«رىم تەنتەربىيە گېزىتى»نى خەۋىرىگە ئاساسلانغاندا، ئىتالىيە زەردارى مىلان كوماندىسى بىلەن تايلاندلىق سودىگەر Bee Taechaubol ئوتتۇرىسىدىكى مىلان كۇلۇبىنىڭ پاي چېكىنى سېتىش ۋە سېتىۋېلىش توغرىسىدىكى سودا مەغلۇپ بولغان بولۇپ، مىلاننىڭ خوجايىنى بېرلۇسكونى ئۆزىنىڭ شەخسىي مەبلىغىدىن چىقىرىپ كۇلۇبنىڭ زىيانلىرىنى تولدۇرۇشقا مەجبۇر بولغان، بېرلۇسكونى بۇنىڭدىن قاتتىق ئاچچىقلانغان.

  ئۇ تايلاندلىق سودىگەرنىڭ مىلاننىڭ پاي چېكىنى سېتىۋېلىش توغرىسىدىكى خەۋەرلەر تارقالغىلى خىلى ئۇزۇن بولغان بولۇپ، جۇڭگو مالىيە گۇرۇھلىرىنىڭ مىلان پاي چېكىنى  سېتىۋالىدىغانلىقى توغرىسىدا پاراڭلارمۇ تارقالغان ئىدى. لېكىن ئىتالىيە تاراتقۇلىرى ئىزچىل ھالدا بۇنى بىر ئالدامچىلىق دەپ قاراپ كەلگەن. بۇندىن بىر مەزگىل بۇرۇن تايلاندلىق سودىگەر Mr.Bee نىڭ بېرلۇسكونى بىلەن كۆرۈشۈپ سۆھبەتلەشكەندىن كېيىن «مىلان خەۋەرلەر تورى» ئىككى تەرەپنىڭ بىرلىككە كېلىپ بولغانلىقىنى، تايلاندلىق سودىگەرنىڭ 480 مىليون ياۋرو چىقىرىپ مىلاننىڭ %48 پېيىنى سېتىۋالىدىغانلىقىنى خەۋەر قىلغان بولۇپ، مىلان كۇلۇبى ئۆزىنىڭ پاي چېكىنى سىتىۋەتكەندىن كېيىنمۇ يەنە كۇلۇبقا بولغان ئىگىدارچىلىق ھوقۇقىنى ساقلاپ قالالايتتى. ئىگىلىنىشچە جۇڭگو مالىيە گۇرۇھى جۇڭشىن بانكىسى 200 مىليون ياۋرو، ئۇنىڭدىن باشقا يەنە بىر جۇڭگو كارخانىسى 200 مىليون ياۋرو چىقارماقچى بولغان بولۇپ، تايلاندلىق سودىگەر Mr.Bee پەقەت 80 مىليون ياۋرو تەييارلىسىلا بولىدىكەن.

«مىلان خەۋەرلەر تورى»نىڭ ئېلان قىلغان خەۋىرى ئىنتايىن ئوبرازلىق بولۇپ، ئىككى تەرەپنى كەلگۈسى ئىككى ئۈچ ھەپتە ئىچىدە رەسمىي توختام ئىمزالايدۇ دەپ خەۋەر قىلغاچقا، نۇرغۇن كىشىلەر مىلاننى يېتەرلىك ئىقتىسادىي مەبلەغكە ئېرىشىدۇ دەپ قارىغان. نۇرغۇنلىغان مىلان مەستانىلىرى مۇشۇ كۈننى تەقەززالىق بىلەن كۈتكەن ئىدى. بىراق بۇ سودا ئاخىرقى ھېسابتا روياپقا چىقمىغان. «رىم تەنتەربىيە گېزىتى» نىڭ خەۋەر قىلىشىچە، ئىككى تەرەپ بىردەكلىككە كېلەلمەي سودا مەغلۇب بولغان. بېرلۇسكونى بۇنىڭدىن قاتتىق ئاچچىقلانغان.

ئالدىنقى يىلى يازلىق يۆتكىلىش بازىرىدا نۇرغۇن مەبلەغ چىقىرىپ باكا، ئادرىيانو قاتارلىق پۇتبولچىلارنى يۆتكەپ ئەكېلىپ، كۇلۇبنىڭ پاي چېكىنى يۇقىرى باھادا سېتىشنى ئۈمىد قىلغان ئىدى. ئەينى ۋاقىتتا مىلان كوماندىسى ئالدىنقى مۇسابىقە پەسىلىدە 94 مىليون ياۋرو زىيان تارتقان ئىدى. ئۇنىڭ ئۈستىگە ئالدىنقى يىلى قىلغان سودىلارنىڭ ئورنىنى بېرلۇسكونى ئۆزىنىڭ شەخسىي مۈلكىدىن چىقىرىپ تولۇقلىغان. بۇ يىل 2-ئاينىڭ 20-كۈنى بېرلۇسكونىنىۇ مىلاننى سېتىۋالغانلىقىغا 30 يىل بولىدۇ. ئۇ بىر نەچچە يىل بۇرۇنلا مىلان ئۈچۈن چىقىرىۋاتقان مەبلەغلىرىنى ئازايتقان. بۈگۈنكى كۈنلۈكتە مىلاننىڭ پاي چېكىنى سېتىش سودىسى مەغلۇب بولدى. «رىم تەنتەربىيە گېزىتى»نىڭ خەۋىرىگە ئاساسلانغاندا مىلان كۇلۇبى ياش پۇتبولچىلارنى تەربىيەلەش ۋە قېزىپ چىقىرىشقا ماھىر بولغاندىلا، ئاندىن كۇلۇبنىڭ كەلگۈسى تەرەققىياتىغا پايدىلىق ئىكەن.