رۇسىيە ئاخبارات ئاگېنتلىقى خەۋىرىگە قارىغاندا ، رېيتېر ئاگېنتلىقىنىڭ 11–نويابىردىكى نەقىل كەلتۈرۈپ ئېرىشكەن خەۋىرىدە ئېيتىلىشىچە ، جۇڭگو رەھبەرلىك قاتلىمى ‹‹ تىنچلىق ۋە ئىناقلىق ›› باش تېمىسىدا مۇنبەر بەرپا قىلىشنى تەشەببۇس قىلىشنى پىلانلىغان بولۇپ ، مۇنبەرنىڭ ئاساسلىق ۋەزىپىسى ئافغانىستان ھۆكۈمىتى بىلەن ‹‹تالىبان›› ھەرىكىتى تەشكىلاتىنى سۆھبەتكە تەشكىللەشتىن ئىبارەت ئىكەن .

خەۋەردە دېيىلىشىچە ، جۇڭگو ، ئافغانىستان ، پاكىستان ۋەكىللىرى ۋە تالىبان رەھبەرلىرى يىغىنغا قاتنىشىدىكەن. جۇڭگو تەرەپ ئۆكتەبىرنىڭ ئاخىرىدا ئۆتكۈزۈلگەن ئوتتۇرا ئاسىيا دۆلەتلىرىنىڭ دىپلوماتىيە مىنىستىرلىرى يىغىنىدا بۇ پىلاننى ئوتتۇرىغا قويغان .