مەزى بېزى سۇيۇقلۇقى نورمال بولسا، سۈت رەڭ، تۇخۇمنىڭ ئېقىدەك پارقىراق بولىدۇ. مەزى بېزى ياللۇغلانغاندا، زور يۇتقۇچى ھۈجەيرىلەر ياغنىڭ كۆپ قىسمىنى يۇتۇۋېلىپ، مەزى بېزى سۇيۇقلۇقىدىكى لېتىستىننى ئازايتىۋېتىدۇ ياكى يوقىتىۋېتىدۇ، بۇنىڭ بىلەن مەزى بېزى سۇيۇقلۇقىنىڭ رەڭگى سارغۇچ، دۇغلاشقان بولىدۇ ياكى ئۇنىڭدا پاختىسىمان نەرسىلەر پەيدا بولىدۇ. ئادەتتە ياللۇغ پەيدا بولغاندا ھەر بىر ھەسسىلەندۈرۈلگەن نۇقتىدىكى ئاق قان ھۈجەيرىسىنىڭ سانى 10 دىن چوڭ بولىدۇ دەپ قارىلىدۇ. مەزى بېزى سۇيۇقلۇقىنى مازوكقا سۈركەپ گرام رەڭگىنى تەكشۈرسە، دىئاگنوز قويۇشقا ياردەم بېرىدىغان ياللۇغلاندۇرغۇچى باكتېرىيىنى تاپقىلى بولىدۇ، بۇ باكتېرىيىنى بېقىپ كۆپەيتكەندىن كېيىنمۇ دىئاگنوز قويۇشقا ياردىمى بولىدۇ، ئامما ئۇنىڭ مۇسبەت چىقىش نىسبىتى ناھايىتى تۆۋەن بولىدۇ.
شىنجاڭ ساغلاملىق تورى: www.saglamlik.com تور بېتىمىزدىكى ساغلاملىق بىلىملىرىنى باشقا تور بەتلەرگە كۆچۈرۈپ ئىشلىتىشكە قەتئىي روخسەت قىلىنمايدۇ. ئەمگىكىمىزگە ھۆرمەت قىلىڭ.