ئەنگىلىيە ‹‹ كۈندىلىك پوچتا گېزىتى ›› نىڭ 1- ئىيۇندىكى خەۋىرىگە قارىغاندا ، ھىندونېزىيەدىكى بارى ئارىلىدا بىر ئالاھىدە مېھمانساراي بار بولۇپ ، مېھمانساراينىڭ ياتاق ئۆيلىرى كۆلچەكنىڭ ئۈسىتىگە سېلىنغان ئىكەن .

كىشىنى ھەممىدىن بەك ئۆزىگە رام قىلىدىغىنى ، ياتاق ئۆيدىكى پول تاختاي ياكى مەرمەر تاشتىن ياسالغان بولماستىن بەلكى پۈتۈنلەي قاتتىقلاشتۇرۇلغان ئەينەكتىن ياسالغانلىقىدا ئىكەن . مېھمانساراينىڭ ئاستىدا كەڭرى كەتكەن راك ۋە بېلىق كۆلچىكى بار بولۇپ ، ياتاق ئۆيگە چۈشكەن مېھمانلار قاتتىقلاشتۇرغان ئەينەكتىن كۆلچەك ئاستىدىكى گۈزەل مەنزىرىدىن بەھۇزۇر ھوزۇرلىنالايدىكەن .

ئىگىلىنىشىچە ، بۇ مىھمانسارايدىن يەنە ھىندىستاندىكى بۇتخانىلارنى ، باتۇكاۋ يالقۇن تېغىنى ۋە ھەيۋەتلىك ئاياڭ شارقىراتمىسىنى كۆرگىلى بولىدىكەن .

ياتاق ئۆينىڭ ھەربىر كۈنلىكى 220 دوللار ( تەخمىنەن 1373 يۈەن خەلق پۇلى ) دىن 494 دوللار ( تەخمىنەن 3084 يۈەن خەلق پۇلى ) غىچە بولىدىكەن .