جۇڭگو خەۋەر تورىنىڭ 3-ئاينىڭ 24-كۈنىدىكى خەۋىرى، نۇر تورى تەرجىمىسى: ئامېرىكا «ۋاشىنگىتون كۈندىلىك پوچتا گېزىتى» نىڭ 24-چېسلا خەۋەر قىلىشىچە، ئاۋستىرالىيەدىكى 16 ياشلىق بىر قىز ئوقۇغۇچى Western Union يۇمتالى ئارقىلىق سۈرىيە چېگرىسى ئىچىدىكى «ئىسلام دۆلىتى» گە 10 مىڭ دوللاردىن كۆپرەك پۇل ئەۋەتىپ بەرگەن بولۇپ، تېررورچىلارغا ئىقتىسادى ياردەم بېرىش جىنايىتى بىلەن ئەيىبلەندى، ئۇ ئەڭ كۆپ بولغاندا 25 يىللىق مۇددەتلىك قاماق جازاسىغا ھۆكۈم قىلىنىدۇ. خەۋەردە دېيىلىشىچە، بۇ قىزنىڭ يەنە بىر ئەر ھەمراھى بار بولۇپ، بۇ يىل 20 ياش، ئىسمى مىلاد ئاتاي (Milad Atai) بولۇپ، 2014-يىلى 9-ئايدا ئاۋستىرالىيە ساقچىلىرى تەرىپىدىن تېررورلۇققا زەربە بېرىش ھەركىتىدە بىر قېتىم قولغا ئېلىنغان.خەۋەر قىلىنىشىچە، تېررورچىلارغا بەرگەن پۇلنى مىلاد ئاتاي تەمىنلىگەن، ئاندىن مەزكۇر قىزغا پۇلنى يەتكۈزۈپ بېرىشنى تاپىلىغان. ئۇلار سەيشەنبە كۈنى (22-چېسلا) قولغا ئېلىنغان ۋاقىتتا، بىللە باغچىدا ئايلىنىۋاتقان بولۇپ، پۇلنى شۇ كۈنى قانداق يەتكۈزۈپ بېرىشنى مەسلىھەتلىشىۋاتقان ئىكەن. ئىگىلىنىشىچە، ئۇلار بىر قەدەر مۇرەككەپ يوللار ئارقىلىق، ئاخىرى پۇلنى تېررورچىلارغا ئەۋەتىپ بەرگەن. ئاۋستىرالىيە رادىئو شىركىتىنىڭ خەۋەر قىلىشىچە، مىلاد ئاتاينى ساقچىلار تەكشۈرىۋاتقان بولۇپ، ساقچىلار ئۇنىڭ 2015-يىلى جۇڭگولۇق ساقچى كۇتىس چېڭ (Curtis Cheng) نى ئۆلتۈرۈش دىلوسى بىلەن مۇناسىۋەتلىك دەپ گۇمانلاندى. ئاۋستىرالىيە ساقچى دائىرىلىرى مۇنۇلارنى بىلدۈردى، رادىكال ئۇنسۇرلار ھازىر ئاۋستىرالىيە ياشلىرىنى ئۆز نىشانىغا ئايلاندۇردى، ئۇلار ياشلاردىن پايدىلىنىپ ۋەقە تۇغدۇرىۋاتىدۇ.