كورىيە بىرلەشمە ئاگېنتلىقىنىڭ 22-دېكابىردىكى خەۋىرىگە قارىغاندا، 2016-يىلى بولسا چاۋشيەننىڭ ئەڭ ئالىي رەھبىرى كىم جۇڭئۇن ھاكىمىيەت يۈرگۈزۈۋاتقىلى بەش يىل بولغان ۋاقىت بولۇپ، لېكىن چاۋشيەننىڭ 2016-يىلىدىكى كالېندارىدىن قارىغاندا، كىم جۇڭئۇننىڭ تۇغۇلغان كۈنى يەنى 1-ئاينىڭ 8-كۈنى نورمال خىزمەت كۈنى قاتارىدا قارىلىپ، ۋاقتىنچە دۆلەت خاتىرە كۈنى قىلىپ بېكىتىلمىگەن.    ئۆتكەن يىلىنىڭ بېشىدا چاۋشيەن تاراتقۇلىرى كىم جۇڭئۇننىڭ تۇغۇلغان كۈنىنىڭ 1-ئاينىڭ 8-كۈنى ئىكەنلىكىنى سىرتقا ئاشكارىلىغان. كىم جۇڭئۇننىڭ بوۋىسى يەنى چاۋشيەننىڭ تۇنجى رەھبىرى كىم ئېرسىننىڭ تۇغۇلغان كۈنى (4-ئاينىڭ 15-كۈنى) بىلەن كىم جۇڭئۇننىڭ دادىسى يەنى چاۋشيەننىڭ ئىككىنچى رەھبىرى كىم جۇڭئېلنىڭ تۇغۇلغان كۈنى (2-ئاينىڭ 16-كۈنى) قاتارلىقلار ئاللىقاچان چاۋشيەن دۆلىتىنىڭ خاتىرە كۈنى قىلىپ بېكىتىلگەن. شۇڭلاشقا سىرتقى ساھەدىكىلەر كىم جۇڭئۇننىڭ تۇغۇلغان كۈنىنىڭ زادى قاچان دۆلەت خاتىرە كۈنى قىلىپ بېكىتىلىدىغانلىقىغا ئىنتايىن كۆڭۈل بۆلىدۇ.