دۇبەي ئايروپىلان ۋەقەسىدىكى قازا قىلغۇچىلار 20 مىڭ دوللار تۆلەمگە ئېرىشىدۇ
جۇڭگو خەۋەر تورىنىڭ 3-ئاينىڭ 20-كۈنىدىكى خەۋىرى،
ئامېرىكا «ۋاشىنگىتون كۈندىلىك پوچتا گېزىتى» نىڭ 20-چېسلا خەۋەر قىلىشىچە، دۇبەي ئاۋىئاتسىيە شىركىتى FlyDubai تۈنۈگۈن كەچتە بايانات ئېلان قىلىپ مۇنۇلارنى بىلدۈردى: شەنبە كۈنىدىكى ئايروپىلان چۈشۈپ كېتىش ۋەقەسىدە قازا قىلغان ھەر بىر يولۇچىغا 20 مىڭ ئامېرىكا دوللىرى (تەخمىنەن 73500 دەرھەم) جىددىي ياردەم تۆلىمى بېرىلىدۇ ۋە بۇ ئارقىلىق قازا قىلغۇچىلارنىڭ ئائىلە-تاۋاباتلىرىنىڭ ھازىرقى جىددىي قىيىنچىلىقى ۋاقىتلىق ھەل قىلىنىدۇ.
تۈنۈگۈن دۇبەيدىن ھاۋاغا كۆتۈرۈلگەن رۇسىيە روستوۋ شەھىرى (Rostov-on-Don) گە بارماقچى بولغان دۇبەي ئاۋىئاتسىيە شىركىتى FlyDubai نىڭ بىر يولۇچىلار ئايروپىلانى چۈشۈپ كەتتى، ئايروپىلاندىكى يولۇچىلار ۋە ئايروپىلان خادىملىرىنىڭ ھەممىسى قازا قىلدى. ئىگىلىنىشىچە، ۋەقە يۈز بەرگەن ۋاقىتتا يەر يۈزىدە كۆرۈش ئارلىقى ئانچە ياخشى ئەمەس بولۇپ، ئۇچقۇچى ئۇچۇش-قونۇش سۇپىسىنىڭ ئورنىنى بەلگىلىيەلمەي ئايروپىلان چۈشۈپ كەتكەن.
