ۋاڭيى تورى خەۋىرى، نۇر تورى تەرجىمىسى:

سامسۇڭ شاڭخەيدە يېڭى مەھسۇلات ئېلان قىلىش يىغىنى ئۆتكۈزۈپ، سامسۇڭ S7/S7 Edge نىڭ جۇڭگو نۇسخىسىنى رەسمىي چىقاردى. باشقا نۇسخىسى بىلەن ئوخشىمايدىغىنى، جۇڭگو نۇسخا سامسۇڭ S7/S7 Edge نىڭ ئالدى يۈزىدە سامسۇڭنىڭ لوگوسى يوق، بۇ سامسۇڭنىڭ لوگوسىنى ياقتۇرىدىغان بىر قىسىم تورداشلارنى ئۈمىدسىزلەندۈردى.

بىراق ئەقىللىق تورداشلار بۇرۇنلا سامسۇڭ S7 نىڭ ئالدى يۈزىنى بۇزىۋەتتى. مەسلەن سامسۇڭ s7 گە چاپلاق چاپلىغان تورداش PS ئىشلىتىپ، لوگو پەردىسى چاپلاش قاتارلىق ئۇسۇلنى قوللىنىپ، سامسۇڭ يانفونىنى باشقا ماركىدىكى يانفونغا ئۆزگەرتىۋەتتى.

سامسۇڭ S7 دە 5.1 دىيۇملۇق 2K AMOLED ئېكران ئىشلىتىلگەن، سىنەپدراگون 820 مەركىزى بىر تەرەپ قىلغۇچى سەپلەنگەن، ئىچىگە LPDDR4 4GB RAM+32GB/64GB ROM ساقلاش گۇرۇپپىسى ئورۇنلاشتۇرۇلغان، 3000mAh باتارىيە ماسلاشتۇرۇلغان ھەمدە 12 مىليون پېكسىللىق Dual Pixel ئېكران، f/1.7 لىك چوڭ نۇر ھالقىسى ئىشلەتكەن، يەككە پېكسىلنىڭ رازمىرى 1.4μm، ئالدى تېلكامېرا 5 مىليون پېكسىللىق. سامسۇڭ S7 Edge دا 5.5 دىيۇملۇق 2K AMOLED ئەگرى يۈزلۈك ئېكران ئىشلىتىلگەن، سىنەپدراگون 820 مەركىزى بىر تەرەپ قىلغۇچى سەپلەنگەن، باتارىيە سىغىمى 3600mAh، باشقا تەرەپتىكى سەپلىمىسى سامسۇڭ S7 بىلەن بىردەك.

بۇنىڭدىن سىرت، ئىككى نۇسخا يانفونغا ئاندرويىد 6.0 سىستېمىسى سەپلەنگەن، باھاسى 4888 يۈەن ۋە 5688 يۈەن. 11-مارت زاكاس قوبۇل قىلىدۇ ھەمدە 18-مارت رەسمىي سېتىلىدۇ.