چەتئەل تاراتقۇلىرىنىڭ خەۋەر قىلىشىچە، يېقىندا ئىتالىيەلىك بىر ئەر «ئۆي ئىشى قىلمىغانلىق» سەۋەبى بىلەن ئۆزىنىڭ ئايالىنى سوتقا ئەرز قىلغان. ئەگەر ئايالنىڭ جىنايىتى بېكىتىلسە، ئەڭ يۇقىرى بولغاندا 6 يىللىق قاماق جازاسىغا ھۆكۈم قىلىنىدىغان بولۇپ، بۇ دېلوغا 10-ئايدا سوت ئېچىلىدىكەن.

       47 ياشلىق راجىئونىڭ ئېيتىشىچە، ئۇنىڭ 40 ياشلىق ئايالى ئىككى يىلدىن ئارتۇق ۋاقىتتىن بىرى ئۆيدە تاماق ئېتىپ باقمىغان، ھەتتا ئۇ كۆكتات سېتىۋېلىپ ئەكېلىپ بەرسىمۇ، ئايالى تاماق ئېتىشنى رەت قىلغانلىقتىن تاشلىۋېتىلىدىكەن.

       ئۇ يەنە ئايالىنىڭ ئۆي تازىلىمايدىغانلىقىنى ھەمدە ئۇنى ھۇجرىدىن قوغلاپ چىقىرىپ، «تازىلىقى ناچار مۇھىت» تا يېتىشقا مەجبۇر قىلغانلىقىنى، ئايالىنىڭ ئۆزى ۋە ئائىلىگە يېتەرلىك كۆڭۈل بۆلمىگەنلىكىنى ئېيتقان. 

       ئىتالىيەدە ئەرلەر سىرتتا ئىشلەپ پۇل تاپىدىغان، ئاياللار ئۆي ئىشلىرىدىن خەۋەر ئالىدىغان ئەنئەنە بولۇپ، تەخمىنەن 5 مىليوندەك ئائىلە ئايالى بار ئىكەن. ئاياللارنىڭ ئىشقا ئورۇنلىشىش نىسبىتى %50 كە يەتمەيدىغان بولۇپ، ياۋروپادىكى ئاياللارنىڭ ئىشقا ئورۇنلىشىش نىسبىتى ئىككىنچى تۆۋەن ئورۇندا تۇرىدىغان دۆلەت ئىكەن.