ئۇكرائىنانىڭ شەرقى رايونىدا ئۇرۇش توختىغىلى بىر ھەپتە بولدى، توقۇنۇشتا گەرچە ئىككى تەرەپ قارشى تەرەپنىڭ ئۇرۇش توختۇتۇش كېلىمىشىنى ئۆز-ئارا ئەيىبلەشكەن بولسىمۇ، ئەمما كەڭ دائىرىدىكى توقۇنۇش توختىدى، توقۇنۇش بولىۋاتقان رايون بۇرۇنقىغا قارىغاندا بەكرەك تىنجىدى.

ئۇكرائىنا زۇڭتۇڭى پورۇشىنكو يېقىندا ھۆكۈمەت يىغىنىدا مۇنۇلارنى جاكارلىدى: شەرقى قىسىمدىكى دونىستىك ئوبلاستى بىلەن لوگەنسىك ئوبلاستىنىڭ بەزى رايونلىرىنىڭ ئالاھىدە ئورۇندىن بەھرىمان بولۇش قانۇن لايىھەسى كېلەر ھەپتە پارلامنتقا تاپشۇرۇلۇپ قاراپ چىقىلىدۇ. بۇ ئۇكرائىنا دائىرلىرى تەرىپىدىن ئۇكرائىنانىڭ شەرقىنىڭ مەسىلىسىنى ھەل قىلىشتىكى بىر چوڭ قەدەم دەپ قارالدى، بۇ مەسىلىنى تۈپ يېلتىزىدىن ھەل قىلالامدۇ-يوق؟

ئۇكرائىنا دائىرلىرى 4-ئاينىڭ ئوتتۇرىلىرى مۇشۇ دۆلەتنىڭ شەرقىدىكى رايوندا ئەلئارا قۇراللىق كۈچلەرگە قارىتا «تېرورلۇققا قارشى تۇرۇش ھەرىكىتى»نى قوزغىدى. ھۆكۈمەت ئارمىيەسى بىر مەھەل ئۇرۇش مەيدانىدا ئارقا-ئارقىدىن غەلبە قىلدى، ئۇكرائىنا دائىرلىرى ھاياجانلىنىپ، بىر ئاي ئىچىدە ئەلئارا قۇراللىق كۈچلەرنى يۇقىتىدىغانلىقىنى، بارلىق شەرقىي رايوننى قايتىدىن كونتىرول قىلىدىغانلىقىنى بىلدۈردى. ئەمما ئىش ئويلىغاندەك بولمىدى، ئەلئارا قۇراللىق كۈچلەر ھۆكۈمەتكە قارىشى ھۇجۇم قوزغاپ، ھۆكۈمەت ئارمىيەسىگە قايتىدىن زەربە بەردى. شەرقى قىسمىدىكى رايوننىڭ ئۇرۇش ئەھۋالى قايتىدىن ئەسلىگە كېلىش ھالىتىدە تۇرۇپلا قالماستىن يەنە ھەر كۈنى توقۇنۇشتا ئىككى تەرەپتىن خادىم ۋە جابدۇق زىيىنى كېلىپ چىقتى.

مۇشۇنداق ئەھۋالدا، توقۇنۇشىۋاتقان ئىككى تەرەپ ۋە بەزى مۇناسىۋەتلىك دائىرىلەر: ئۇرۇش داۋاملىشىۋەرسە ئىككىلا تەرەپكە زىيان بولىدىغانلىقىنى، سۆھبەتلىشىش ئارقىلىق مەسىلىنى ھەل قىلىشنىڭ بىردىنبىر چىقىش يولى ئېكەنلىگىنى تونۇپ يەتتى. مۇشۇنداق بولغاچقا ئۇكرائىنا مەسىلىسىدىكى ئۈچ تەرەپ ئالاقە گۇرۇپپىسى مۇشۇ ئاينىڭ 5-كۈنى ئۇكرائىنانىڭ شەرقىدىكى ئەلئارا قۇراللىق كۈچلەر بىلەن بىلورۇسىيەنىڭ پايتەختى مىنسكىدا سۆھبەتلەشتى.
«تېررورلۇققا قارشى تۇرۇش ھەرىكىتى» باشلانغاندىن كېيىن، ئۇكرائىنا دائىرلىرى ئىزچىل شەرقىي قىسمدىكى ئەلئارا قۇراللىق تەشكىلاتلار بىلەن ئۇچرىشىش ۋە سۆھبەتلىشىشنى رەت قىلىپ كەلدى. ئۇكرائىنا دائىرلىرىغا نىسپەتەن ئېيتقاندا، مىنىسكىدا شەرقىي قىسىمدىكى ئەلئارا قۇراللىق تەشكىلات ۋەكىلى بىلەن ئولتۇرۇپ سۆھبەتلىشىشنىڭ ئۆزىلا ناھايىتى چوڭ يول قويغانلىقكەن.

تېخىمۇ چوڭ ئىلگىرلەش شۇكى، سۆھبەتتىن كېيىن ئىمزالانغان كېلىشىمىدە ئۇكرائىنا دائىرلىرى «دونىستىك بىلەن لوگەنسىك ئوبلاستىنىڭ بەزى رايونلىرىدا يەرلىك ئاپتونومىيەنى يولغا قويۇش ۋاقىتىلىق تۈزۈم قانۇنى»نى ماقۇللاشقا قوشۇلدى، بۇ قىسقىچە «ئالاھىدە ئورۇن قانۇنى» دەپ ئاتىلىدۇ. ئۇكرائىنا دائىرلىرى ئۇرۇش توختۇتۇشنىڭ مەسىلىنى ھەل قىلىشنىڭ ئالدىنقى شەرتى ئېكەنلىگىنى، ئۇرۇش قالايمىقانچىلىقىنى ھەقىقىي تىنجىتىپ، شەرقى قىسىم رايونى مەسىلىسىنى ھەل قىلىشتا، چوقۇم يولغا قويغىلى بولىدىغان لايىھە بولۇشى كېرەكلىكىنى بىلىدۇ.

ئالاھىدە ئورۇن قانۇن لايىھەسى ھۆججىتى تېخى ئېلان قىلىنمىدى. بىراق ئالاھىدە ئورۇن قانۇنىنىڭ رەسمىي ئاتىلىشىدىن شۇنى كۆرۈۋېلىشقا بولدۇكى، بۇ قانۇننىڭ يادرولۇق مەزمۇنى- دونىستىك بىلەن لوگەنسىك ئوبلاستلىرىنىڭ مەلۇم رايونىدا يەرلىك ئاپتونومىيەنى يولغا قويۇش ھەمدە بۇ خىل ئاپتونومىيەگە بىر ۋاقىتلىق تۈزۈم ئورنۇتۇش. بۇنىڭدىن باشقا، ئۇكرائىنا رەھبەرلىرى ۋە بىر قىسىم ئەمەلدارلارنىڭ سۆزلىرىدىن بۇ قانۇننىڭ بەزى ئالاھىدىلىكلىرىنى چۈشەنگىلى بولىدۇ.

پورۇشىنكو مۇنداق دېدى: بۇ قانۇندا ئېنىق ھالدا مۇنۇلار بەلگىلەندى: مۇناسىۋەتلىك رايون ئۇكرائىنا تەۋەسىدە ئالاھىدە ئورۇندىن بەھرىمان بولىدۇ. مىنىسكىىدا ھاسىل قىلغان كېلىشىمگە ئاساسەن، بارلىق دۇمباس رايونىدا ئۇكرائىنانىڭ ئىگىلىك ھوقۇقى ئەسلىگە كەلتۈرۈلىدۇ.
ئۇكرائىنا زۇڭتۇڭىنىڭ مەسلىھەتچىسى لوچىنكو مۇنداق دېدى: دونستىك بىلەن لوگەنسىكتىكى تەخمىنەن ئۈچتىن بىر قىسم ئەلئارا قۇراللىق كۈچلەر كونترول قىلغان رايونلارلا ئالاھىدە ئورۇنغا ئىگە بولىدۇ. شۇنداق دېيىشكە بولىدۇكى، ئۇكرائىنا تەۋەسىدە «ئالاھىدە رايون» قۇرۇلىدۇ، بۇ ئالاھىدە رايون يەنىلا ئۇكرائىنانىڭ بىر قىسمى بولىدۇ.

نۆۋەتتە ئاشكارلانغان ئۇچۇرلاردىن قارىغاندا، ئالاھىدە ئورۇن قانۇنى ناھايىتى ئالاھىدە ئورۇنىغا ئىگە ئەمەسكەن، ئەمما ئۇكرائىناغا نىسپەتەن ئېيتقاندا، بۇ تارىختا بولۇپ باقمىغان ئىش بولۇپ، ئۇكرائىنا دائىرلىرىگە نىسپەتەن ئېيتقاندا ناھايىتى زور يول قويۇشكەن. ئەمما ئەلئارا قۇراللىق كۈچلەر بۇنى ئىتىراپ قىلمىدى.

ئۇكرائىنانىڭ شەرقى ئۆز ئالدىغا جاكارلاپ قۇرغان «دونستىك خەلق جۇمھۇرىيىتى» بۇنىڭدىن ئىلگىرى مۇنداق دېگەنىدى: ئۇكرائىنا دائىرلىرى ئالاھىدە ئورۇن قانۇنى ماقۇللىغان تەقدىردىمۇ، بۇ «دونستىك خەلق جۇمھۇرىيىتى» بىلەن «لوگەنسىك خەلق جۇمھۇرىيىتى»نىڭ مۇستەقىل بولۇشتىن ۋاز كەچكەنلىكىدىن دىرەك بەرمەيدۇ. بىراق تىنچلىق ئۈچۈن، بۇ ئىككى جۇمھۇرىيەت قىسمەن مۇرەسسەلىشىشنى خالايدۇ.
«دونستىك خەلق جۇمھۇرىيىتى»نىڭ مۇئاۋىن زۇڭلىسى پۇركىن مۇنداق دېدى: ئالاھىدە ئورۇن قانۇنى ئىككى جۇمھۇرىيەتنىڭ ئۇكرائىنا بىلەن مەدەنىيەت، ئىقتىساد قاتارلىق تۈرلۈك مۇناسىۋەتنى ساقلىغان ئاساستا مۇستەقىل بولۇشنى كۆرسىتىدۇ. ئىككى جۇمھۇرىيەتنىڭ ئۇكرائىناغا قايتىشى مۇمكىن ئەمەس.

ناھايىتى روشەنكى، ھازىر بۇ قانۇن ئىككى تەرەپنىڭ كەسكىن ئىختىلاپىنى تولدۇرۇشقا ئامالسىز، شۇنداقلا بۇ ئارقىلىق ئىچكى ئۇرۇشنى كەلتۇرۇپ چىقارغان قېيىن مەسىلىنى ھەل قىلىشمۇ تەس. دۆلەتنىڭ زېمىن پۈتۈنلۈكىنى قوغداش ئۇكرائىنا دائىرلىرى چىڭ تۇرىدىغان ئەڭ تۆۋەن چەك. ئەگەر ئەلئارا قۇراللىق كۈچلەرنى تېخىمۇ بەكرەك يول قويسۇن دەيدىكەن، يەنە جاپالىق سۆزلىشىش ئىلىپ بېرىشقا، ھەم بىر قەدەر ئوزۇن يول مېڭىشقا توغرا كېلىدۇ.