ئامېرىكا «ۋاشىنگىتون كۈندىلىك پوچتا گېزىتى» نىڭ 7-چېسلا خەۋەر قىلىشىچە، ئامېرىكىنىڭ تۈركىيەدە تۇرۇشلۇق دىپلوماتىيە ئۆمىكى ئاگاھلاندۇرۇپ، ئامېرىكا پۇقرالىرىنىڭ يېقىنقى بىر مەزگىل ئىچىدە ئامېرىكىنىڭ تۈركىيەدە تۇرۇشلۇق ئەڭ چوڭ باش ئەلچىخانىسى، يەنى ئىستانبول باش ئەلچىخانىسىغا بارماسلىقنى، بىخەتەرلىك تەھدىتىگە ئۇچراشنىڭ ئالدىنى ئېلىشقا چاقىردى.

      خەۋەردە دېيىلىشىچە، ئامېرىكىنىڭ تۈركىيەدە تۇرۇشلۇق باش ئەلچىخانىسى ئامېرىكىنىڭ بىخەتەرلىك تەھدىتىگە ئۇچراش ئىھتىمالى بار دېگەن ئۇچۇرغا ئاساسەن، توردا پۇقرالارغا ئاگاھلاندۇرۇش ئېلان قىلغان، بىراق ئۇچراش ئىھتىمالى بولغان تەھدىتنىڭ خاراكتېرى ئەسكەرتىلمىگەن ۋە ئېنىق بىر قارار كۆرسىتىلمىگەن.

       باش ئەلچىخانا بىر تەرەپتىن پۇقرالارغا ئۆزىنى قوغداشقا ئائىت مۇۋاپىق تەدبىر قوللىنىشقا چاقىرىپ، ئىھتىياتچان بولۇشقا چاقىرغان بولسا، يەنە بىر تەرەپتىن بىخەتەرلىك تەدبىرلىرىنى كۈچەيتتى، ئۇلار باش ئەلچىخانىغا تۇتىشىدىغان يوللارنى قامال قىلغاندىن باشقا يەنە ساقچى ماشىنىلىرىنى كۆپەيتىپ، بىخەتەرلىك تەدبىرىنى يۇقىرى كۆتۈردى.

     خەۋەردە دېيىلىشىچە، ئامېرىكىنىڭ تۈركىيەدە تۇرۇشلۇق بارلىق ئەلچىخانىلىرى ھەپتە ئاخىرىدا بىر تۇتاش تاقىلىدىغان بولۇپ، ئۇندىن باشقا چەت ئەل بىخەتەرلىك كومىتىتىنىڭ ئاشكارلىغان ئاگاھلاندۇرۇشىغا ئاساسلانغاندا، بۇ ئۇچۇرنىڭ ئېنىقلىقىنى مۇقىملاشتۇرۇشقا بولىدىكەن.