بىـلـوگ

ئەسسلامۇ ئەلەيكۈم قېرىنداشلار!

2012 – يىلنىڭ كىرىشى بىلەن توردىكى بىر قانچە يىللىق زىيارەتلىرىم جەريانىدا ئۈگەنگەن، بىلگەنلىرىم ئاساسىدا تور دۇنياسىدىكى كىچىككىنە مەھەللەم “ تۇرمۇش خاتىرىسى ”نى ئوڭۇشلۇق قورۇۋالدىم. ئىنسان تۇرمۇشتا نۇرغۇن ئىسسىق – سوغۇقلارنى باشتىن كەچۈرۈپ، ئۆز سەرگۈزەشتىلىرىدىن قىممەتلىك ھىكمەت – خۇلاسىلەرنى جەۋھەرلەپ، ھاياتلىقنىڭ “ ئادەم بولماقلىق “ تىن ئىبارەت بۇ قامۇسىغا بىر جۈملە قوشىدۇ. ئەجدادلىرىمىز قالدۇرغان ھاياتلىق ھەققىدىكى ئىسىل مىراسلىرىمىز تارىخى دەۋىرلەردىن تارتىپ تاكى بۈگۈنگە قەدەر كۆز چاقنىتىپ تۇرمۇش يولىمىزغا نۇر چىچىپ، يۇرۇتۇپ كىلىۋاتقان بولسىمۇ، ئەمما جەمئىيىتىمىزدە ئۆز تۇرمۇش يولىنى توغرا باسالماي، غەم – قايغۇ ئىچىدە زارلىنىۋاتقان، ئۈمىدسىزلىك پاتقىقىدىن يۇلقۇنۇپ چىقالماي، ياشلىق باھارىنى خازان قىلىۋاتقان، تۇرمۇشنىڭ رەڭگارەڭ تۇمانلىرى ئارىسىدا قايمۇقۇپ ھاياتقا ئۆچمەنلىك بىلەن قارايدىغان، ئۆز روھىيىتىدىكى زىدىيەتلەرنىڭ چىگىشىنى يىشەلمەي، “ پىتنىڭ ئاچچىقىدا چاپاننى ئوتقا سىلىۋاتقان “ كۆرۈنۈشلەر ھىلىھەم مەۋجۈت.  بۇ كىچىككىنە خاتىرەم ئارقىلىق تۇرمۇش ھەققىدىكى ئاددى قاراشلىرىم، جەمئىيەت توغرىسىدىكى يۈزەكى كۈزىتىشلىرىم ئاساسىدا تورداشلار بىلەن مۇڭدىشىپ، پىكىرلىشىپ، سىردىشىپ خۇشاللىققا ھەمدەم، غەم – قايغۇلارغا تەسەللى، مۈشكۈللىرىگە ئاسانچىلىق، يالغۇزلۇققا ھەمرا بولىسام دىگەن ئۈمىددىمەن. تورداشلارنىڭ قوللاپ – قۇۋەتلىشىنى ئۈمىد قىلىمەن.

ھېكىمەت

ئوخشاش بىر ئېرىقتىكى سۇنى بەزىلەر ئالتۇن كاسسىدا، بەزىلەر ساپال قاچىدا ئۇسسۇپ ئىچىدۇ. ئالتۇن كاسسىمۇ، ساپال قاچىسىمۇ يوق كىشىلەر قوللىرىدا ئوچۇملاپ ئىچىدۇ. سۇدا ھېچقانداق پەرق يوق، ئۇنىڭدىكى پەرق سۇ ئۇسىدىغان قاچىدا...

يازما ھوقۇقى: تۇرمۇش خاتىرىسى
يازما ئادىرىسى: ../?page_id=13