ئەسسالامۇ ئەلەيكۇم. يېقىندا تۇرايىمىزنىڭ iOS ئەپىنى يېڭىلاش جەريانىدا سەھىپىلەرنى رەتلەش ئىھتىياجى تۇغۇلدى. سەھىپىلەرنى رەتلەش جەريانىدا بلوگىمدىكى نۇرغۇن سەھىپىلەر ۋە خەتكۈچلەرنىڭ نىڭ ئارتۇقچە ئىكەنلىكىنى، بەزى سەھىپىلەرنىڭ قايتىلىنىپ كەتكەنلىكىگە دىققەت قىلدىم. ئەمما، نورمالدا بۇ سەھىپىلەرنى قولدا بىرىكتۈرۈش توغرا كەلسە، ئىنتايىن ئاۋارىچىلىق. ئەمما،  WordPress تەمىنلىگەن قىستۇرما ئارقىلىق بۇنى ئەپچىللا ھەل قىلغىلى بولىدۇ.

ئەسسالامۇ ئەلەيكۇم ئەزىزلەر. ئالدى بىلەن ھەممىڭلارنىڭ يېڭى يىلىنى قىزغىن تەبرىكلەيمەن. يېڭى يىلدا يېڭى نەتىجىلەرنى يارىتىشىڭلارغا، ئائىلەڭلارنىڭ تىنچ – ئامان تىلەكداشمەن(بۇ يەردە قىزغىن بىر چاۋاق بار بولۇشى مۇمكىن). 2015- يىلى خىزمەت ۋە ئۆگىنىش تۈپەيلىدىن WordPress ھەققىدە تۈزۈكرەك بىر ئىزدىنىشكە قادىر بولالمىدىم. شۇنداقتىمۇ، يېڭى يىلغا بىر سوۋغا سۈپىتىدە مۇشۇ يىلى بۇلبۇل بلوگى ئۈچۈن ئۆزلەشتۈرگەن بىر ئۇسلۇبنى ھەقسىز تارقىتىشنى ئويلاشتىم، ياقتۇرۇشىڭلارنى ئۈمىد قىلىمەن.

ئەسسالامۇ ئەلەيكۇم ئەزىز بلوگداشلار، ئالدى بىلەن كېچىكىپ قالغان بولساممۇ سىلەرنىڭ قۇربان ھېيتىڭلارنى مۇبارەكلەيمەن: قۇربان ھېيتىڭلارغا مۇبارەك بولسۇن! ئۇزۇن بوپتىكەن WordPress ۋە ئۈندىدار ئاممىۋى سۇپىسى بىلەن ھەپىلىشىپ باقمىغىلى، نەچچە كۈن ئاۋال بىر خەنزۇچە بلوگدا WordPressدە قۇرۇلغان بېكەتلەرنى ئۈندىدار ئاممىۋى سۇپىسىغا باغلىغىلى بولىدىغان قىستۇرمىنى ئۇچرىتىپ، بىر ئاز سىناق قىلغاندىن كېيىن ياراپ قالدى. بۈگۈن سىلەر بىلەن مەزكۇر قىستۇرما ھەققىدە بىرئاز بىلىملەرنى ئورتاقلىشىپ ئۆتەي…

ئەسسالامۇ ئەلەيكۇم، ئەزىز بلوگداشلار، خىزمەتكە ئورۇنلىشىش داۋامىدا تورغا كۆپ چىقىپ بولالمىدىم، ئەمما سىلەرنى ئۇنتۇپ قالغىنىم يوق. ئەلھەمدۇلىللا، يېقىندا خىزمەتكە ئوڭۇشلۇق ئورۇنلىشىپ، ئىشلىرىمنى بىرەر قۇر ئورۇنلاشتۇرۇپ بولدۇم. بۇرۇن نۇرغۇن بلوگگېرلارنىڭ ئۇسلۇب ياساپ بېرىش تەكلىپىنى چىرايلىقچە رەت قىلىپ كەلگەن ئىدىم، ئەمدىلىكتە ۋاقتىم ئازراق بولسىمۇ سېلىككەچ مەزكۇر يازمىنى يوللاپ تۇرۇپتىمەن، WordPress ئۇسلۇب ياساتماقچى ياكى دوراپ ياساتماقچى بولسىڭىز مەزكۇر يازمىغا دىققىتىڭىزنى ئاغدۇرۇڭ…

بىر زامانلاردا WordPress ئۇسلۇبى ياساشقا قاتتىق ھېرىسمەن ۋاقىتلىرىم يىنىك بلوگى دىيەن دىيەن(点点) تورىدىكى بىر ئۇسلۇبنى دوراپ چىققاندىن كېيىن، ئۇيغۇربەگنىڭ كەپىسى ناملىق سابىق بلوگىمدا ئىشلەتكەن ئىدىم. ئەمدى ئۇ بلوگمۇ يوق بولدى، مەزكۇر ئۇسلۇبنى ھامىنى ئىشلەتمىگەنكىن ياقتۇرغان ۋە تەلەپ قىلغان بلوگداشلارنىڭ ئىشلىتىشىگە سۇندۇم.

يانفونلارنىڭ ئەقلىيلىشىگە ئەگىشىپ، نۇرغۇنلىرىمىز يانفون ئارقىلىق تورغا چىقىشقا كۆنۈپ كەتتۇق، شۇنداقلا بلوگىمىزغا يانفون ئۇسلۇبى ياساش ئىھتىياجىمىز ئېشىشقا باشلىدى. بۇرۇن «WPtouch قىستۇرمىسى ئۇيغۇرچىلاشتى، ئەمدى ھەر قانداق تېلىفوندا بلوگىمىز پەچچەت چىققۇسى!» ناملىق يازمىمىزدا قىستۇرما ئارقىلىق يانفون ئۇسلۇبى ھاسىل قىلىشنى ئۆگەنگەن بولساق، بۇ قېتىم يانفون ئۇسلۇبىنى ئۆزىمىز ھەل قىلىش ھەققىدە ئىزدىنىپ ئۆتىمىز.

ئۇزاق بوپتىكەن تېخنىكا ئويناپ باقمىغىلى، بلوگداشلارنىڭ قولى قىچىشىپ قالدىغۇ دەيمەن. بۈگۈن مەن بلوگداشلارغا يازمىنىڭ ماۋزۇسىنى باسقاندا ماۋزۇسىنىڭ ئورنىدا «يازما ئېچىلىۋاتىدۇ» دېگەن ئۈنۈمنى قانداق ھاسىل قىلىشنى بىر سۆزلەپ ئۆتەي، ئۈنۈمىنى مۇشۇ يېڭى تۇرادىكى بىرەر يازمىنىڭ تېمىسىنى چىكىپ كۆرۈپ باقسىڭىز بولىدۇ. ئەمىسە يازمىغا مەرھەمەت…

ئىنكاس يېزىش بلوگىلارنىڭ ئۆز-ئارا ئالاقە باغلاشتىكى قورالى، شۇنداقلا ئىنكاس ئارىسىدا چىراي ئىپادىسى قوشۇلسا، چايغا ناۋات سالغاندەكلا ياخشى ئىش. WordPress ئۆزى تەمىنلىگەن چىراي ئىپادىسى بەكلا مەتو، مەن ئۆزۈم ياخشى كۆرگەن چىراي ئىپادىسىنى ئىشلىتىشكە ئامراق، شۇڭا ئۆزۈم شاققىدە بۇرۇنقى چىراي ئىپادىسنىڭ ئورنىغا باشقا چىراي ئىپادىسىنى ئالماشتۇرۇپ قويدۇ. wordpress ئۆزى تەمىنلىگەن چىراي ئىپادىسى 22 تال بولۇپ، بىر-بىرىدىن سەت، بەتبەشىرە…ھا ھا… (چىراي ئىپادىسىنى لايىھەلىگەن كىشى بۇ گېپىمنى كۆرسە قانچە تىللا مېنى)

WordPress نىڭ باشقۇرۇش قىسمىغا بىر قېتىم كىرگەندىن كېيىن، ئادەتتە يەرلىككە بىر دانە Cookie ھۆججىتى ئارقىلىق تىزىملىنىپ كىرىش ئۇچۇرلىرىمىزنى ساقلاپ بېرىدۇ ۋە بۇ ئۇچۇرنىڭ ئۈنۈملۈك ۋاقتى 48 سائەت بولىدۇ. بۇ مەزگىلدە سىز پەقەت تور كۆرگۈنى تاقىمىسىڭىزلا، 48 سائەتكىچە باشقۇرۇش قىسمىدىن چېكىنىپ كەتمەيدۇ. ناۋادا باشقۇرۇش قىسمىغا كىرىدىغان چاغدا، ساقلىۋېلىش دېگەن ئورۇنغا بەلگە ئۇرۇپ قويغان بولسىڭىز، ئۇنداقتا ھەر قېتىم باشقۇرۇش قىسمىغا كىرگەندە پارول سورىمايلا ئاپتوماتىك كىرىسىز، ھەمدە بۇ نىڭ ئۈنۈملۈك ۋاقتى 14 كۈن بولىدۇ، بۇ 14 كۈن توشسا، باشقۇرۇش قىسمىدىن چېكىندۈرۈلىسىز ۋە قايتا كىرىشكە مەجبۇر بولىسىز.

WordPress نىڭ 3.5.1 نەشىرى ئېلان قىلىنغاندىن كېيىن، ئىلگىرىكى نەشىرىدە ئاپتوماتىك قوشۇلىدىغان JS كىرگۈزگۈچ ۋە باشقۇرۇش سۇپىسىنىڭ خەت نۇسخىسى قاتارلىق ئۇچۇرلار ئېلىۋېتىلگەن بولۇپ، WordPress نى بۇ يېڭى نەشىرگە كۆتۈرگەندە گەرچە ئۇيغۇرچە كىرگۈزۈش ھالىتى نورمال بولسىمۇ، بىراق باشقۇرۇش سۇپىسىنىڭ خەت نۇسخىسى نورمال ئۇيغۇرچە كۆرۈنمەيدۇ. ناۋادا WordPress 3.5.1 نى يېڭىدىن قاچىلىساق، ئۇنداقتا فونت ۋە كىرگۈزگۈچ ھەر ئىككىسى چىقىرىپ تاشلانغان. گەرچە بۇ يىراقنى كۆزلىگەندە ئاقىلانە تاللاش بولسىمۇ، بىراق ئۇيغۇرچە كىرگۈزۈش ھالىتى ۋە باشقۇرۇش سۇپىسىنى نورمال ئۇيغۇرچە ئىشلەتكۈسى بار تورداشلار ئۈچۈن ھېچقانداق تاللاش يولى قويۇلمىغان. مەزكۇر قىستۇرما شۇ ئېھتىياج تۈپەيلى ياسالغان بولۇپ، ئېھتىياجى بار تورداشلار چۈشۈرۈپ ئىشلەتسە بولىدۇ.

تورداشلار دائىم مەندىن تۆۋەندىكىدەك بىر قانچە سۇئالنى سورايدۇ:

• نېمىشقا wordpress قا تىزىملاتسام، بلوگىم ماڭا E-mail ئېۋەتمەيدۇ؟
• نېمىشقا مۇناسىۋەتلىك قىستۇرمىلارنى قاچىلىغان بولساممۇ، ئىنكاس يازغانلارغا جاۋاب يازسام E-mail ئېۋەتمەيدۇ؟

ئالدىنقى يازمىمىز «بلوگنى سىپەمدىن قوغداپ قېلىشنىڭ 6 تەدبىرى (1-باب: قىستۇرمىلار بىلەن جەڭگە تەييارلىنىش) »دە بىز قىستۇرمىلارنىڭ ياردىمى ئارقىلىق سىپەملەرنىڭ ئالدىنى ئېلىشنى تونۇشتۇرۇپ ئۆتكەن ھەمدە بىر قەدەر ئۈنۈمگە ئېرىشكەن، ئەمدىلىكتە بىز بۇ يازمىمىزنىڭ ئىككىنچى قىسمى «خاككېر ئېمپىرىيىسى» بابىغا كەلدۇق. بۇ بابدا بىز ئانچە-مۇنچە كود ئويناش ئارقىلىق سىپەملەرنى قىرغىن قىلىشنىڭ تەدبىرلىرى بىلەن تونۇشۇپ چىققۇسىمىز، دىققىتىڭىز يازمىمىزدا بولسۇن!….