1.   زۇكامنى داۋالاش. باشبارماق چوڭلۇقتىكى بىر پارچە زەنجىۋىلنى سۇدا قاينىتىپ، تېمپېراتۇرىسى مۇۋاپىق ھالەتكە (تەخمىنەن 40 سىلسىيە گرادوس ئەتراپىغا) يەتكەندە پۇتنى چىلاپ بەرسە زۇكامنىڭ تېخىمۇ ئېغىرلىشىپ كېتىشىنىڭ ئۈنۈملۈك ئالدىنى ئالغىلى بولىدۇ. بۇنىڭدىن باشقا يەنە بەدەندىكى سوغۇقنى ھەيدەپ بەدەننى ئىسىق تۇتقىلى ۋە زۇكامنىڭ ئالدىنى ئالغىلى بولىدۇ.2.   رېماتىزىمنى داۋالاش. كۈندە كەچتە پۇتنى زەنجىۋىل سۈيىگە يېرىم سائەتتىن چىلاپ بەرگەندە، سوغۇق ۋە نەملىكتىن بولغان رېماتىزىملىق بوغۇم ياللۇغىنىڭ ئۈنۈملۈك ھالدا داۋالىغىلى ياكى بىمارنىڭ ئاغرىق ئازابىنى كۆرنەرلىك يەڭگىللەتكىلى بولىدۇ. پۇتنى چىلىغاندا پاقالچاقنىمۇ قوشۇپ چىلىسا ئۈنۈمى تېخىمۇ ياخشى بولىدۇ.

3.   پۇت- قول مۇزلاشنى داۋالاش. پۇت- قوللارنىڭ مۇزلىشى ئاساسلىقى بەدەندىكى قان بىلەن تەمىنلەشنىڭ بەدەننىڭ ئاخىرقى ئۇچلىرىغىچە بارالمىغانلىقىدىن بولىدۇ. پۇتنى زەنجىۋىل سۈيىگە مۇۋاپىق چىلاپ بەرگەندە بەدەندىكى قان ئايلىنىشنى ئىلگىرى سۈرۈپ، پۇت- قول مۇزلاشنى ئۈنۈملۈك ياخشىلىغىلى بولىدۇ.

4.   ئۇيقۇنى ياخشىلاش. زەنجىۋىل سۈيىگە چىلىغان چاغدا مۇۋاپىق مىقداردا قارا ئاچچىقسۇ قوشۇۋەتسە، پۇت ئالقىنىدىكى پەللىلەرنى ناھايىتى ياخشى غىدىقلاپ مېتابولىزىمنى كۈچەيتدۇ، شۇنىڭ بىلەن بىر ۋاقىتتا ھارغىنلىقنى يوقىتىپ، ئۇيقۇ سۈپۈتىنى ياخشىلايدۇ.

5.   بۆرەكنى ئاسراش. پۇتنى زەنجىۋىل سۈيىگە چىلاپ بەرگەندە قان ئايلىنىشنى ئىلگىرى سۈرۈپ قان يېتىشمەسلىكنى ياخشىلايدۇ، ئۇنى بۆرەك قۇۋۋەتلەش يېمەكلىكلىرىگە ماسلاشتۇرۇلسا بۆرەكنى ئىللىتىش ۋە قۇۋۋەتلەشنى ئىلگىرى سۈرۈش رولىغا ئىگە بولىدۇ.

6.   قېرىشنى كېچىكتۈرۈش. بۆرەك ئاجىزلاشسا ئادەم تېز قېرىپ كېتىدۇ، پۇتنى زەنجىۋىل سۈيىگە چىلاپ بەرگەندە قان ئايلىنىشنى ئىلگىرى سۈرۈپ، بۆرەكنى ئاسراپ، قېرىشنى كېچىكتۈرگىلى بولىدۇ.