ئىرىڭىزنى چۈشىنىڭ، ئەپچىللىك بىلەن …

ئائىلىگە كۆڭۈل بۆلۈشتە ئەرلەر ئاياللار بىلەن ئوخشاش ئورۇندا تۇرىدۇ . ئەمما ھەرقانداق ئەردە ‹‹ مەن ئائىلىمىزنىڭ تۈۋرۈكى››دەيدىغان قانائەت تۇيغۇسى بولىدۇ . شۇڭا ، ئەقىللىق ئاياللار ئېرىنىڭ بۇنداق پىسخىكىسىنى تولۇق چۈشىنىشى كېرەك .

مەسىلەن ، ئۆيگە بىرەر يېڭى ئۆي سايمىنى سېتىۋالماقچى بولغاندا ، ئېرىڭىز بىلەن ئەستايىدىل مەسلىھەتلىشىپ ، تەڭ قارار چىقىرىڭ . يەنە مەسىلەن ، ئەگەر ئېرىڭىز تاماقنى ئۆزى ئەتمەكچى بولسا ، يەكشەنبە كۈنىدە ئاشخانىنى بىكارلاپ بېرىڭ . گەرچە ئېرىڭىز قاچا-قۇچىلارنى يۇيماي ، سىزگە تاشلاپ بەرگەن تەقدىردىمۇ ، شۇنداق قىلىڭ .

ئەگەر ئېرىڭىز يۇقىرقىدەك قانائەت تۇيغۇسىغا ئېرىشەلمىسە ، ئائىلە تۇرمۇشىڭلارنىڭ ئىناق بولۇشىدىن سۆز ئاچقىلى بولمايدۇ . بۇنداق ئەھۋالنى تۆۋەندىكى مىسالدىن كۆرۈۋېلىشقا بولىدۇ.
بىر ئايال ئاز چىقىم بىلەن ئۆي بىزەشكە ناھايىتى ئۇستا ئىكەن . ئۇ راھەت بېزەكلەر ، نەپىس ، نازۇك قاچا – قۇچىلار بىلەن ئۆينى ناھايىتى ياخشى ياساپ چىقىپتۇ . لېكىن ئېرى ئۇششاق ئىشلار بىلەن كارى يوق مەنمەنچى ئەر ئىكەن . ئەر بۇنداق ئۆي بېزەشكە زادىلا كۆنەلمەپتۇ . شۇنىڭ بىلەن دوستلىرى ۋە خىزمەتداشلىرى بىلەن سىرتتا يۈرۈيدىغان بولۇپ قاپتۇ . ئەر – خوتۇن مۇناسىۋىتى بىلىپ –بىلمەي ياتلىشىشقا باشلاپتۇ . لېكىن بۇ ئايال سەۋەبنى ئۆزىدىن ئىزدىمەي ، ئېرىنى ئەيىپلەپ يۈرۈپتۇ . ئاقىۋەتتە ئىككەيلەن ئامالسىز ئايرىلىپ كېتىپتۇ .

ئائىلە ئىككەيلەن ئورتاق دەم ئالىدىغان جاي . ئەقىللىق ئايال ئېرىنى ئۆز ئۆيىدە پادىشاھتەك ‹‹ ھېس قىلدۇرۇپ ›› ، ئائىلىسى ئۈچۈن تېخىمۇ چوڭ تۆھپە قوشۇش ئىمكانىيتىگە ئىگە قىلالايدۇ .

ھېكىمەت

ئوخشاش بىر ئېرىقتىكى سۇنى بەزىلەر ئالتۇن كاسسىدا، بەزىلەر ساپال قاچىدا ئۇسسۇپ ئىچىدۇ. ئالتۇن كاسسىمۇ، ساپال قاچىسىمۇ يوق كىشىلەر قوللىرىدا ئوچۇملاپ ئىچىدۇ. سۇدا ھېچقانداق پەرق يوق، ئۇنىڭدىكى پەرق سۇ ئۇسىدىغان قاچىدا...

يازما ھوقۇقى: تۇرمۇش خاتىرىسى
يازما ئادىرىسى: ../?p=514