پېڭبو ئاگېنتلىقىنىڭ خەۋىرىگە قارىغاندا، گېرمانىيە بازىرىنى ئىگەللەش ئۈچۈن ئامېرىكىدىكى ماشىنا توسۇش ئەپ دېتالى شىركىتى Uber مۇشۇ ھەپتىنىڭ پەيشەنبە كۈنى بىلدۈرۈشىچە، مۇشۇ ئاينىڭ 20-كۈنىدن باشلاپ، Uber بېرلىن شەھىرى ۋە مىيۇنخىن شەھىرىدە ئاھالىلەر سېتىۋالغان "روژدېستۋو دەرىخى" نى ھەقسىز يەتكۈزۈش مۇلازىمىتىنى يولغا قويىدىكەن. Uber نىڭ دىيشىچە، بۇ يىل روژدېستۋو بايرىمى يېتىپ كېلىش ھارپىسىدا شۇ يەردىكى توردا پارچە مال سېتىش شىركىتى Meine Tanne بىلەن ھەمكارلشىىپ بېرلىن ۋە مىيۇنخىن شەھىرىدىكى پۇقرالارغا قارىتا سېتىۋالغان "روژدېستۋو دەرىخى" نى ھەقسىز تېز يەتكۈزۈپ بېرىش مۇلازىمىتىنى ئوتتۇرىغا چىقارغان.  

    نورمال ئەھۋال ئاستىدا توردىن بىر تۈپ "روژدېستۋو دەرىخى"- گېرمانىيىنىڭ شىمالى قىسمىدىكى ئاق شەمشاد دەرىخىنى سېتىۋالسا 29.90 ياۋرو كېتىدۇ، Uber شىركىتى "روژدېستۋو دەرىخى" نى سېتىۋالسا ھەقسىز يەتكۈزۈش مۇلازىمىتىنى يولغا قويغاندىن كېيىن ئىستىمالچىلار يالغۇز "روژدېستۋو دەرىخى" نىڭ ھەققى بولغان 19.90 ياۋرونى تاپشۇرسىلا بولىدىكەن، 10 ياۋرولۇق تېز يەتكۈزۈش ھەققىنى تېجەپ قالىدىكەن. Uber شىركىتىنىڭ گېرمانىيىدىكى تارماق شىركىتىنىڭ باش دىرىكتورى Christian Freese نىڭ بىلدۈرۈشىچە، UberRUSH ئەپ دېتالى ئارقىلىق Uber شىركىتى ئامېرىكىدا ئائىلە تېز يەتكۈزۈش مۇلازىمىتىنى ئوتتۇرىغا چىقارغىلى بىر مەزگىل بولغان، يىراق كەلگۈسىدىن قارىغاندا بۇ خىل مۇلازىمەتنى يەنە گېرمانىيىدىمۇ يولغا قويۇشقا بولىدىكەن.