خەلق تورىنىڭ 6-ئاينىڭ 5-كۈنى بېيجىڭدىن بەرگەن تېلىگىراممىسى ، روسىيە ئاخبارات ۋاستىللىرنىڭ خەۋەر قىلشىغا ئاساسلانغاندا ، روسىيە فېدراتسىيەسى پىرىزدېنتى ۋىلادمىر پۇتىننىڭ قارشىچە ، دۆلەت مۇداپىئە ئىقتىدارىغا ئاساسەن ئېيتقاندا روسىيە دۇنيانىڭ ئالدىنقى قاتارىدا تۇردىكەن ، بۇلۇپمۇ يادرو قوراللىرنىڭ  سۈپىتى جەھەتتە .

پۇتىن ئاخبارات ۋاستىللىرنىڭ  زىيارىتىنى قۇبۇل قىلغاندا سۆز قىلىپ :‹‹روسىيەنىڭ دۆلەت مۇداپىئەسىگە نىسبەتەن ئېيتقاندا ، دۆلىتمىز شەكسىز دۇنيانىڭ ئەڭ ئالدىنقى قاتارىدا تۇرىدۇ ، چۈنكى بۇ دىگەن چوڭ يادىرو دۆلىتى ، بىزنىڭ يادىرو قوراللىرمىزنىڭ سۈپتىنى ئېلىپ ئېيىتساقمۇ ئۇ ھەقىقەتەنمۇ دۇنيادىكى بىرىنجى ئۇرۇندا تۇرىدۇ.››دىگەن.”

پۇتىننىڭ قارشىچە ، بىر دۆلەتنىڭ دۆلەت مۇداپىئە ئىقتىدارى ئۇنىڭ دۇنياغا قانچىلىك تەسىر كۆرسىتەلەيدىغانلىقنى بەلگىلەيدىغان مۇھىم ھالقىنىڭ بىرى ئىكەن. ئۇنىڭچە بولغاندا،  ھازىرقى دۇنيادا دۆلەتنىڭ سۈرىنى نامايەن قىلدىغان ئامىللار دەسلەپتە ئىقتىساد، دۆلەت مۇداپىئەسى ۋە مەدەنىيەت ئىكەن.  روسىيەلىكلەرنىڭ مەدەنىيتىنى تىلغا ئالغاندا پۇتىن كۆرسىتىپ:‹‹بۇمۇ يەنە  بىر بىزنى ئىپتىخارلاندۇردىغان ئىش، بۇلارنىڭ ھەممىسى روسىيە مەدەنىيتى، ئەدەبىيات -سەنئىتىگە مەنسۇپ. ››دىگەن.

روسىيە ئىقتىسادىغا كەلگەندە ئۇ ئېتىراپ قىلىپ :‹‹بىز ھەقىقەتەنمۇ بىلىپ تۇرۋاتىمىز يەنە نۇرغۇن ئىشلار قىلىشقا تىگىشلىك ، گەرچە بىز يېقىنقى يىللاردىن بۇيان كۆپ ئالغا بېسىپ دۇنيادىكى بەشىنجى چوڭ ئىقتىسادى گەۋدە بولغان بولساقمۇ بىز ئۈچۈن ئېيتقاندا بۇ ئەسلا يىتەرلىك ئەمەس.››دىگەن.