خەلقئارا يېزىلىقلىق تېلېگرامما ئاخبارات ئاگېنتلىقىنىڭ خەۋىرىگە ئاساسلانغاندا، ئامېرىكىدىكى ئەڭ يېڭى تەتقىقاتلاردا بايقىلىشىچە، %70~%90 راك كېسىلى مۇھىت ئامىلى ياكى ناچار تۇرمۇش ئادىتى سەۋەبىدىن كېلىپ چىقىدىكەن، بۇلار تاماكا چېكىش، ھاراق ئىچىش، ھەددىدىن ئارتۇق ئاپتاپقا قاقلىنىش، مۇھىت بۇلغىنىشى ۋە بىر قىسىم ئېىنقسىز ئامىللارنى ئۆز ئىچىگە ئالىدىكەن. ئۇزۇن گەپنىڭ قىسقىسى، تۇرمۇش ئادىتىنى ئۆزگەرتىش ئارقىلىق كۆپلىگەن راك كېسىلىنىڭ ئالدىنى ئالغىلى بولىدىكەن.

      ئامېرىكا خوپكىنىس ئۇنىۋېرسىتېتىنىڭ بۇ يىل 1- ئايدا ئېلىپ بارغان تەتقىقاتىدىن بايقىلىشىچە، %65 راك كېىسى ئىرسىيە ماددىسى سەۋەبىدىن كېلىپ چىقىدىكەن، بەدەننىڭ قېرىشىغا ئەگىشىپ، ھۈجەيرىدىكى ئېرسىيەت ماددىسى DNA دىن ئايرىلىپ چىقىش جەريانىدا خاتالىق كۆرۈلگەنلىكتىن راك كېسىلى پەيدا بولىدىكەن.

     ئەمما ستونى بۇرۇك ئۇنىۋرسىتېتى راك كسەللىكى تەتقىقات مەركىزىنىڭ تەتقىقات ئۆمىكىدىكىلەر يېقىندا « تەبىئەت » ھەپتىلىك ژۇرنىلىدا تەتقىقات نەتىجىسىنى ئېلان قىلغان بولۇپ، ئۇلار كومپيۇتېردا تەقلىد قىلىش، نوپۇس سانلىق مەلۇماتى ۋە ئېرسىيەت تەھلىلى قاتارلىق ئۇسۇللار ئارقىلىق راك كېسەللىكىنى پەيدا قىلىدىغان ئامىللارنى ئۈستىدە ئىزدەنگەن، نەتىجىدە پەقەت %10~%30 راك كېسىلىنىڭ ئىرسىيەت ئامىلى سەۋەبىدىن پەيدا بولىدىغانلىقى بايقالغان بولۇپ، بۇندىن ئىلگىرىكى تەتقىقات نەتىجىلىرى بىلەن قارمۇ-قارشى چىققان.