ئىراننىڭ يادرو مەسىلىسى پۈتكۈل خەلقئارانىڭ دىققىتىنى جەلپ قىلىدىغان مەسىلىگە ئايلاندى، يېقىندا بۇ مەسىلىدە بىر قىسىم ئەمەلىي خاراكتېرلىك ئىلگىرلەشلەر بولدى، ئىران بىلەن ئامېرىكىمۇ يېقىندا ئىككى تەرەپلىك سۆھبەت ئۆتكۈزىدىغانلىقىنى جاكارلىدى. مۇشۇنداق ئاچقۇچلۇق پەيتتە، ئىراننىڭ يادرو مەسىلىسىنى ھەل قىلىش تېخىمۇ سەمىمىي پوزىتسىيىنىڭ بولۇشىغا مۇھتاج بولماقتا.

ئىراننىڭ يادرو مەسىلىسى توغرىسىدىكى سۆھبەت ئاچقۇچلۇق پەيتكە كىردى. ئىران دىپلوماتىيە مىنىستىرلىقى بىلەن ئامېرىكا دۆلەت ئىشلىرى مەھكىمىسى يېقىندا، ئىككى تەرەپنىڭ 9-، 10-ئىيۇن ئىككى دۆلەتنىڭ نەچچە ئون يىلدىن بۇيانقى تۇنجى قېتىملىق بىۋاسىتە سۆھبىتىنى ئۆتكۈزىدىغانلىقىنى جاكارلىدى. بۇمۇ ئىراننىڭ- ئىراننىڭ يادرو مەسىلىسى توغرىسىدىكى ئالتە دۆلەت بىلەن بولغان سۆھبىتىنى باشلىغاندىن بۇيان، ئىران بىلەن ئامېرىكا ئوتتۇرىسىدا ئۆتكۈزۈلگەن تۇنجى قېتىملىق ئۈچرىشىش.

ئىران تەرەپ مۇنداق دەپ ھېسابلىدى: بۇ قېتىمقى ئۈچرىشىش ئىنتايىن مۇھىم. ئىران ئامېرىكا بىلەن ئالاقىلىشىشقا موھتاج ، چۈنكى ئىرانغا قارىتىلغان مۇتلەق كۆپ ساندىكى جازانى ئامېرىكا يولغا قويغان. ئىران يەنە مۇنداق دېدى: ئىران بىلەن ئامېرىكا سۆھبەتلەشكەندىن كىيىن، ئىراننىڭ سۆھبەت ۋەكىلى يەنە رۇسىيە ۋەكىلى بىلەن كېڭىشىدۇ.
ئۆتكەن يىلى 11-ئايدا، ئىران- ئىراننىڭ يادرو مەسىلىسىگە ئالاقىدار ئالتە دۆلەت بىلەن 6 ئايلىق ۋاقىتلىق كېلىشىم ھاسىل قىلدى. ئىران دەسلەپكى قەدەمدە توڭلىتىلغان 4 مىليارد 200 مىليون ئامېرىكا دوللىرىلىق نېفىت كىرىمىنى ھەل قىلىش ئۈچۈن، ئۆزىنىڭ ئوران ئىشلەپچىقىرىش قەدىمىنى ئاستىلىتىشقا قوشۇلدى. ھەر قايسى تەرەپلەر يەنە، سۆھبەت مۇساپىسىگە يەنىمۇ تۇرتكە بولۇش ئۈچۈن،بۇ يىل 7-ئاينىڭ 20-كۈنى ئاخىرقى كېلىشىم ھاسىل قىلىشقا قوشۇلدى.

بۇ يىل كىرگەندىن بۇيان، سۆھبەتتە ئەمەلىي خاراكتېرلىك ئىلگىرلەشلەر قولغا كەلتۈرۈلمىدى. 5-ئاينىڭ ئوتتۇرىلىرى بىر قېتىم سۆھبەت ئىلىپ بېرىلدى، چەتئەللەر كېلىشىم تۈزۈش باسقۇچىغا كىرگەنلىكى توغرىسىدا خەۋەر بەرگەن بولسىمۇ، بىراق كېيىن بۇ ئىسپاتلانمىدى. ئامېرىكا بىلەن ئىران، ئىككى تەرەپ مەيدانىدا يەنىلا بىر قەدەر زور ئىختىلاپلارنىڭ بارلىقىنى بىلدۈردى.

بىراق، يېقىندا ئاشكارىلانغان خەۋەرلەردىن قارىغاندا، 7-ئايدا دەل ۋاقتىدا كېلىشىم ھاسىل قىلىشدىن ئۈمىد يوق ئىكەن. يېقىندا، ئامېرىكا ئىقتىساد ۋەكىللەر ئۆمىكى بىلەن دىنى ۋەكىللەر ئۆمىكى ئارقا ئارقىدىنئىراندا زىيارەتتە بولدى. يېقىندا، ئىران زۇڭتۇڭى روخانى ئۈمىدۋارلىق بىلەن، ئۆزلىرىنىڭ بۇ يىل 7-ئاينىڭ ئاخىرلىرىدىن ئىلگىرى كېلىشىم ھاسىل قىلالايدىغانلىقىنى بىلدۈردى.

ئىراننىڭ يادرو مەسىلىسى توغرىسىدىكى سۆھبەت يېقىنقى ئون يىلدىن بۇيان بېسىپ ئۆتكەن ئەگرى توقاي مۇساپىلىرىدىكى ھەر قېتىملىق توسالغۇلىرىدا، دائىم ھەر قايسى تەرەپلەرنىڭ سەۋرى تاقىتىنى، ئىشەنچىسىنى ۋە سەمىمىيتىنى سىنايدىغان ئاچقۇچلۇق پەيت بولىدىغانلىقىنى كۆرسەتتى.

ھەر قايسى تەرەپلەر ئىران بىلەن ئامېرىكىنىڭ بۇ قېتىمقى ئۈچرىشىشنىڭ، كېيىنكى باسقۇچتا كېلىشىم ھاسىل قىلىش ئۈچۈن شارائىت يارىتىلىشىنى ئۈمىد قىلماقتا.
ئىراننىڭ يادرو مەسىلىسىنىڭ ماھىيىتى ئىككى تەرەپنىڭ ئىستراتېگىيەلىك گۇمانىنى ھەل قىلالمىغانلىقىنىڭ يەكۈنى بولماقتا. غەرب ئەللىرى بىلەن ئىسرائىلىيە ئىراننىڭ يادرو پىلانىنىڭ خەلق ئىشلىرىغا ئىشلىتىلىدىغانلىقىغا ئىشەنمىدى. ئىران بولسا ئامېرىكىنىڭ ھاكىمىيەتنى ئالماشتۇرۇش نىيىتىدىكى ئىرانغا قاراتقان سىياسىتىنى ئۆزگەرتمىگەنلىكىدىن ئەندىشە قىلىپ كەلدى. ئامېرىكىنىڭ ئىراق ۋە سۇرىيەگە قاراتقان ئۇسۇلى ۋە چاۋشيەننىڭ يادرو مەسىلىسىدىكى تەشەببۇسى ئىراننىڭ ئەندىشىسىنى تېخىمۇ كۈچەيتىۋەتتى.

ئىراننىڭ يادرو مەسىلىسى ئىران بىلەن ئامېرىكا ئوتتۇرسىدىكى ئىككى تەرەپلىك قارشىلىشىش دائىرىسىدىن ئېشىپ كەتتى، شۇنداقلا ئىككى تەرەپلىك سىياسىي يۆنىلىشى ئارقىلىق سۆھبەت مۇساپىسىنى چەكلىگىلى بولمىدى. ئىراننىڭ يادرو مەسىلىسى ئوتتۇرا شەرق رايونىنىڭ مۇقىملىقىغا، پۈتكۈل يەر شارى پۇل مۇئامىلە ۋە ئېنېرگىيە بازىرىنىڭ مۇقىملىقىغا مۇناسىۋەتلىك ئىش بولۇپ قالدى. بۇ ئەھمىيەتتىن قارىغاندا، ئىراننىڭ يادرو مەسىلىسىگە ئالاقىدار ئالتە دۆلەت بىلەن بولغان سۆھبەت مېخانىزمى ھەر قايسى دۆلەتلەرنىڭ ئورتاق كۆڭۈل بىلىدىغانلىقىنى، شۇنداقلا خەلقئارا جەمئىيەتنىڭ بۇ قىيىن مەسىلىنى تىنچلىق ۋاسىتىسى ئارقىلىق ھەل قىلىش ئۈچۈن ئىزدىنىدىغانلىقىنى گەۋدىلەندۈردى.
تارىخى تەجرىبىلەر كىشىلەرگە، جازالاشنىڭ مەسىلىلەرنى ھەل قىلالماستىن، بەلكى قارشىلىشىشنى كۈچەيتىۋېتىدىغانلىقىنى چۈشەندۈردى. دىپلوماتىك سۆھبەتنىڭ مۇۋەپپەقىيەتلىك بولۇشىنىڭ ئاچقۇچى - ۋەزىيەت قانچىلىك مۇرەككەپ بۇلىشىدىن قەتئىي نەزەر، ئالدى بىلەن ئومۇمىيلىقنى چىقىش قىلىشنى ئويلىشىپ، ئۆز ئارا ھۆرمەت قىلىش، باراۋەر ئاساسىدا سۆزلىشىش ۋە كېڭىشىدە چىڭ تۇرۇش كېرەك . مۇشۇنداق قىلغاندىلا، ئاندىن ھەر قايسى تەرەپلەرنىڭ كۆڭۈل بىلىدىغان ئىشلىرىغا ئېتىبار بېرىلىدىغان ھەل قىلىش ئۇسۇلىنى تېپىپ چىققىلى بولىدۇ.

جۇڭگو تەرەپ باشتىن ئاخىرى، سۆھبەتلىشىش ئىراننىڭ يادرو مەسىلىسىنى ھەل قىلىشنىڭ بىردىن بىر توغرا ۋە ئۈنۈملۈك يولى دەپ قاراپ كەلدى. ئىراننىڭ خەلق ئىشلىرىغا ئىشلىتىدىغان يادرو ھوقۇقىغا ھۆرمەت قىلىش، شۇنىڭ بىلەن بىر ۋاقىتتا خەلقئارا جەمئىيەتنىڭ يادرو قوراللىرىغا بولغان ئەندىشىنى پەسەيتىدىغان ئومۇميۈزلۈك كېلىشىمىنى ئىمزالاش، ھەر قايسى تەرەپلەرنىڭ مەنپەئەتىگە ئۇيغۇن كېلىدۇ، شۇنداقلا يەر شارى تىنچلىقىغا پايدىلىق.

نۆۋەتتە، ئىراننىڭ يادرو مەسىلىسى سۆھبىتىدە ئۇزاق مۇددەتلىك كېلىشىم ھاسىل قىلىش ئۇستىدە ئىزدىنىشتىن ماھىيەتلىك سۆھبەت باسقۇچىغا كىردى. جۇڭگو ھەر قايسى تەرەپلەرنىڭ ئىجابىي تەدبىر قوللىنىپ، بىر بىرىگە مەنپەئەت يەتكۈزۈش ئۇستىدە ئىزدىنىپ، سۆھبەتنىڭ ئىلگىرلەشلەرگە ئېرىشىشىگە تۇرتكە بولۇپ، ئىراننىڭ يادرو مەسىلىسىنى ئومۇميۈزلۈك، ئۇزاق مۇددەتلىك، مۇۋاپىق ھەل قىلىش ئۈچۈن شارائىت يارىتىشىنى ئۈمىد قىلىدۇ.ئىلھام مامۇت