ئەنگلىيە ‹‹ كۈندىلىك پوچتا گېزىتى ›› نىڭ 2-ئىيۇلدىكى خەۋىرىگە قارىغاندا ، ئامېرىكىدا تۇرۇشلۇق سەنئەتكار مىيوجاشىن ئۆيىنىڭ بىر ھۇجرىسىنى كېچىلىكى بىر دوللاردىن ئىجارىگە بەرگەن.ھۇجرا ئىجارىسىنىڭ ئەرزانلىقى كىشىنى ھەيران قالدۇرۇپلا قالماستىن، يەنە بىر تۈركۈم بەلگىلىمىلەرمۇ كىشىنى ھاڭ-تاڭ قالدۇرغان. مەسلەن، ئىجارىگە ئالغۇچى چوقۇم 24 سائەت نازارەت قىلىش ئاپپاراتىنىڭ نازارەتچىلىكىدە، بىر ‹‹ قەپەس ›› نىڭ ئىچىدە تۇرۇشقا ماقۇل بولۇشى كېرەك ئىكەن. ئۇنىڭدىن سىرت ، يەنە ئەتىگەن سائەت 12~9 گىچە ئىجارە ئالغۇچىنىڭ تورغا چىقىشى، ئېلېكترونلۇق ئەسۋابلارنى ئىشلىتىشى، كىتاب كۆرۈشى، رادىئو ئاڭلىشى ، باشقىلار بىلەن پاراڭلىشىشى ، ھەرىكەت قىلىشى، ھەتتە ئۇخلىشىمۇ مەنئى قىلىنىدىكەن .

كىشىنى بىئارام قىلىدىغان بۇ بەلگىلىمىلەرنى ھىسابقا ئالمىغاندا ، بىر دوللارغا پاكىز تازلىق ئۆيى ۋە مۇنچىسى بار بۇ ‹‹ قەپەس ھۇجرا ›› يەنىلا كىشىلەرنى جەلىپ قىلغان .