ئامېرىكا تاراتقۇلىرىنىڭ خەۋىرىگە قارىغاندا ، يېقىندا بىرازىلىيە تېلېۋىزىيە پىروگراممىسى ‹‹ گۈزەل فىگۇرلىق خانقىز ›› غا قاتنىشىپ ئىككىنچى دەرىجىگە ئېرىشكەن قىز ئۇراچ بەدەن گۈزەللەشتۈرۈش ئوپېراتسىيەسىنى ھەدىدىن زىيادە كۆپ قىلدۇرغانلىقتىن يوتىسى يېرىڭداپ ، دوختۇرخانىغا كىرىپ قالغان .

ئىگىلىنىشىچە ، ئۇراچ مۇسابىقىگە قاتنىشىش ئۈچۈن يوتىسى ۋە ساغرىسىنى چوڭايتىىش ئوپېراتسىيەسى قىلدۇرۇپ ، كۆپ مىقداردىكى يېلىملىق تولدۇرما ماددىنى ئوكۇل قىلغان ، شۇنىڭدىن كېيىن ئۇنىڭ بەدىنىدە يەكلەش ئالامەتلىرى كۆرۈلۈپ ، ھەر تۆت سائەتتە بىر قېتىم مورفىن ئۇكۇلى ئۇرۇپ ، ئانتىبىئوتىك دورىلارنى يەپ ئاغرىقنى پەسەيتىشكە مەجبۇر بولغان .

ئۇراچنىڭ پاچىقى ئېغىر دەرىجىدە ياللۇغلانغانلىقتىن ئىيۇلدا تولۇقلىما ماددىنى ئېلىۋېتىش ئوپېراتسىيەسى قىلدۇرغان بولسىمۇ ، قان بۇزۇلۇش سەۋەبلىك پۈتۈن بەدىنى چىرىپ پالەچ ھالەتكە چۈشۈپ قالغان . نۆۋەتتە ئۇ نەپەسلىنىش ماشىنىسى بىلەن كۈن كەچۈرۈۋېتىپتۇ .