جۇڭگو ئاخبارات تورى خەۋىرى لەگلەك تورى تەرجىمىسى
بېيجىڭ ۋاقتى 6- ئاي 17- كۈنى سەھەر سائەت 6:00 دە، برازىلىيە دۇنيا لۇڭقىسىنى تالىشىش پۇتبول مۇسابىقىسى G گۇرۇپپىنىڭ تۇنجى مەيدان مۇسابىقىسىدە، گانا كوماندىسى بىلەن ئامېرىكا كوماندىسىنىڭ مۇسابىقىسى ناتالنىڭ بارخان توپ مەيدانىدا ئۆتكۈزۈلدى. ئامېرىكا كوماندىسىنىڭ كوماندا باشلىقى دەمپسىي مۇسابىقە باشلىنىپ 29 سېكۇنت بولغاندا توپ كىرگۈزدى. بۇ توپ بۇ قېتىملىق دۇنيا لۇڭقىسىنى تالىشىش پۇتبول مۇسابىقىسى باشلانغاندىن ھازىرغىچە بولغان ئەڭ قىسقا ۋاقىتتا كىرگەن توپ بولۇپ، يەنە دۇنيا لۇڭقىسىنى تالىشىش پۇتبول مۇسابىقىسى تارىخىدىكى بەشىنچى تېز كىرگەن توپ ھېسابلىنىدۇ. دۇنيا لۇڭقىسىنى تالىشىش پۇتبول مۇسابىقىسى تارىخىدا پەقەت تۆت ئادەمنىڭ كىرگۈزگەن توپى دەمپسىيدىن تېخىمۇ تېز بولۇپ، ئەڭ تېز بولغىنى 2002- يىلى تۈركىيە ھۇجۇمچىسى خاقان سۇك كورىيە كوماندىسى بىلەن مۇسابىقىلىشىپ ئەمدى 11 سېكۇنت بولغاندا بىر توپ كىرگۈزگەنىدى. 82 مىنۇت بولغاندا گانا كوماندىسىدىن ئىيوۋ توپ ئۇرۇپ نومۇرنى تەڭلەشتۈردى. ئەمما تۆت مىنۇت ئۆتۈپلا ئامېرىكا كوماندىسى قايتا ھۇجۇمغا ئۆتۈپ، 6 نومۇرلۇق برۇكىس بۇلۇڭ توپتا كاللا توپ ئۇرۇپ، ئامېرىكا كوماندىسى 1:2 نەتىجە بىلەن گانا كوماندىسىنى يەڭدى.
مەنبە جۇڭگو ئاخبارات تورى