بۇ كېسەللىك 40 ياشتىن ئاشقانلاردا كۆپ كۆرۈلىدىغان، كۆپىنچە مىكروپلاردىن يۇقۇملىنىشتىن كۆرۈلىدىغان مەزى بېزىنىڭ يىرىڭلىق ئىششىق كېسەللىكىدىن ئىبارەت. 

سەۋەبى: كۆپىنچە مىكروپلاردىن يۇقۇملىنىشتىن كېلىپ چىقىدۇ، ئۇنىڭدىن باشقا ئارقا سۈيدۈك يولى ياللۇغى، ئۆتكۈر مەزى بېزى ياللۇغى سەۋەبىدىنمۇ كۆرۈلىدۇ. 

ئالامىتى: بىماردا قىزىش، سىيىش قېتىم سانى كۆپىيىش، سۈيدۈك راۋان بولماسلىق، ھەتتا سىيەلمەسلىك، چات ئارىلىقى، دوۋسۇن سۆڭەك ئۈستى، بەل ۋە سوڭى قوشۇلۇپ ئاغرىش، چوڭ تەرەت قىلغاندا ئاغرىشتەك ئالامەتلەر كۆرۈلىدۇ. بۇ كۆپىنچە سۈيدۈك يولىنىڭ تارىيىشى ۋە قوشۇمچە ئۇرۇقداننىڭ ياللۇغلىنىشى بىلەن بىرلىكتە كېلىدۇ. 

داۋالاش پىرىنسىپى: سۈيدۈك ھەيدىگۈچى، ياللۇغ قايتۇرغۇچى، جاراھەت پۈتتۈرگۈچى، يىرىڭنى تازىلىغۇچى، قۇۋۋەتلىگۈچى دورىلار بىلەن داۋالاش ئېلىپ بېرىلىدۇ. 

دىققەت قىلىدىغان ئىشلار: غىدىقلىغۇچى يەللىك يېمەكلىكلەردىن، مۇچ، ئاچچىقسۇ، ياڭيۇ، غولپىياز، شاراب، كالا گۆشى قاتارلىقلاردىن پەرھىز قىلىنىدۇ. پىيادە يولنى كۆپ مېڭىپ بېرىش، كۆپ ئولتۇرۋالماسلىق كېرەك. توڭلاتقۇغا سالغان سوغۇق سۇنى قەتئىي ئىچمەسلىك كېرەك. قوغۇن يېمەسلىك كېرەك.