يانفون ساھەسىنىڭ كەسكىن رىقابەت مۇھىتىدە، يانفون زاۋۇتى ياخشى سېتىش مىقدارى ياراتماقچى بولسا قاتتىق دىتال سەپلىمىسى بىر مەسىلە بولىدۇ، پاسونى يەنە بىر مەسىلە بولىدۇ، يېقىندا بىر تورداش سۈزۈك Lumia ئەقلىيفونى (Nokia Transparent Phone) نى لاھىيەلىگەن، پۈتۈن قىياپىتى Lumia بىلەن ئوخشاش.

         بۇ ئۇقۇم يانفونى قوش يۈزلۈك ئېكران ئىشلەتكەن، قاتتىق دىتال ئاساسسىزلا يوقاپ كەتمەيدىغانلىقتىن، باتارىيە قاتارلىق قاتتىق دىتال ئېكراننىڭ ئاستىغا ئورنىتىلغان، تېلكامېرا قاتارلىق قاتتىق دىتال ئېكراننىڭ ئۈستىگە ئورنىتىلغان، يانفوننىڭ چوققىسىدا تىڭشىغۇچ چېتىش ئېغىزى ۋە SIM چېتىش ئېغىزى بار، ئاستى قىسىمىدا پەقەت بىر دانە USB ئېغىز بار.

        يان تەرەپتە توك مەنبەسى كۇنۇپكىسى بار، ئاستىدا سۈرەتكە تارتىش كۇنۇپكىسى بار، يانفوننىڭ كۆرسىتىش ئېكرانى 3.7 دىيۇم، يانفوننىڭ ئۇزۇنلۇقى 120 مىللىمېتىر، كەڭلىكى 60 مىللىمېتىر، قېلىنلىقى 10 مىللىمېتىر، قاتتىق دىتالى 1GHz لىق قوش يادرولۇق مەركىزى بىرتەرەپ قىلغۇچ، 1GB لىك ئىچكى ساقلىغۇچ، 16GB/32GB/64GB لىك تاللىغىلى بولىدىغان ئىچكى ساقلىغۇچنى ئۆز ئىچىگە ئالىدۇ.

        بۇندىن سىرت، ئىككىنچى ئەۋلاد pureview تېخنىكىسىدىكى 41 مىلىيون پېكسىللىق كامېرا ئىشلەتكەن. ئالدى تېلكامېرا 2 مىلىيون پېكسىللىق يۇقىرى سۈزۈكلۈكتىكى كامېرا، مەشغۇلات سىستېمىسى Windows Phone 8، ۋىن 10 غا دەرىجە كۆتۈرگىلى بولىدىغان-بولمايدىغانلىقى توغرىسىدا مىكروسوفىتنىڭ ئۇچۇرىنى ساقلاشقا توغرا كېلىدۇ. بۇ خىل ئۇقۇم يانفونىنى قىياپىتى ئىنتايىن يېڭى، تەسەۋۋۇرى ئىنتايىن دادىل دېيىشكەن بولىدۇ.