ئەسسالامۇ ئەلەيكۇم ئەزىزلەر. بەلكىم بىلىشىڭلار مۇمكىن، مەن تۈركىيە مېگا سىتارى ياكى ئۇيغۇرچە دېسەك داڭلىق ناخشىچىسى تاركاننىڭ سادىق پىنتوزىسى. يېقىندا، تاركان ئەڭ يېڭى پىلاستىنكىسى «ئەھدىگە ۋاپا»(Ahde vefa) ناملىق پىلاستىنكىسىنى ئېلان قىلىپ مېنى قەۋەتلا خۇش قىلىۋەتتى. تېخىمۇ خۇش قىلغىنى بولسا، مەن يانچۇقتىن پۇل چىقىرىپ سېتىۋېلىشىنى ئويلاپ تۇرغىنىمدا، ۋاڭيى مۇزىكىسى(网易音乐)دە بۇ پىلاستىنكىنى چىقىرىپ بوپتۇ، قېنى سىلەرمۇ بىر ئاڭلاپ بېقىڭلار…

198 گىرادۇس 4

ھەر كېچىنىڭ مۇشۇ پەيتىدە

دۈشۈنجەلى ئۇيغۇربەگ

–

ھەر كېچىنىڭ مۇشۇ پەيتىدە

خوشنام ئەرەپلەرنىڭ گەپ قىلىشلىرى

ئەرەپ مىللىتىنىڭ يۈكسەك تەرەققىي قىلغان

يۇقىرى چاستۇتىلىق تاۋۇشلىرىنى

ماڭا مىڭ رەت ئىتىراپ قىلغۇزىدۇ

ئۇلارنىڭ ھەر بىر تاۋۇشىدا

ياتاقنىڭ تاملىرىمۇ غىژىلدىشىپ كېتىدۇ

ئۇلارنىڭ ئاۋازلىرىغا

ئەڭ يۇقىرى ئاۋازدا قويۇلغان تېلىۋېزورلىرى تەڭكەش بولىدۇ

ئۇلارنىڭ يىرتىلماس قۇلاق پەردىسى بار

ئۇلارنىڭ پۈتمەيدىغان ئۈنى بار

ئۇلار كۈندۈزى ئۆلۈكدىن جىمجىت

ئەمما مۇشۇ ۋاقىتتا ئۇلار دۇنيارىمغا ھۆكۈمرانلىق قىلىشقا باشلايدۇ

–

ئۇلار ۋاقىراشمايدۇ

ئەمما نورمال گەپلىرىنىمۇ

ئۇلار ئۇرۇشۇۋاتامدۇ دەپ ئويلاپ قالىمەن

ئەجەبا

ئۇلاردا تۆۋەن ئاۋازدا پاراڭلىشىش دېگەن ئاڭ يوقمىدۇر؟

ئەجەبا

ئۇلار باشقىلار ئەرەبچىدىن ھۇزۇرلىنىدۇ دەپ ئويلاپ شۇ چىرقىراق تەلەپپۇزدا پاراڭلىشامدىغاندۇ؟

ئەجەبا

–

ھەبىبىي، يەللا، جەمال

ئۇلارنىڭ بۇ سۆزلىرىنى يۈرۈكۈمگە چىڭ ئورناتتىم

ئۇلارنىڭ ئىشىكىنى مىڭ قېتىم قاقتىم

ئۇلار ئادەم ئەمەسمىدۇ

بەلكىم ئادەمدۇر

توختا

ئۇلار ئادەم بولسا

ياكى مەن ئەمەستۇرمەن ئادەم

ئۇلار ئادەم بولمىسا

بەلكىم ئېشەكتۇر؟

ياق، ئېشەككە ئەلەم قىلغۇم يوق

لېكىن

ھەر كېچىنىڭ مۇشۇ پەيتىدە ماڭا يوق ئارام

ھەبىبىيلەر دەستىدىن ئۇيقۇ ماڭا ھارام.

قۇلۇقۇم گاس بولسۇنمۇ؟

ياكى ئۇلار گاچا بولسۇنمۇ؟

ئاھ خۇدا

بۇ كېچىنى تۈگەتكۈدەك سەۋر ئاتا قىل…

2015-يىلى 6-دېكابىر

ئەسسالامۇ ئەلەيكۇم.  تۈركچە ناخشا ھەۋەسكارلىرىغا مەرھۇم تۈرك سەنئەتكارى كاياخاننىڭ قايتا ئېيتىلغان ناخشىلىرىدىن پۈتۈلگەن پىلاستىنكا «كاياخاننىڭ ئەڭ ئېسىل ناخشىلىرى» ناملىق پىلاستىنكىنى تەۋسىيە قىلىمەن. كاياخاننىڭ ناخشىلىرى لىرىكىلىق، مەزمۇنلۇق، ئۇنىڭ ئۈستىگە تاركان، ئەمرە ئايدىن، مۇستافا جەجەللى، گۈلشەن، سەزەن ئاقسۇ، سېلا، جاندان ئەرچەتىن، ئاژدا پەككان، نىلوفەر، مەھمەت ئەردەم قاتارلىق داڭلىق تۈرك ناخشىچىلىرى كاياخاننىڭ ناخشىلىرىغا قايتىدىن جان بىرىپتۇ. تۈركىيەدىكى نۇرغۇن رادىئولاردا بۇ ناخشىلار ئۈزۈلمەي قۇيۇلىۋاتىدۇ، شەخسەن مەنمۇ ھازىر قايتا – قايتا ئاڭلاۋاتىمەن.

ئەسسالامۇ ئەلەيكۇم ئەزىزلەر. ئالدىنقى قېتىملىق ۋەقەدىن كېيىن خەتلىك فىلىم ئىشلەشدىن ئىنتايىن سوۋۇغان بولساممۇ، ئۆزۈمنىڭ بۇ ياخشى دەپ قارايدىغان ھەۋىسىمنى توختىتىپ قويۇشقا مەيلىم بارمىدى(ئەلۋىدا، يوۋكۇدىكى خەتلىك فىلىملىرىم!). يېقىندا مەن ياخشى كۆرىدىغان تۈرك چولپانى تاركان مەرھۇم شائىر، ئۇستاز ۋە ناخشىسى كاياخاننىڭ ناخشىسى بولمىش « قەسەم قىلدىم » ناملىق ناخشىنى قايتا ئېيتقاندىن كېيىن، ناخشاخۇمارلىقىم تۇتۇپ، ناخشىنى خەتلىك قىلىپ ئىشلەپ چىقتىم. ئىشىنىمەنكى، بلوگىمدىكى خەتلىك ناخشا ھەۋەسكارلىرى مەزكۇر ناخشىنى ياخشى كۆرۈپ قالغۇسى.  ناخشىنى ھەر قايسى فىلىم بېكەتلىرىگە يوللىغان بولساممۇ، تەستىقلەنمىگەنلىكى ئۈچۈن بىۋاستە چۈشۈرۈش ئادرېسى بىلەن تەمىنلىگۈسىمەن. ئادرېس يازما ئىچىدە…

ئەسسالامۇ ئەلەيكۇم ئەزىزلەر. يېقىندا بىر قېرىندىشىم تۈركىيەنىڭ خىزمەت ۋىزىسىنى ئالماقچى بولۇپ، ياردەم سورىغان ئىدى. توردىن ماتىرىيال ئىزدەپ يۈرۈپ، ئۇنىڭ ھاجىتىنى راۋا قىلدىم. شۇنداقتىمۇ، تۈركىيەگە خىزمەت قىلىش مەقسىتىدە كېلىدىغان قېرىنداشلار ئۈچۈن تۈركىيە خىزمەت ۋىزىسىگە كېتىدىغان ماتىرىياللار تىزىملىكىنى ئۇيغۇرچىلاشتۇرۇپ قويدۇم. تۈركىيە خىزمەت ۋىزىسىنى بېجىرمەكچى بولغانلار نەزەر سېلىپ قۇيارسىلەر.

ئىزدىنىش مۇنبىرىغا تۈركىيەدە ئوقۇۋاتقان بىر بۇرادەر تۈركىيەگە ئوقۇشقا كەلمەكچى بولغان بالىلارغا ئاتاپ ئۆزىنىڭ تەجرىبە-ساۋاقلىرى ئاساسىدا خېلى تۇتامى بار بىر يازما يېزىپتىكەن. مەنمۇ نەچچە يىللىق ئوقۇغۇچى بولۇپ قالغان بولغاچقا، بۇ يەردىكى ئەھۋاللاردىن ئانچە – مۇنچە بايان قىلىپ، بىر ئىنكاس يازغان ئىدىم. ئىنكاسىم تۆۋەندىكىچە…

ئەسسالامۇ ئەلەيكۇم. بەلكىم خەۋىرىڭلار بولۇشى مۇمكىن، تۈركىيە جۇمھۇرىيىتى ساياھەت مىنىستىرلىقىنىڭ چىقارغان يېڭى بەلگىلىمىسىگە ئاساسەن، بۇ يىلدىن باشلاپ رەسىمىي پاسپورتى بولغان جۇڭگو پۇقرالىرى تۈركىيە ساياھەت ۋىزىسىنى توردىن بېجىرىۋالسا بولىدۇ. يەنى، بۇنىڭدىن كېيىن ساياھەت ۋىزىسىنى ساياھەت شىركەتلىرى ياكى كونسۇلغا بېرىپ يۈرمەي توردىن ئۆزى بېجىرىۋالسا بولىدۇ. بۇنى خەلق ئىچىدە تۈركىيە ئېلىكترونلۇق ساياھەت ۋىزىسى دېيىلىدىغان بولۇپ،  بۈگۈنكى يازمامدا مۇشۇ ۋىزىنى قانداق بىجىرىش ھەققىدە تەپسىلىي توختىلىپ ئۆتكۈسىمەن.

«ئۇيغۇربەگ تەرجىمىلىرى» نامىدا خەتلىك فىلىم تەرجىمە قىلىپ كەلگىنىمگە بەش يىلدىن ئېشىپتۇ. دەسلەپتە، خەتلىك فىلىم ياساشنى ھەۋەس سۈپىتىدە ئۆگىنىپ باشلىغان بولسام، كېيىنچە خەتلىك فىلىم ياساشنى ئۆزۈمنىڭ دەرسدىن سىرتقى بوش ۋاقتىمنى ئۈنۈملۈك پايدىلىنىش پىلانىمنىڭ بىر قىسمىغا ئايلاندۇرۇپ، ئۆزۈمنىڭ تىل ئۆگىنىش مەقسىتى بىلەن بىرلەشتۈرۈپ داۋاملاشتۇرغان ئىدىم. بۇ بەش يىل جەرياندا ئىلگىرى-كېيىن بولۇپ بىر قانچە كىنو، كۆپ قىسمى تۈركچە بولغان 250گە يېقىن ناخشا، 10غا يېقىن نوتۇق تەرجىمە قىلىپتىكەنمەن، شۇنداقلا، بۇ فىلىملىرىمنى مېنىڭ نەزىرىمدىكى ئىلىمىزدىكى ئەڭ پاكىز، ئەڭ ياخشى بولغان يوۋكۇغا يوللاپ تۇرغان ئىدىم. ئەلۋەتتە، بۇ ئىشلارنى ئۆزۈمنىڭ كۆڭۈل خۇشى ئۈچۈن قىلغان بولغاچقا، تەسىرى ۋە ئۈنۈمىنى ئويلىشىپ يۈرمىگەن ئىدىم. تۈركىيەگە كېلىپ بىلسەم، شۇ خەتلىك فىلىملەرنىڭ ئىنتايىن داڭقى بار ئىكەن، بولۇپمۇ تۈركچە-ئۇيغۇرچە خەتلىك ناخشىلار بىر قىسىم تۈرك تىلى ھەۋەسكارلىرىنىڭ تۈركچە ئۆگىنىشىگە ئىنتايىن رولى بوپتۇ؛ بەزى ناخشىلار دىيارىمىزدىكى بىر قىسىم چوڭ رېستوران-ئارامگاھلارنىڭ دائىم قۇيۇلۇپ تۇرىدىغان ناخشىسىغا ئايلىنىپتۇ، ھەتتا دوۋبەن دەيچىلەر ئۇ ناخشىلارنى توپلاپ دەي قىلىپ سېتىشقا ئۈلگۈرۈپتۇ، ئىشقىلىپ، مەن بىلىپ-بىلمەي قىلغان بۇ ئىشلارنىڭ باشقىلارغا ئازدىن كۆپتۇر پايدىسى تىگىپتۇ. لېكىن، تولىمۇ ئەپسۇسكى…

بۇرۇن سورۇنغا ئۇدۇل كەلگەن نەرسىنى يوللاۋېرەتتىم، باشقىلار يوللىغان نەرسىنى تېمىسىنىمۇ ئوقۇماي تارقىتاتتىم، ھازىر سورۇنغا بىر نېمە يوللاي دەپ بىر نېمىلەرنى قىلىۋېتىپ تۇيۇقسىز يالتىيىۋالىدىغان ۋە ياكى يوللاپ بولغان نەرسىنى تۇيۇقسىز ئۆچىرىۋاتىدىغان، خەق يوللىغان نەرسىنى كۆڭلۈم ۋە كۆزۈمدىن ئۆتكۈزۈپ بولۇپ تارقىتىدىغان بولۇپ قاپتىمەن.

ئىستانبۇلغا كېلىشتىن بۇرۇن، تۈركىيەنىڭ كىنو-تىياتىرلىرىنى تولىمۇ قىزىقىپ كۆرەتتىم، گەرچە، كىنو-تىياتىرلارنىڭ ھەقىقىي تۇرمۇشنىڭ ئۆزى بولمىسىمۇ، تۇرمۇشتىن ئۆرنەك ئېلىپ ئىشلىنىدۇ دەپ قارايدىغانلا بولغاچقا، شۇ كىنونىڭ كۆرۈنۈشلىرىدىن تۈركىيە ھەققىدە ئازراق بولسىمۇ مەلۇماتلارغا ئېرىشىشنى ئۈمىد قىلاتتىم. ئىستانبۇلغا كەلگەندىن كېيىن، ئەينى چاغدا كىنولاردىن كۆرگەن كوچىلارنىڭ كۆرۈنۈشلىرىنى تونۇۋېلىشقا تىرىشتىم ھەمدە بۇ ئېكسپېدىتسىيە داۋامىدا ئىستانبۇلنىڭ كوچىلىرى ھەققىدە تېخىمۇ كۆپ تېپىشماقلارنى تېپىشقا ۋە تېخىمۇ كۆپ تېپىشماقنى كەشىپ قىلىشقا مۇۋەققەت بولدۇم…

«تۈركىيە تەسىراتلىرى»نى باشلىغاندا كاللامدا نۇرغۇن ھېكايە، نۇرغۇن سەزگۈرەشتىلەر بار ئىدى، ئەلۋەتتە، بۇ سەزگۈرەشتىلەرنىڭ بەزىلىرى تۈركىيەگە كېلىشدىن بۇرۇن يۈز بەرگەن ئىشلار تۈپەيلى قاتتىق تەسىر قىلغان بولغاچقا، تۈركىيەگە كېلىشدىن بۇرۇنقى بىر قانچە ئىشلارنى دەۋېلىشنى، شۇ ئارقىلىق تۈركىيەدىكى ھىس-تۇيغۇلىرىمنى ئىپادىلىگەندە بۇرۇنقى ئويلىرىم بىلەن سېلىشتۇرما قىلىشنى ئويلاشقان بولغاچقا، ۋەتەندىكى بىر قانچە ئىشلارنى سۆرەپ كېلىشنى ئويلاشقان ئىدىم. ئويلاپ باقسام، بۇ شەكىلدە سۆزلەپ كەلسەم، پەقەتتىن ۋەتەندىكى مەن يۇلۇققان ئىشلاردىن بىر قانچە كىتاب چىققۇدەك يازما تۆكۈلۈپ، مەنمۇ ئۇ دۇنياغا بارغۇدەك بولۇپ كەتكۈدەكمەن. ئۇنىڭدىن باشقا، ئۇقۇرمىنىم مەندىن ھەممە ئادەم بىلىپ كەتكەن ھېكايە ئەمەس، بەلكى تۈركىيەدىكى ھىس – تۇيغۇلىرىم كۆرۈشكە بەك قىزىققاندەك قىلىدۇ. شۇڭا، ۋەتەندىكى ئىشلارنى بۈگۈن پۈتتۈرىۋېتىپ، تۈركىيەگە كېلىشنى باشلىۋەتسەم بولغۇدەك.

ئالىي مەكتەپكە كىرگەن تۇنجى يىلى(2009-يىلى) بىزنىڭ سىنىپقا قازاقىستانلىق ئىككى سۇلۇ قىزنى بۆلۈپ قۇيۇپتىكەن، دەرس باشلىغان تۇنجى كۈنى ئۇلارنى ئۇيغۇر ئوخشايدۇ دەپ سالام بەرسەم، گېپىمنى چۈشەنمىدىمۇ ياكى باشقا سەۋەبمۇ چىرايى بىر خىل ئۆزگىرىپ كەتتى ۋە شۇ ھامان «بىز قازاقىستانلىق» دېدى خاڭسوچە. مەنمۇ شۇ ھامان «ۋاي مەنمۇ قازاقىستانلىق» دەپ قازاقچە گەپ قىلىۋىدىم، ئۇلارنىڭ كۆزى يەنە لامپۇچكىدەك پالىلداپ كەتتى. گېپىمنى چۈشەنمەپتۇ-دە بۇلار دەپ ئويلىدىم بىر غۇلجىلىق قازاق دوستۇمنىڭ قازاقىستاندىكى قازاقلارنىڭ بىر كۆپ قىسمى قازاقچە بىلمەيدۇ دېگەن سۆزىنى ئېسىمگە ئېلىپ.