تىڭشۈن تورى تاماشا قانىلى خەۋىرى، نۇر تورى تەرجىمىسى: شىياڭگاڭ تاراتقۇلىرىنىڭ 1-ئاينىڭ 29-كۈنى خەۋەر قىلىشىچە، خەن جۈنتىڭ شىياڭگاڭغا قايتىپ تەرەققىي قىلماقچى بولغاندىن بۇيان، بۇرۇن سۆڭىكىنىڭ ئۆزگىرىپ كەتكەنلىكى بايقالغان. نەچچە ئاينىڭ ئالدىدا ئۇ يىقىلىپ چۈشۈپ بۇرنىنىڭ سۆڭىكىنىڭ زەخمىلەندۈرىۋالغانلىقىنى، نەچچە ئايدىن كېيىن يۇمشاق توقۇلمىلىرى ئەسلىگە كەلگەندىن كېيىن، ئاندىن بۇرنىنى داۋالىتىدىغانلىقىنى بىلدۈرگەنىدى. ئەمما كەچتە گىرىمسىز ھالەتتە نەرسە-كېرەك سېتىۋىلىشقا چىققان جەن جۈنتىڭنىڭ بۇرنىنى تېخى داۋالاتمىغانلىقى، ئەكسىچە، بۇرنىنىڭ ئىككى ئەتراپى چوڭقۇرلىشىپ، ئەھۋالى ئېغىرلىشىپ كەتكەنلىكى بايقالغان.
ئۇ كەچتە پىچىنە-پىرەنىك سېتىۋىلىشقا چىققاندا، كەيپىياتى ئىنتايىن ياخشى بولۇپ، دۇكاندار ئۇنى تونىۋالغاندىن كېيىن، ئۇ ئىنتايىن خوشال كەيپىياتقا كۆپچىلىككە سالام قىلغان. كېيىن گىرىم بۇيۇملىرى دۇكىنىنى ئايلىنىپ ھېچ نەرسە سېتىۋالماي ئۆيىگە قايتىپ كەتكەن.
2015-يىلى 7-ئايدا، خەن جۈنتىڭ پائالىيەتكە قاتناشقاندا، چىرايىنىڭ ناھايىتى ئۆزگىرىپ كەتكەنلىكى بايقالغان بولۇپ، نۇرغۇن كىشىلەر ئۇنى تونىيالماي قالغان. ئۇ تەكىتلەپ: «مەن Botox ئۇرغۇزمىدىم، ھۆسىن تۈزەتمىدىم» دېگەن. بىر يىل بۇرۇن ئۇ سىنگاپوردا دىققەتسىزلىكتىن يىقىلىپ چۈشۈپ، بۇرۇن سۆڭىكىنى يارىلاندۇرىۋىلىپ، بۇرنى مايماق بولۇپ قالغان. ئەمما داۋالىنىش ھەققىنى قىممەت كۆرگەنلىكتىن، داۋالانمىغان. ئۇ بۇرنىنىڭ يۇمشاق توقۇلمىلىرى ساقايغاندىن كېيىن، بۇرنىنى ئوڭشاتماقچىكەن، ئەمما باشقا ئەزالىرىنى ئوڭشاش خىيالى يوقمىش.
