جۇڭگو ئاخبارات تورى خەۋىرى، باغداش تورى تەرجىمىسى:

ئەقلى ئىقتىدارلىق تېلېفۇننىڭ كەڭ ئومۇملىشىشىغا ئەگىشىپ، باش بارماق ئارقىلىق خەت ئۇرۇپ ئۇچۇر يوللاش، كۆرسەتكۈچ بارماق ۋە ئوتتۇرا بارماق بىلەن ئېكراننى سۈرۈپ تېلېفۇن ئويناشتىن ئىبارەت بۇ ئىشلار نۇرغۇن كىشىلەرنىڭ ئەڭ جىق قىلىدىغان كۈندىلىك ھەرىكىتىگە ئايلىنىپ قالدى. شىۋىتسارىيەدىكى بىر تەتقىقات مەركىزىنىڭ تەتقىقاتىدا دېيىلىشىچە، دائىم ئەقلى ئىقتىدارلىق تېلېفۇن ئىشلەتكەندە چوڭ مېڭىنىڭ بىر تەرەپ قىلىش سەزگۈسى قىسمىدا كۈچلۈك «بەلگە» قېلىپ قالىدىكەن.

زۇرىچ ئۇنۋىرىستىتىنىڭ تەتقىقات خادىملىرى ئامېرىكا «ھازىرقى زامان بىئولوگىيە ئىلمى» يىغىنىدا دوكلات بېرىپ مۇنداق دېدى: بۇنىڭ ئالدىدىكى چوڭ مېڭىگە ئائىت تەتقىقاتلار ئاساسلىق بىر قىسىم مەخسۇس كىشىلەر توپىغا قارتا ئېلىپ بېرىلغان. مەسىلەن: ئىسكىرىپكا چالىدىغان سەنئەتكارنىڭ چوڭ مېڭىسىدە بارماقلارنىڭ ھەرىكىتىنى كونترول قىلىدىغان دائىرە ئادەتتىكى كىشىلەرنىڭكىگە قارىغاندا چوڭ بولىدۇ. ئەقلى ئىقتىدارلىق تېلېفۇننىڭ كۈنسىرى ئومۇملىشىشى كۈندىلىك تۇرمۇشنىڭ ئادەتتىكى كىشىلەرنىڭ چوڭ مېڭىسىگە بولغان تەسىرىنى بىلىش ئۈچۈن ئادەتتىن تاشقىرى بولغان پۈرسەتلەرنى يارىتىپ بەردى.

تەتقىقاتچىلار 26 نەپەر ئەقلى ئىقتىدارلىق تېلېفۇن ئىشلەتكۈچى ئابۇنىت ۋە 11 نەپەر ئەنئەنىۋى تېلېفۇن ئىشلەتكۈچى ئابونتلارنىڭ باش بارمىقى، كۆرسەتكۈچ بارماق ۋە ئوتتۇرا بارماقلىرىغا قارتا 1250 قېتىم غىدىقلاش ئېلىپ بارغان ھەمدە ئۇلارنىڭ چوڭ مىڭە ھەرىكىتىنى خاتىرىلىگەن. ئارقىدىن سىناق نەتىجىسىنى 10 ئىچىدە تېلېفۇن ئىشلەت خاتىرىسى بىلەن سېلىشتۇرۇپ تەھلىل ئېلىپ بارغان.

نەتىجىسىدە كۆرسىتىلىشچە، چوڭ ئېكرانلىق تېلېفۇن ئىشلەتمەيدىغان كىشىلەرگە سېلىشتۇرغاندا ئەقلى ئىقتىدارلىق تېلېفۇن ئىشلىتىدىغان ئابونتلارنىڭ بەدەن سەزگۈسى بىلەن مۇناسىۋەتلىك بولغان مىڭە تىرە ھەرىكىتى پەۋقۇلئاددە كۈچلۈك بولغان، ھەمدە بارماقلارنىڭ ھەرىكەت سەزگۈسىنى بىرتەرەپ قىلىدىغان چوڭ مىڭە قىسمى كۈچىيىپ كەتكەن.

تەتقىقاتقا مەسئۇل كىشى ئارك گاۋىس مۇنۇلارنى بىلدۈردى: ئەقلى ئىقتىدارلىق تېلېفۇننى ئىشلىتىشنىڭ كۆپىيىشىگە ئەگىشىپ چوڭ مېڭىنىڭ بەدەن سەزگۈسىنى باشقۇرىدىغان چوڭ مىڭە تىرە قىسىمىنىڭ ھەرىكىتىمۇ بارغانسېرى كۈچىيىپ كېتىدۇ، دەل مۇشۇنداق كۆپ بولغان سېزىم ھەرىكىتى ئەڭ ئاخىرىدا چوڭ مېڭىنىڭ بارماقلارنىڭ ھەرىكىتىنى كونترول قىلىدىغان ئۇسۇلىنى ئۆزگەرتىۋېتىشى مۇمكىن. ئۇ يەنە مۇنداق دېدى: بىزنىڭ قارىشىمىزچە، ھازىرقى زامان كىشىلىرىنىڭ چوڭ مىڭە تىرە قىسىمىنىڭ بىر تەرەپ قىلىش ئۇسۇلى رەقەملىك تېخنىكا تەرىپىدىن داۋاملىق ئۆزگەرتىلىپ ماڭماقتا.

ئۇنداقتا بۇ خىل ئۆزگىرىشنىڭ ئىنسانلارغا نىسبەتەن پايدىسى بارمۇ ياكى زىيىنىمۇ؟ گاۋىس مۇنداق دېدى: بۇنىڭغا نىسبەتەن يامان خەۋەرلەرمۇ ئاز ئەمەس، مەسىلەن بەزى ئىسپاتلاردا كۆرسىتىلىشچە، ئەقلى ئىقتىدارلىق تىلىفۇننى زىيادە كۆپ ئىشلەتكەندە بەلكىم ھەرىكەت ئىقتىدارىنىڭ توسالغۇغا ئۇچرىشى ھەمدە ئاستا خاراكتېرلىك ئاغرىق قاتارلىق كېسەللىكلەر كېلىپ چىقىشى مۇمكىن ئىكەن. بەزى تەتقىقات خادىملىرىنىڭ قارىشىچە، ئەقلى ئىقتىدارلىق تېلېفۇننى كۆپ ئىشلەتكەندە ئادەمنىڭ ئەستە تۇرۇش قابىلىيىتى تۆۋەنلەپ كېتىدىغان، دىققىتىنى يىغالماسلىق قاتارلىقلارغا ئوخشاش مەسىلىلەر كېلىپ چىقىدىكەن