داڭلىق ۋاسكېتبول چولپىنى كوبىنىڭ بۇ پەسىللىك مۇسابىقىنى ئاخىرلاشتۇرۇپ چېكىنىدىغانلىق توغىرسىدىكى خەۋەرلەر تارقالغاندىن كېيىن، ئىسپانىيەنىڭ بارسېلونا كوماندىسىدا توپ تېپىدىغان ئارگېنتىنالىق داڭلىق توپچى مېسسى جەمئىيەت ئالاقە تورىدا، ۋاسكېتبول ساھەسىنىڭ بۇ گىگانت چولپىنىغا ھۆرمىتىنى بىلدۈردى. ئىسپانىيە تاراتقۇسى «دۇنيا تەنتەربىيە گېزىتى» نىڭ خەۋىرىگە ئاساسلانغاندا، كوبى زىيارەت قوبۇل قىلغاندا، مېسسىگە رەھمەت ئېيتىپ بارسېلونا كوماندىسىغا مەدەت بەرگەن.

   كوبى بىلەن مېسسىنىڭ نەچچە يىللاردىن بۇيانقى مۇناسىۋىتى خېلى قويۇق بولۇپ، ئىلگىرى ئىككى ماھىر بىرگە ئېلانغا چىققان. 2006-يىلى يازدا، بارسېلونا بىرىنچى سەپ كوماندا ئەزالىرى ئامېرىكىغا كەلگەندە، كوبى لوس ئانجېلېستا بۇلار بىلەن بىر پائالىيەتتە تۇنجى قېتىم يۈز كۆرۈشكەن. 2009-يىلى 2-ئايدا كوبىنىڭ بارسېلونا كوماندىسىنىڭ كىيىمىنى كىيگەن ھالەتتىكى رەسىمى ESPN نىڭ مۇقاۋىسىغا چىققان.بۇنىڭدىن كوبىنىڭ بارسېلونا كوماندىسغا ھېرىسمەن ئىكەنلىكىنى كۆرۈۋېلىشقا بولىدۇ. 2011-يىلى بارسېلونا كوماندىسىنىڭ يەنە بىر قېتىملىق ئامېرىكا سەپىرىدە، كوبى مەخسۇس بارسېلونا كوماندا ئەزالىرى چۈشكەن مېھمانخانىغا كېلىپ ئۇلارنى كۈتۈۋالغان.

بۇ يىل 7-ئايدا كوبى ئايالى بىلەن بىرگە بارسېلونا كۇلۇبىنىڭ ئامېرىكىدا تەسىس قىلغان مەشق بازىسىغا كەلگەن. ئەر-ئايال ئىككىسى ئۆزلىرىنىڭ

ئىسمى بېسىلغان يېڭى نۇسخىدىكى بارسېلونا كوماندىسىنىڭ كىيىمىگە مۇيەسسەر بولغان. شۇ چاغدا كوبى مۇنداق دېگەن: «بارسېلونا كوماندىسىنى ياخشى كۆرىمەن، مەڭگۈ بارسېلوناغا سادىق بولىمەن، مېسسى، ئىنىستا قاتارلىق توپچىلارغا مەن ناھايىتى ئامراق، باشقىلارمۇ بار، بۇلار قالتىس ئوينايدىغان توپچىلار» مېسسىنىڭ ئۆزىگە ھۆرمەت بىلدۈرگەن ئىشىغا قارىتا كوبى مۇنداق دېگەن: «مېسسىگە كۆپ رەھمەت، ئۇ 17، 18 ياش چاغلىرىدا مەن ئۇنى تونۇيتۇم، شۇ چاغدا ئۇ ياش ئىدى، ئۇنىڭ قانداق توپچى ئىكەنلىكىنى قايسى سۆز بىلەن تەرىپلەشنى بىلمىدىم، مەن بۇنىڭدىن شەرەپ ھېس قىلىمەن، ئالغا... بارسېلونا....»