ئەسسالامۇ ئەلەيكۇم ئەزىزلەر. خەتلىك ناخشا يوللىمىغىلى ئىنتايىن ئۇزۇن بولۇپ كەتتى، سەۋەبى يوللايدىغان يەرمۇ يوق شۇنداقلا ئۆزۈممۇ ئالدىراش بولۇپ قالدىم، شۇنداقتىمۇ ئالدىنقى مەزگىلدە ئازراق ۋاقىت چىقىرىپ پۈتتۈرۈپ قويغان ئىككى ناخشام بار ئىدى، بەلكىم يېڭى ناخشىلارنى ياقتۇرۇپ ئاڭلاۋاتقان دوستلار بولۇپ قالسا ئەجەپ ئەمەس دېگەن خىيال بىلەن، شۇ ناخشىنىڭ بىرى بولغان تۈرك چولپانى مۇستاپا جەجەلى ئىجراسىدىكى مۇھەببەتلىك لىرىكا «گۈل رەڭگى»نى ھۇزۇرۇڭلارغا سۇندۇم، قېنى مەرھەمەت.

«ئۇيغۇربەگ تەرجىمىلىرى» نامىدا خەتلىك فىلىم تەرجىمە قىلىپ كەلگىنىمگە بەش يىلدىن ئېشىپتۇ. دەسلەپتە، خەتلىك فىلىم ياساشنى ھەۋەس سۈپىتىدە ئۆگىنىپ باشلىغان بولسام، كېيىنچە خەتلىك فىلىم ياساشنى ئۆزۈمنىڭ دەرسدىن سىرتقى بوش ۋاقتىمنى ئۈنۈملۈك پايدىلىنىش پىلانىمنىڭ بىر قىسمىغا ئايلاندۇرۇپ، ئۆزۈمنىڭ تىل ئۆگىنىش مەقسىتى بىلەن بىرلەشتۈرۈپ داۋاملاشتۇرغان ئىدىم. بۇ بەش يىل جەرياندا ئىلگىرى-كېيىن بولۇپ بىر قانچە كىنو، كۆپ قىسمى تۈركچە بولغان 250گە يېقىن ناخشا، 10غا يېقىن نوتۇق تەرجىمە قىلىپتىكەنمەن، شۇنداقلا، بۇ فىلىملىرىمنى مېنىڭ نەزىرىمدىكى ئىلىمىزدىكى ئەڭ پاكىز، ئەڭ ياخشى بولغان يوۋكۇغا يوللاپ تۇرغان ئىدىم. ئەلۋەتتە، بۇ ئىشلارنى ئۆزۈمنىڭ كۆڭۈل خۇشى ئۈچۈن قىلغان بولغاچقا، تەسىرى ۋە ئۈنۈمىنى ئويلىشىپ يۈرمىگەن ئىدىم. تۈركىيەگە كېلىپ بىلسەم، شۇ خەتلىك فىلىملەرنىڭ ئىنتايىن داڭقى بار ئىكەن، بولۇپمۇ تۈركچە-ئۇيغۇرچە خەتلىك ناخشىلار بىر قىسىم تۈرك تىلى ھەۋەسكارلىرىنىڭ تۈركچە ئۆگىنىشىگە ئىنتايىن رولى بوپتۇ؛ بەزى ناخشىلار دىيارىمىزدىكى بىر قىسىم چوڭ رېستوران-ئارامگاھلارنىڭ دائىم قۇيۇلۇپ تۇرىدىغان ناخشىسىغا ئايلىنىپتۇ، ھەتتا دوۋبەن دەيچىلەر ئۇ ناخشىلارنى توپلاپ دەي قىلىپ سېتىشقا ئۈلگۈرۈپتۇ، ئىشقىلىپ، مەن بىلىپ-بىلمەي قىلغان بۇ ئىشلارنىڭ باشقىلارغا ئازدىن كۆپتۇر پايدىسى تىگىپتۇ. لېكىن، تولىمۇ ئەپسۇسكى…

تۈركچە ئۆگىنىۋاتقان ۋاقتىمدا، مۇئەللىمدىن بىر تۈركچە تېياتىر تەۋسىيە قىلىشنى ئۆتۈنگەن ئىدىم، مۇئەللىمىم تۇرمۇشقا ئەڭ يېقىن دەپ تۈركىيەدە ئالقىشلىنىۋاتقان تېياتېر «مەدجەزىر»نى تەۋسىيە قىلدى، گەرچە بۇ تېياتېرنى تولۇق كۆرۈپ چىقىشقا ۋاقتىم يار بەرمىگەن بولسىمۇ، ئۇنىڭ باشتېما ناخشىسى ماڭا ياراپ قالدى. ماڭا يارىغان نەرسە سىلەرگىمۇ يارايدۇ دېگەن ئۈمۈددە، بىكار قالغان ۋاقتىمدا شاق-شۇق قىپلا خەتلىك قىلىپ ئىشلىۋەتتىم. تۈرك تىلى ھەۋەسكارلىرى ئۈچۈن كونا قائىدە بۇيىچە ناخشىنىڭ  تېكىسىتى تەمىنلىنىدۇ. سۈزۈك نۇسخىسىنى يوللاپ بولغان ھامان مەزكۇر تېمىدا قالدۇرۇپ قويىمەن، ۋاقتىدا چۈشۈرۈۋالغايسىزلەر…

خۇددى ھېلىھەم قولۇمنى تۇتۇپ تۇرۇۋاتقاندەك ھىس قىلىۋاتقان ئىدىم، ئەمدى يوقلىقىڭغا ئۆزۈمنى ئۆزۈم بەزلەپ ئاران چىداۋاتىمەن.خۇددى پاجىئەلىك ئاخىرلىشىدىغان ھېچ ھېكايە يوقتەك بىزنىڭكىنىمۇ ياخشى ئاخىرلىشىدۇ دەپ ئويلاپتىمەن، يالغانكەن. ھاۋا سوۋۇشقا باشلىدى، مۇشۇنداق كۈنلەردە توڭلاپ قالىتىڭ، بۇنى بەك ياخشى بىلىمەن. ئىشقىپ، نېمىلا بولمىسۇن ئۆزۈڭگە ئوبدان قارا، ئېسىڭگە يازلارنى كەلتۈرگىن، پات-پات ئۆزۈڭ ھەققىدە ئۇچۇر بىرىپ تۇرغىن، مېنى دېرىزە ئالدىدا تەلمۈرگۈزۈپ ساقلاتما. بىلىمەن، مەندىن كېيىن ھاياتىڭغا باشقا بىرسى كىرگۈسى، نېمىلا بولمىسۇن……بەخىتلىك بولۇشقا تىرىش، بۇنى ھەرگىز ئۇنۇتما. رەھىمسىزسەن، ئىسيانكارسەن، ۋاپاسىزسەن، رىياكارسەن. ھەم گۇناھسىز ھەم گۇناھكار ھايات كەبى……

تۈركىيەنىڭ بەلەدىيە سايلىمى ۋە دۆلەت باشلىقلىرى سايلىمىنىڭ يېقىنلىشىغا ئەگىشىپ، ھەر قايسى پارتىيەلەرنىڭ ھەرىكەتلىرى ئاۋاتلىشىشقا باشلىدى. بۇ قېتىم ئەردوغاننىڭ پارتىيىسى، يەنى ئادالەت ۋە تەرەققىيات پارتىيىسىنىڭ سايلام ناخشىسى بولسا ئەسلى تاتارلارنىڭ نوغاي دېئالىكېتىدا ئېيتىلغان ناخشىدىن ئۆزگەرتىلگەن ناخشا «دومبىرا»دۇر. تۈرك تىلى ھەۋەسكارلىرى ئۈچۈن كونا قائىدە بۇيىچە ناخشىنىڭ  تېكىسىتى تەمىنلىنىدۇ. سۈزۈك نۇسخىسىنى يوللاپ بولغان ھامان مەزكۇر تېمىدا قالدۇرۇپ قويىمەن، ۋاقتىدا چۈشۈرۈۋالغايسىزلەر…

ناخشىدىن باشقا ھېچنېمە تەرجىمە قىلالمىغانلىقىمدىن قاتتىق ئېچىنىپ مۇشۇ چۈشەندۈرۈشنى يېزىشقىمۇ ئېرىنىپ ئولتۇرۇپتىمەن. نېمىلا بولسا سەكسەن تۆت گۇرۇپپىسىنى تۈركىيەگە كېلىشدىن بۇرۇن ئاڭلاپ باقماپتىكەنمەن، تۆمەردىكى ئوقۇتقۇچىمىز دەرس ئارلىقىدا بۈگۈن ھۇزۇرۇڭلارغا ئەكەلگەن مەزكۇر ناخشىنى قويۇپ بەرگەندىن كېيىن تونۇدۇم، ئەمما مەزكۇر «چېقىلما» دېگەن ناخشىسىنىڭ سۆزى ۋە مىلودىيىسىنى ياخشى كۆرۈپ كېتىپ ھاياجىنىم تۇتۇپ كېتىپ تەرجىمە قىلىپ سالدىم، ۋاقتىڭلار يەتكەندە ئاڭلاپ قويارسىلەر…

شۋىتسىيەلىك ئىسلامچە كۈي-ناخشىچىسى ماھىر زەيىن ئۇيغۇر تورداشلىرىغا خېلى تونۇشلۇققۇ دەيمەن، بولۇپمۇ ماھىر زەيىننىڭ «ئىنشائاللاھ» دېگەن ناخشىسى ئۇيغۇر تورداشلىرى ئارىسىدا خېلى ئالقىشقا ئېرىشكەن. شەخسەن مەن ئۆزۈممۇ ماھىر زەيىننى شۇنداق ياخشى كۆرىمەن ھەمدە ناخشىلىرىنى ئۇدۇللۇق ئاڭلاپ تۇرىمەن، بۈگۈن تورداشلارغا ماھىر زەيىننىڭ كېلىۋاتقان رامزانغا ئاتاپ ئېيتقان ناخشىسى «رامزان»نىڭ ئۇيغۇرچە خەتلىكىنى ئەپ كەلدىم، ياقتۇرغان بولساڭلار رەنجىمەي «رەھمەت»دەپ ئىنكاس يوللاپ سالغايسىلەر…

«ھۆكۈمران ئۈزۈك» يۈرۈشلۈك كىنوسىنى ياقتۇرۇپ كۆرىدىغانلار ھە قاچان مۇشۇ يۈرۈشلۈك كىنونىڭ ئالدىنقى بابى بولغان «خوببىتلار»نىڭ بىرىنچى قىسمى بولغان «خوببىتلار1: غايىبانە سەپەر»نى كۆرۈپ بولدۇڭلارغۇ دەيمەن. ھەقاچان بۇ كىنونىڭ داۋامى بولغان « خوببىتلار2: دەشتى سىماگ»نى تۆت كۆز بىلەن كۈتۈۋاتقانسىلەر؟  خوش، كىنوسى چىقىشتىن بۇرۇن، مەزكۇر كىنونىڭ كەمىنە تەرجىمە قىلىپ پۈتتۈرگەن تەشۋىقات فىلىمىنى بىر كۆرۈپ چىقمامسىلەر؟…

ئوقۇش پۈتتۈرۈش بىلەن ئالدىراش بولۇپ كېتىپ، تۈركچە ئۆگۈنۈشۈمنى تاشلىۋەتكىلى خېلى بوپتۇ. بۈگۈن ئازراق ۋاقىت چىقىرىپ، مۇشۇ يېڭى تۈركچە ناخشا-ئەسەرلەرنى كۆرۈپ باقاي دەپ تور ئارىلاۋېتىپ تۈركىيە ناخشىچىسى فەتتاھ جاننىڭ ئورۇنلىشىدىكى « قۇرۇق ئىستاكان»نى ئۇچراتتىم ۋە شۇھامانلا ئۇيغۇرچە خەتلىك قىلىپ ئىشلىۋەتتىم. ياقتۇرغانلارغا چۈشۈرۈش ئادرېسى ھەم تەييار.

بۇرۇن، تۈركىيەنىڭ ھەرقايسى جايلىرىدىكى سەنئەتكارلار بىرلىشىپ ئېيتقان «تەبىئەت ئۈچۈن چال» يۈرۈشلۈك ناخشىلىرىنى مەلەك بىلەن تەڭ پۈتتۈرۈپ تۈگەتكەن ئىدۇق، ئۇيغۇرچە بەتلەردە بۇ يۈرۈشلۈك ناخشىلار ئىچىدىكى «كۈندۈز كېچە» ھەممىدىن بەكرەك ئالقىشقا ئېرىشكەن ئىدى. بۇ قېتىم بۇ ئەترەت تۈركىيەنىڭ تاجاۋۇزچىلىققا قارشى ئۇرۇشى زامانىدا غەلبە نۇسرىتىنى چالغان ھالقىلىق جاي چاناققەلئە ئۈچۈنمۇ بىر ئەسەر ئىجاد قىپتۇ. بۇرۇن مۇشۇ چاناققەلئە ئۇرۇشى ھەققىدە كۆپ ماتېرىيال كۆرۈپ، چاناققەلئەگە غايىبانە ئاشىق بولغان ئىدىم، شۇ يەردە شېھىت بولغان ئەزىمەتلەردىن پەخىرلىنەتتىم. شۇڭا بۇ ناخشا چىققان ھامانلا تەرجىمە قىلىۋەتتىم، بلوگداشلارنىڭ چاناققەلئە ھەققىدە بىلىدىغانلىرى ھەم ئويلىغانلىرى بولسا ئاستىدا ئىنكاس شەكىلدە پىكىر بايان قىلسىكەن دەپ ئويلايمەن…

مەزكۇر كىنونى نەچچە يىل بۇرۇن تۈركچە بىلمەيدىغان زامانلىرىمدا كۆرۈپ قان قۇسۇپ يېغلىۋەتكەن ئىدىم، يېقىندا چالا تۈركچەم بىلەن بۇرۇنقى ھېسلارغا ئوخشىمىغان ھېس-تۇيغۇلىرىم بىلەن كۆرۈپ چىقتىم ھەمدە ئۆزەمچە ئاقسالىق قىلىپ كىنونىڭ ئاخىرىدا چىقىدىغان كىنو ناخشىسىنى  تەرجىمە قىپ باقتىم. تەرجىمىدىن زىرىككەنلەر بېشىمغا تاش-توقماق ئاتمىسۇن دەپ كىنونىڭ ئۇيغۇرچە خەتلىك نۇسخىسىنى چۈشۈرۈشكە تەمىنلىدىم، مەزكۇر يازمىنىڭ باش نۇقتىنەزىرى ئەلۋەتتە تەرجىمىدە…

مەكتەپكە قايتىپ كەلگەندىن بېرى ئىشىمنى ھېچ ئىزىغا چۈشۈرۈپ بولالماي، خېلى كۆپ كۈنلەرنى ئۆتكۈزۈۋېتىپتىمەن. قايسى كۈنى بىر مەكتەپدىشىم چاقچاق قىلىپ « كەپەڭنى تەتىلدىن بۇرۇن بىر قېتىم، تەتىل توشقاندا بىر قېتىم يېڭىلاپ قويساڭلا ئىشىڭ تۈگەيدىكەن» ھە دېگەنىدى، ناخشا خۇمار ۋە تۈرك تىلى ھەۋەسكارلىرى بولىدىغان كەپىداشلارمۇ پات-پات ناخشا تەرجىمە قىلمامسىز دەپ سۈيلەيدىغان بولىۋالدى، ئەسلى بۈگۈن ئالدىنقى ھەپتىدىكى ساياھەت خاتىرەمنى يوللاي دەپ ئويلاشقان ئىدىم، قارىسام ۋاقتى ئۆتۈپ قالاي دەپ قالغان بىر خەتلىك تەرجىمە ئەسىرىم بار ئىكەن، ئاۋۋال شۇنى يوللاپ ئۇيغۇربەگنىڭ كەپىسىنىڭ ئەمدى نورمال يېڭىلىنىدىغانلىقىغا بەلگە بىرىپ قويمىسام بولمايدىغان ئوخشايدۇ. خوش، ئەزىزلەر، بۈگۈن ھوزۇرىڭىزلارغا سۇنىدىغىنىم تۈرك ناخشىچىلىرى ئەڧلاتۇن & بۇرجۇ گۈنەش ئىجراسىدا–خالتا كوچىلار. تۈرك تىلى ھەۋەسكارلىرى ئۈچۈن كونا قائىدە بۇيىچە ناخشىنىڭ سۈزۈك نۇسخىسى تەمىنلىنىدۇ. ۋاقتىدا چۈشۈرۈۋالغايسىزلەر…