توردا ئاشكارلىنىشچە ، بىر مۇئاۋىن بازار باشلىقى ۋەزىپىگە ئولتۇرغان تۇنجى كۈنى نەچچە جىڭ گۈرۈچ ھارىقىنى ئىچىپ قازا قىلغان . شۇ يەرلىك ھۆكىمەتنىڭ بىلدۈرىشىچە، ھاراق زىياپىتى ھۆكىمەتنىڭ ئاشخانىسدا ئورۇنلاشتۇرۇلغان ئىكەن.

يېقىندا بىر پارچە ‹‹ مۇئاۋىن يىزا باشلىقى ۋەزىپىگە ئولتۇرغان تۇنجى كۈنى باشقىلار تەرپىدىن ھاراققا زورلىنىپ قازا قىلغان ›› دىگەن خەۋەر تورداشلارنىڭ دىققىتىنى تارتقان .

بۇ مۇئاۋىن بازار باشلىقى گۇاڭشى جۇاڭزۇ ئاپتونۇم رايونى لەيبىن شەھرى شىڭبىن رايونىدىن بۇلۇپ، بۇ يىل 4-ئاينىڭ 9-كۈنى شىڭبىن رايونلۇق تەشكىلدىن چىيەنجاڭ بازىرىغا بېرىپ ئۆزىنىڭ خىزمەتكە تەيىنلەنگەنلىكى توغرىسىدا دوكلات بەرگەن.

شۇ يەرلىكتىكلەرنىڭ ئېيتىشىچە  ، ئۇ كۈنى ھەقىقەتەنمۇ ھۆكىمەت ئاشخانىسىدا ھاراق ئىچكەن ، ئەمما ھاراققا زورلاش ئەھۋالى مەۋجۇت ئەمەس ئىكەن.توردىكى ئۇچۇردا دىيىلىشچە ، 4-ئاينىڭ 9- كۈنى چۈشتىن بۇرۇن ، لەيبىن شەھرىدىكى 33ياشلىق جوڭ فامىللىك چىيەنجاڭ بازىرىغا بېرىپ ئۆزىنىڭ بازارلىق ھۆكىمەت پارتىكوم ھەيئىتى ۋە مۇئاۋىن بازار باشلىقى بۇلۇپ سايلانغانلىقىنى ئېلان قىلغان.

ئەتىسى ئەتتىگەندە ئائىلىسىدىكىلەر ئۇنىڭ نەچچە ئون كىلومىتىر يىراقلىقتىكى شەھەر رايونىدىكى ئۆيدە ئۆلۈپ قالغانلىقىىنى بايقىغان.جوڭ فامىللىكنىڭ لەيبىن شەھرى شىڭبىن رايونلۇق سودىگەر چاقىرىش ئىدارىسىدە مۇئاۋىن ئىدارە باشلىقلىق ۋەزىپىسىنى ئۆتەپ كىلۋاتقىنىغا ئىككى يىلدىن كۆپرەك ۋاقىت بولغان ئىكەن . 

چىيەنجاڭ بازارلىق پارتكومنىڭ مۇناسىۋەتلىك خادىمىنىڭ مۇخبىرغا ئېيتىشىچە ، 4- ئاينىڭ 9- كۈنى  جوڭ فامىللىك ھەقىقەتەن ھۆكىمەت ئاشخانىسىدا ھاراق ئىچكەن ، ئەينى ۋاقىتتا ھۆكىمەتنىڭ يەنە بىر مەسئۇل خادىمىمۇ شۇ سورۇندا بار بۇلۇپ مۇئاۋىن بازار باشلىقىغا ھاراق زورلايدىغان ئەھۋال بولمىغان .

زادى راستىنلا ھاراقنى زىيادە كۆپ . ئىچىۋىتىپ ئۆلۈپ قالغانمۇ  يوق بۇ  توغۇرلۇق تېخى ئېنىق خۇلاسە چىقرىلمىغان . بۇ مەسئۇل خادىم يەنە مۇنداق دىگەن:‹‹ مۇئاۋىن بازار باشلىقى ئەسلىدە چىيەنجاڭلىق ئادم بۇلۇپ ،يۇرتىغا قايتىپ خىزمەت قىلغانلىقىغا بەك خۇشال بۇلۇپ كىتىپ بىر نەچچە رومكا ھاراقنى كۆپ ئىچىپ قويغان››

جوڭ فامىللىكنىڭ بىر تۇغقىنىنىڭ مۇخبىرغا بىلدۈرىشىچە ، ئۇلار ئالاقىدار تارماقلارنىڭ تېزرەك تەپسىلى تەكشۈرۈش ئېلىپ بېرىپ بىر خۇلاسە چىقىرىشىنى ئۈمىد قىلدىكەن.

شىڭبىن رايونى تەرەپنىڭ بىلدۈرىشىچە، كىيىنكى قەدەمدىكى ئاساسلىق خىزمەت بولسا جامائەت خەۋىپسىزلىك ئورگانلىرىنى تېزرەك مۇئاۋىن بازار باشلىقىنىڭ ئۆلۈپ كىتىش سەۋەبىنى تەكشۈرۈپ چىقىشقا ئۈندەپ ئۇنىڭ ئاخىرەتلىك ئىشلىرىنى ياخشى بىر تەرەپ قىلىش ئىكەن .