جۇڭگو ئاخبارات تورى خەۋىرى، نۇر تورى تەرجىمىسى:

فىرانسىيە ئاخبارات ئاگېنىتلىقىنىڭ خەۋىرىگە قارىغاندا، شۇ يەر ۋاقتى 24-چىسلا يېڭى زىنلاندىيە دائىرلىرى ئېلان قىلغان دۆلەت بايرىقىنى ئۆزگەرتىش-ئۆزگەرتمەسىلىكنى ئاۋازغا قويۇشنىڭ دەسلەپكى سىتاتىستىكا نەتىجىسىدە مەلۇم بولۇشىچە، يېرىمدىن كۆپ يېڭى زىنلاندىيە خەلقى دۆلەت بايرىقىنى ئۆزگەرتىشنى قوللىمايدىكەن.

خەۋەردە دېيىلىشچە، ئومۇمىي ئاۋازغا قويۇش كومىتېتىنىڭ بېلەت ھېسابلاش نەتىجىسىدە كۆرسىتىلىشچە، %56.1 ئامما يېڭى زىنلاندىيە ئەسلىدىكى دۆلەت بايرىقىدىكى رەسىم نۇسخىلىرىنى ساقلاپ قېلىش كېرەك، دەپ قارىغان؛ يەنە %43.16 ئامما دۆلەت بايرىقىدىكى رەسىم نۇسخىسىنى كۈمۈش سارچى يوپۇرمىقى شەكلىدىكى رەسىم نۇسخىسىغا ئۆزگەرتىش كېرەك دەپ قارىغان.

خەۋەردە كۆرسىتىلىشچە، بۇلتۇر 11-ئاينىڭ 20-كۈنىدىن باشلاپ، يېڭى زېلاندىيە مۆھلىتى بىر ئاي بولغان تۇنجى ئومۇمىي ئاۋازغا قويۇش پائالىيىتى ئۆتكۈزگەن ھەمدە ئەڭ ئاخىرىدا بەش خىل دۆلەت بايرىقى لايىھەسى دۆلەت بايرىقى نامزاتىغا تاللانغان. «يېڭى زىنلاندىيە ئاۋانگارت گېزىتى»نىڭ بۇنىڭدىن بۇرۇنقى خەۋىرىگە قارىغاندا، نامزاتلىققا تاللانغان دۆلەت بايرىقىنىڭ ئاساسلىق رەڭگى قارا، كۆك، ئاق رەڭدىن تەشكىل تاپقان، ئوتتۇرا قىسمى بولسا يېڭى زېلاندىيە ئالاھىدىلىكىگە ئىگە كۈمۈش سارچى يوپۇرمىقى رەسىم نۇسخىسىدىن تۈزۈلگەن.

يېڭى زېلاندىيەدىكى بىر قىسىم ئاممىنىڭ قارىشىچە، يېڭى زېلاندىيەنىڭ ھازىرقى بايرىقى يېڭى زېلاندىيەگە ۋەكىللىك قىلالمايدىكەن ھەمدە ئاۋىستىرالىيەنىڭ دۆلەت بايرىقىغا ناھايىتى ئوخشىشىپ كېتىدىكەن. يېڭى زېلاندىيەنىڭ زۇڭتۇڭىمۇ مۇشۇ قاراشتا بولغاچقا، زۇڭتۇڭمۇ كۆپ قېتىم دۆلەت بايرىقىنى ئۆزگەرتىشنى تەشەببۇس قىلغان.