىپ كۆپلىگەن ئەڭ مۇنەۋەر رېژىسسور تۇنجى ئەسەر مۇكاپاتىغا ئېرىشكەن، ئۇ رېژىسسورلۇق قىلغان يېڭى فىلىم «كرېد» («روكى» نىڭ تۇغۇندى فىلىمى) قا سىتەيلون، مايكول جوردان قاتارلىق داڭلىق چولپانلار يىغىلغان، ھەم بۇ يىل 11-ئايدا قويۇلىدۇ. ئاشكارلىنىشىچە، نۆۋەتتە ئۇنىڭ چوڭ تەننەرخلىق سۇپېر قەھرىمان فىلىمىغا رېژىسسورلۇق قىلىش ئويى باركەن، بەلكىم بۇ ئۇنىڭ مارۋېل بىلەن ھەمكارلىقىنى ئىلگىرى سۈرۈشى مۇمكىن. بىراق نۆۋەتتە، رىيان كۇگلېر بىلەن مارۋېلنىڭ سۆھبەت ئېلىپ بېرىش جەريانىدا ئەڭ ئاخىرىدا يەنە قانچىلىك ئۈمىد بارلىقى نامەلۇم. بۇندىن ئىلگىرى مارۋېلمۇ «قارا قاپلان» سىنارىيەسى پۈتۈشتىن ئىلگىرى رېژىسسور نامزاتى مەسىلىسىنى ئويلاشمايدىغانلىقىنى ئىپادە بىلدۈرگەن.
نۆۋەتتە «قارا قاپلان» 2018-يىلى 2-ئاينىڭ 16-كۈنى قويۇلۇشنى بېكىتتى، بۇ رول ئەڭ دەسلەپتە «ئامېرىكا كاپىتانى3: ئىچكى ئۇرۇش» تا پەيدا بولىدۇ.
