2013-يىلى يىل ئاخىرىغا كەلگەندە، بۇ پائالىيەتنى ئۆتكۈزمەسلىكنى قارار قىلىپ، بۇ ھەقتە ھېچقانداق خەۋەر-ئۇچۇر بەرمەيلا جىمجىت تۇرۇۋالدۇق. «قېنى، بىلوگگىرلار قانداقراق ئويلايدىكىن» دېگەندىمىز، بەلكىم. بىزنى بىرەرسى تىللاپمۇ كەتمىدى، بۇ پائالىيەتنى قىلمىساق بولمايتتى، دېگەن گەپنىمۇ ئاڭلىمىدۇق. قارىغاندا تەدبىركار، يۈكسەل، ئۇيغۇربەگ، شاھ ئۇيغۇر، كەمىنە قىسمەت … قاتارلىق بىز ئىسمىنى ئاتىغان ياكى ئاتىمىغان بىلوگگىرلارنىڭ بىلوگ سېپىدىن بارا-بارا ئۆزىنى تارتىۋاتقانلىقىنى كۆرگەن تور ئەھلىلىرى بۇ پائالىيەت ھەققىدە گەپ قىلىشنى مۇۋاپىق كۆرمىگەن بولسا كېرەك.

خېلى ئۇزاق ۋاقىتلاردىن بىرى، نۇرغۇن سەۋەبلەر تۈپەيلى، بلوگنى ئېچىپ كۆرۈپ باقمىغىلى ئۇزاق بوپتىكەن. بۈگۈن قانداقتۇر ۋاقتىم چىقىپ، بلوگىمنى بىرەر قۇر تەكشۈرۈپ چىققاندىن كېيىن، بلوگنىڭ زىيارەت كۆرسەتكۈچىسىگە قاراپ، تۇرايىمىزنىڭ سەلتەنەت سۈرگەن بىر زامانلىرى ئېسىمگە كەلدى. باشقا بلوگداشلار بىلەن پىكىرلىشىشىمچە، بۇ يالغۇز ئۇيغۇربەگ دۇچ كەلگەن مەسىلە بولۇپ قالماستىن، باشقا نۇرغۇن شەخسىي بلوگلارنىڭ زىيارەت سانى كۆرۈنەرلىك ئازلىغان بولۇپ، ئېنىقكى بۇنىڭ مەلۇم سەۋەبلىرى بار ئىدى، بۈگۈنكى بۇ يازمىدا، بلوگلارنىڭ زىيارەتچى سانىنىڭ تۆۋەنلەپ كېتىشى ھەققىدىكى بىر قانچە ئويلىرىمنى سىلەر بىلەن ئورتاقلىشىپ ئۆتكۈسىمەن…

ئەسسالامۇ ئەلەيكۇم ئەزىزلەر. يېقىندا ئۆتكۈزىلىدىغان بىر ئىلمى يىغىنغا بىر دوستۇم ئۇيغۇرچە-تۈركچە سۆزلۈكلەر ئىچىدە  ئاھاڭداش جەھەتتە ئوخشىشىدىغان سۆزلۈكلەرنىڭ مەنىدارلىق جەھەتتىكى ئالاھىلىكى ھەققىدە بىر ماقالە سۇنماقچى ئىدى، شۇڭلاشقا، بۇ ماقالىنىڭ ئىلمىيلىقىنى ئاشۇرۇش ئۈچۈن بىر نومۇر قۇيۇش سېستىمىسى ياساپ چىقتى، ئۇيغۇرچىغا پىششىق ھەمدە تۈركچىدىن ئاز-تولا ساۋادى بار ئەزىزلىرىمىزنى ياردەمگە چاقىرىمەن…

ئاز كەم بىر يىلدىن بىرى تورغا چىقالماي، ئۇيغۇر بلوگ ئىشلىرىنى كۈزىتەلمىگەن ئىدىم، يېقىندىن بىرى ۋاقتىم چىقىپ، كونا-يېڭى بلوگلارنى بىرەر قۇر كۆرۈپ چىقتىم، نەتىجە شۇكى بلوگ ئوينايدىغان يالغۇز مەن ئەمەسكەنمەن، خېلى سالماق بلوگلارمۇ، كەسپىيلەشكەن شەخسىي بلوگلارمۇ مەيدانغا چىقىپتۇ، بۇ بىر ياخشى ئەھۋال، ئەلۋەتتە. خوش، تېمىغا كەلسەك، بىلگىنىڭلاردەك ئۆزۈممۇ بىر كونا بلوگگېر بولغاچقا، بلوگشۇناسلىق ھەققىدە ئويلىغان بىر تىمامنى ئوتتۇرىغا قويۇپ باقاي دەپ مەزكۇر تېمىنى يېزىپ ئولتۇرۇپتىمەن، ھەر قايسىڭلارغا ئازراق بولسىمۇ ئىلھام بەرسە تولىمۇ مىننەتدار بولغان بۇلاتتىم.

ھەربىر بلوگ ھەۋەسكارلىرىغا ئايان بولغىنىدەك،بىز ھەمىشە بلوگىمىزنىڭ سۈپىتىنى يۇقىرى كۆتۈرۈشكە،كۆركەم قىلىشقا تىرىشىمىز.مەسىلەن:يازمىمىزنىڭ سۈپىتىنى ياخشىلاش،ئۇسلۇب ئالماشتۇرۇش،بلوگغا ئىقتىدار قوشۇش،SEO ئەلالاشتۇرۇش دىگەندەك.بىزنىڭ بلوگىمىز ئۈچۈن قىلىۋاتقان تىرىشچانلىقىمىزنى ئەلۋەتتە،ھەممەيلەن ئېتىراپ قىلىدۇ.ئەمما،شۇنىسىنى ھەم ئېتىراپ قىلماي بولمايدۇكى،بىز شۇ تىرىشىش داۋامىدا بىلىپ-بىلمەي زىيارەتچىلىمىزنى ساقىت قىلىپ تاشلاپ،ئۆزىمىزنىڭ سەنىمىگە دەسسەيدىغان ئىشلارنى قىلىپ قالىمىز.ئاندىن،بۇ ئىشلار ئاخىرى كېلىپ زىيارەتچىلىرىمىزنى بىزار قىلىدىغان ئىشلارنىڭ مەنبەسىگە ئايلىنىپ قالىدۇ…

مۇشۇ WordPress سۇپىسىنى تەتقىق قىلغان ھەمدە ئازراق بىر نەرسە ئۆگەنگەندىن كېيىن، ئۆزۈمنىڭ بىلگىنىنى تونۇيدىغان-تونۇمايدىغان بلوگداشلاردىن ئايىماي كېلىۋاتىمەن، ھەتتا بىر قىسىم بلوگداشلارغا بىۋاستە قول سېلىپ ئىشلەپ بىرىۋاتىمەن. شۇنداقتىمۇ نۇرغۇن يېڭى بلوگداشلارنىڭ ئوخشاش سۇئالنى قايتا-قايتا سورايدىغان ئەھۋالغا تولا ئۇچراپ كەتتىم. بۇنىڭدىن كېيىنكى بىرقانچە يۈرۈشلۈك تېمىلىرىمدا مەندىن كۆپ سورايدىغان بىر قانچە سۇئاللارنى ۋە ئۇنىڭ جاۋابىنى يېزىشنى ئويلاشتىم، ئىلاھىم، يازغان نەرسىلىرىم تېتىملىق چىققىيدى…

ئەسسالامۇ ئەلەيكۇم ئەزىز بلوگداشلار، بىلگىنىڭلاردەك بۇنىڭدىن تۆت يىل ئىلگىرى يۇكسەل بلوگى تەرىپىدىن پىلانلىنىپ ۋە ئۇيۇشتۇرۇلۇپ كەلگەن يىللىق «ئون چوڭ ئۇيغۇرچە بلوگ» پائالىيىتى ئۇيغۇر بلوگگېرلىرى ئۈچۈن ناھايىتى ئەھمىيەتلىك بولغان بىر پائالىيەت بولۇپ، بىر ھېسابدا ئۇيغۇر بلوگلىرىنى تەشۋىق قىلىش رولىنى ئوينىسا، يەنە بىر تەرەپدىن ئۇيغۇر بلوگداشلارغا بىرىلگەن مەدەت ۋە رىغبەتلەندۈرۈش بېرىش مەيدانى، ئۆزىنى تونۇتۇش سەھنىسى ئىدى، ئارىلىقتا بىر يىل ئۈزۈلۈپ قالغانلىقىنى ھېسابقا ئالمىغاندا ئۈچ قېتىم ناھايىتى ئۇتۇقلۇق ئۆتكۈزۈلۈپ كەلگەن ھەمدە كەڭ ئۇيغۇر بلوگداشلار ئارىسىدا ناھايىتى ئىناۋەتكە ئىگە پائالىيەت ئىدى. مانا، بۇ يىلنىڭ ئوتتۇرا مەزگىلىدىن ئۆتۈپ بولدۇق، بۇ يىلمۇ ھەم بۇ پائالىيەت ئۆتكۈزۈلۈش ئالدىدا تۇرىدۇ، ھازىر بولسا پائالىيەتنىڭ ناھايىتى مۇھىم ۋاقتى، يەنى ئاگاھ بولۇڭلار ئەي ئۇيغۇر بلوگداشلار، كاتتا شان-شەرەپ ۋە مۇھىم ۋەزىپە باشلاندى….

دەرس ۋاقتى ھاڭۋىقىپ ئولتۇرسام، خىيال قۇشلىرىم پەرۋاز قىلىپ بۇنىڭدىن 8 يىل بۇرۇنقى ئاشۇ سەبى، غەمسىز تولۇقسىز ئوتتۇرا ھايات مەزگىلىم ئېسىمگە كەلدى. كېيىن، ئىچكىرىگە ئاتلاندۇق، ئوقۇدۇق، جاپا چەكتۇق، غەم كۆپەيدى. ھەر قېتىم ئىچكىرىدىن يۇرتقا ماڭىدىغان چاغدا، ھەر بىر ۋاگۇننىڭ بېشىدا « سوتسىيالىستىك مەدەنىيەت قۇرۇلۇشى ئۆلچىمى : سەككىز شەرەپ، سەككىز نومۇس» دېگەن سۆزلەر يېزىلغان تاختايغا كۆزۈم چۈشەتتى، شۇ ھامان دەرس ۋاقتىدىكى خىيال قۇشۇم تۇرايىمىز ئۈچۈن بىر ئىلھام بۈركۈتىگە ئايلاندى، شۇ ھامان مەزكۇر يازمىنى پۈتتۈرۈپ چىقاردىم، كۆرۈپ بېقىڭلار، قوشۇلامدىكەنسىلەركىن؟ قوشۇلمىغانلار ئايىقىڭلارنى ئاتارسىلەر، قوشۇلىدىغانلار چاۋاكلارنى چالارسىلەر، تولۇقلايدىغانلار بولسا ئىلھام قۇشۇڭلارنى قويۇۋەتكەيسىزلەر…

كەمىنە ئۇيغۇربەگنىڭ قانداق ئۇيغۇرچە بلوگ ياكى بېكەتكە بارسا ئەڭ ئاۋۋال ئېلانلىرىنى مارىلايدىغان ئادىتى بارتى، شۇڭلاشقىمۇ قەيەرگە بارسام شۇ يەردە ئېلان چىكىپلا يۈردۈم. بۈگۈن دەرس ۋاقتى دەرس ئاڭلاۋېتىپ، بلوگگېرلارنىڭ كىرىمىنىڭ شۇ قەدەر ئازلىقىغا ئېچىنغاچ، بلوگگېر ئۈچۈن ئېلان چىكىشىگە ئون باھانە تېپىپ چىقتىم، تۈگەشتىڭىز، ئەمدى ئېلان چەكمىگىنىڭىزنى بىر كۆرەي!

مەكتەپكە قايتىپ كېلىشدىن بۇرۇن، يەنى تەتىل مەزگىلىمدە ئۇيغۇربەگ تور تۇرايىنىڭ سادىق ئوقۇرمەنلىرىدىن بىر قانچەيلەن ئېلخەت،QQ ئارقىلىق ياكى تۇرايىمىزغا خەت قالدۇرۇش ئارقىلىق بەگلىكنىڭ يېڭىلىنىشىغا تەقەززا بولىۋاتقانلىقلىرىنى ئېيتىشقان ئىدى. ئۆزۈممۇ، نېمىشقىكىن، مۇشۇ خىلدىكى تەلەپ-پىكىرلەرنى كۆرگەن ھامانلا، بلوگنى يېڭىلاشقا ئالدىراشقا باشلايتىم. ئويلاپ باقسام، مەن بلوگنى ئاشۇ سادىق ئوقۇرمەنلىرىم ئۈچۈن يېڭىلاپ كېلىۋېتىپتىمەن. ئاشۇ ئوقۇرمەنلىرىم نېمىنى خالىسا شۇنى يوللاپ، نېمىنى تەلەپ قىلسا شۇنى يېزىپ كەپتىمەن. گەرچە، پىكىر ئەركىنلىكىم بىر ئاز بوغۇلغاندەك قىلسىمۇ، مەن قەتئىي ۋايسىماي شۇنى يېزىپ كەپتىمەن…

خوش، ئالدىنقى قېتىملىق يازمىمىز «[بلوگگېرلار چايخانىسى]ئۇيغۇربەگدىن ھەر قايسى بلوگگېرلارغا ساۋاق ۋە نەسىھەت (1)»دە ئېيتقاندەك بىر قېتىملىق قىرغىنچىلىقنى باشتىن كەچۈردۈق، تالاپەت ھەقىقەتەن ئېغىر بولدى. يەنە بىر قېتىملىق قىرغىنچىلىقتىن ئامان قېلىش ئۈچۈن، بوشلۇق ۋە سانداننى ئالماشتۇردۇق. بۇ يازمىمىزدا بۇ قېتىملىق ئاپەتتىن كېيىن كەمىنىنىڭ يەكۈنلەپ چىقارغان ئۈچ مۇھىم نۇقتىسىنى تونۇشتۇرۇپ ئۆتىمىز. ھەر قايسى بلوگگېرلار جىددىي قۇلاق سالغايسىزلەر!

شۇنداق قىلىپ، بىر ئايغا يېقىن سۇزۇلغان قۇتقۇزۇش ھەرىكىتىدىن كېيىن، ئۇيغۇربەگ تور تۇرايىنىڭ يازمىلىرى 90% ئەسلىگە كەلدى، بىر يىللىق ئىنكاسلار، بەتلەر بولسا بۇ قېتىملىق «تەبىئىي ئاپەت»تە «قازا قىلىش»تى. كونىلار توغرا ئېيتقان، «تۇرغان جايىڭدىن دەس تۇر»، دەس تۇردۇم، ھەمدە بۇ قېتىملىق ئىشتىن بىر خۇلاسە چىقىرىپ، ھەرقايسى كونا-يېڭى بلوگگېرلارغا بىر قېتىملىق مۇھىم دەرس «ئۇيغۇربەگدىن ھەر قايسى بلوگگېرلارغا ساۋاق ۋە نەسىھەت»نى يېزىپ چىقتىم. بلوگگېرلارنىڭ بۇ دەرسكە سەل قارىماسلىقىنى چىن كۆڭلۈمدىن ئۈمىد قىلىمەن ۋە ئۆتۈنىمەن!…