شىياڭگاڭ «مەجمۇئەلەر گېزىتى»نىڭ خەۋىرىگە قارىغاندا، شۋېتسىيەلىك بىر مۇتەخەسسىس يېقىندا بەش يىللىق تەتقىقات پىلانىنى تۈزۈپ، مۈشۈكلەرنىڭ تىلى، يەرلىك شىۋىسىنىڭ بار-يوقلىقىنى ئېنىقلاپ، « مۈشۈك تىلى لۇغىتى»نى يېزىپ چىقماقچى بولغان.

ئىگىلىنىشىچە، «ئىنسانلار بىلەن مۈشۈكلەر ئارىسىدىكى سۆزلىشىش مېلودىيىسى» دەپ ئاتالغان بۇ تەتقىقاتنى تىل مۇتەخەسسىسى شېز ۋە ئۇنىڭ ئەترىتى بىرلىكتە ئېلىپ بارىدىغان بولۇپ، ئوخشىمىغان رايوندىكى 30 دىن 50 كىچە بولغان مۈشۈكنىڭ ئاۋازىنى خاتىرىلەش ئارقىلىق، مۈشۈكلەرنىڭ رازى بولغان، خوش بولغان، قورسىقى ئاچقان ۋە خاپا بولغان ۋاقتىدا چىقارغان ئاۋازلىرىدىكى پەرق ۋە ئاھاڭىنى تەتقىق قىلىپ، ئىنسانلار بىلەن مۈشۈكلەرنىڭ «مۇناسىۋىتى»نى تېخىمۇ ياخشىلاشقا تۆھپە قوشماقچى ئىكەن.