رېيتىر ئاگېنتلىقى 4-مارت خەۋىرى؛ لەگلەك تورى تەرجىمىسى: ياپۇنىيە ئائوشىما ئ‍ارىلىدىكى مۈشۈكلەرنىڭ سانى شۇ يەردىكى ئىنسانلارنىڭ سانىدىن 6 ھەسسە كۆپ. ھېچقانداق بىر رېستۇران، دۇككان، ماشىنا ۋە تاللا بازىرى يوق بۇ ئارال ساياھەتچىلەرنى جەلب قىلماقتا.
ياپونىيەنىڭ جەنۇبىدا بېلىقچىلىق بىلەن تۇرمۇش كەچۈرىۋاتقان كىشىلەر ياشايدىغان ئۈجرا ئائوشىما ئارىلى، باشقا ئاراللاردىن ھايۋان كۆپلىكى بىلەن پەرقلىنىپ تۇرىدۇ. بىر مۈشۈك ئارمىيىسى ھۆكۈم سۈرىۋاتقان بۇ ئارالدا 22 نەپەر كىشى بىلەن بىرگە 120دىن كۆپ مۈشۈك بار.
بۇ ئارالدا ياشىغان كىشىلەرنىڭ كۆپىنچىسى پىنسىيەگە چىققان كىشىلەر، بۇلار مۈشۈكلەرنىڭ بېلىقچى كېمىلىرىگە چىقىۋالغان ساچقانلارنى تازلىغانلىقى ئۈچۈن بۇنچە كۆپ مۈشۈكلەردىن بىئارام ئەمەس.
1945 تە 900 كىشى ياشايدىغان ئائوشىما ئارىلى، ئارالدىكى ئاھالىلەرنىڭ ئىش تېپىش ئۈچۈن چوڭ شەھەرلەرگە كۆچۈپ كېتىشى بىلەن خالى بولۇپ قالدى، قۇرۇق ئۆيلەرگە ئورۇنلاشقان مۈشۈكلەرنىڭ سانى تېز كۆپەيدى.
بۇ ئارال ھېچقانداق بىر رېستۇران، دۇككان، ۋە ياكى ماشىنا بولمىسىمۇ ، مۈشۈك مەستانلىرىنى ئۆزىگە جەلب قىلماقتا. مۈشۈكلەر ساياھەتچىلەر بەرگەن يىمەكلىكلەرنى تاللىماي يەيدۇ.
44 مىڭ مېتىرلىق ئارالدا ياشايدىغان كىشىلەرمۇ بۇ ساياھەتچىلەردىن مەمنۇن بولماقتا.