كىشىلەر ھازىر ئاللىقاچان ئۆز تارتىم سۈرەتلىرىنىڭ ئىجتىمائىي ئالاقە تورىغا بۆسۈپ كىرگەنلىكىگە كۆنۈپ كەتتى. ئۆزىنى سۈرەتكە تارتىشقا قارىتا كۆز قاراش ئوخشاش ئەمەس، لېكىن نەزەردىن ساقىت قىلىشقا بولمايدىغىنى ئۆزىنى سۈرەتكە تارتىش ئېلىپ كەلگەن بىخەتەرلىك مەسىلىسى. بۇلتۇر پورتۇگالىيەدىكى بىر جۈپ ئەر-خوتۇن قىيا تاشتىن سېيرىلىپ قازا قىلدى، يىل ئاخىرسىدا ئىسپانىيەدە بىر قىز ئۆزىنى سۈرەتكە تارتىۋاتقاندا كۆۋرۈكتىن يىقىلىپ چۈشۈپ سۇدا تۇنجۇقۇپ جېنىدىن ئايرىلدى....تراگدىيەنىڭ قايتا يۈز بېرىشىنىڭ ئالدىنى ئېلىش ئۈچۈن، دۇنيادىكى خېلى كۆپ شەھەرلەر تەدبىر قوللىنىپ بەزى نۇقتىلاردا ساياھەتچىلەرنىڭ ئۆزىنى سۈرەتكە تارتىشىنى چەكلىدى.

فرانسىيە گاروپى دېڭىز ساھىلى

ئەگەر فرانسىيەنىڭ گاروپى دېڭىز ساھىلىدە بۇنداق سۈرەتكە چۈشسىڭىز ساقچىلار سىزنى ھەيدىۋېتىدۇ.

يېقىندىن بۇيان ئىجتىمائىي ئالاقە تورىدا ئۆزىنى سۈرەتكە تارتىپ يوللاش خۇمارى بارغانسېرى ئېغىرلاپ كەتتى، ئۆزىنى سۈرەتكە تارتىش ئارقىسىغا چوڭقۇر شۆھرەتپەرەسلىك يوشۇرۇنغان. يەرلىكتىكى ئۆز تارتىم ئېقىمىنى چەكلەش ئۈچۈن فرانسىيەنىڭ جەنۇبىدىكى گاروپى دېڭىز ساھىلى «سۈرەتكە چۈشۈش چەكلەش رايونى» قۇرغان، بۇلتۇر 8-ئايدىن باشلاپ ساھىلدا ساقچلار چارلاپ سۈرەتكە تارتماقچى بولغان ساياھەتچىلەرنى چەكلىگەن ھەمدە ساياھەتچىلەرگە«خۇش بولسىڭىزلا بولدى، كۆز-كۆز قىلىشىڭىزنى ھاجىتى يوق» دېگەن ئىدىيەنى تارقاتقان.

ئىسپانىيە پامپلونا

بۇ سۈرەت ئۈچۈن بۇ ئەر 4000 دوللار جەرىمانە تۆلىدى

قەيەردە خەتەر بولسا شۇ يەردە ئۆز تارتىمچىلار كەم بولمايدۇ. بۇلتۇر يازدا بىر ئەر بىر تەرەپتىن بۇقىدىن ئۆزىنى دالدىغا ئالغاچ يەنە بىر تەرەپتىن جېنىنى ئالقانغا ئېلىپ قويۇپ ئۆزىنى سۈرەتكە تارتقان. كېيىن ئىسپانىيە دائىرىلىرى بۇ كىشىگە 4000 دوللار جەرىمانە قويغان. ئەسلىدە ئىسپانىيە ئاللىقاچان چەكلەش بۇيرۇقى چىقىرىپ ساياھەتچىلەرنىڭ بۇقا يۈگرەۋاتقاندا سۈرەتكە تارتىشىنى چەكلىگەن. (ئۆز تارتىم سۈرەتنىمۇ ئۆز ئىچىگە ئالىدۇ)

نيو يورك

يولۋاس بىلەن سۈرەتكە چۈشمەكچىمۇ، ئۇنىڭ چىشىغا قاراڭ، قورقۇنچلۇقمىكەن.

بۇلتۇر ئۇچرىشىش دېتاللىرىدا مىڭلىغان ئابونتلار (ئاساسلىقى ئەرلەر) ئۆزىنىڭ يولۋاس بىلەن چۈشكەن سۈرىتىنى چىقىرىپ ياۋايى، قورقماس قىياپىتىنى ئىپادىلەپ يات جىنىسلارنى جەلپ قىلماقچى بولغان. لېكىن بۇ جەرياندا سۈرەتكە تارتىش ئۈچۈن يولۋاسنى ناركوز قىلغان، بۇ ئەلۋەتتە يولۋاسقا زور زەخىم ئېلىپ كېلىدۇ. ھايۋاناتلارنى قوغداش ئۈچۈن نيو يورك دائىرىلىرى يولۋاس قاتارلىق ھايۋاناتلار بىلەن سۈرەتكە چۈشۈشنى چەكلىگەن.

ئىران

سىز ئىراندا توپ چولپانلىرى بىلەن سۈرەتكە چۈشۈش خام خىيالىدا بولماڭ.

ئۆزى ئەڭ ياخشى كۆرىدىغان پۇتبول چولپىنى بىلەن سۈرەتكە چۈشىۋالسا خۇددى ئۆزىنى دۇنيا لوڭقىسى مۇسابىقىسىدە يەڭگەندەك ھېسسىياتتا بولىدۇ. لېكىن ئىراندا پۇتبول چولپانلىرى بىلەن سۈرەتكە چۈشىۋىلىش پەقەت بىر چۈش خالاس. ئىران پۇتبول ھەيئىتى چەكلەش بۇيرۇقى چىقىرىپ ھەرقانداق پۇتبول ماھىرىنىڭ باشقا دۆلەتنىڭ ئايال مەستانلىرى بىلەن سۈرەتكە چۈشىشىنى چەكلىگەن. بۇنىڭ سەۋەبى ئايال مەستانىلەرنىڭ كىيىم-كېچەكلىرى، تۇرقى ئىراننىڭ ئۆرپ-ئادىتىغا ئۇيغۇن كەلمەيدىغانلىقى يوشۇرۇن سىياسىي بالا–قازا كەلتۈرۈپ چىقىرىدىكەن.  

سەئۇدى ئەرەبىستانى، مەككە

ھەر يىلى سانسىز مۇسۇلمانلار ئۇزۇن سەپەرنى باشتىن كەچۈرۈپ مۇقەددەس جاي مەككىگە بېرىپ تاۋاپ قىلىدۇ، ھازىر بارغانسېرى كۆپ كىشىلەر بۇ جەرياندا ئۆزىنى سۈرەتكە تارتىپ بۇ مۇقەددەس سەپىرىنى خاتىرىلەشنى ئۇنتۇپ قالمايدىغان بولدى. بۇ ئىش يەرلىك دىنىي رەھبەرلەرنىڭ نارازىلىقىنى قوزغاپ، ئۇلار ئۆزىنى سۈرەتكە تارتىشتەك قىلمىش مۇسۇلمانلارنىڭ ئىبادەت قىلغاندىكى دىققىتىنى چېچىۋىتىدۇ دەپ قاراپ بۇنى چەكلىگەن.

ئەنگلىيە ۋە كورىيە

ئۆزىنى سۈرەتكە تارتىشنىڭ ئەۋج ئېلىشىغا ئەگىشىپ بازاردا ئۆز تارتىم مەھسۇلاتلىرى پەيدا بولدى. بىر تال ئاددىي سۇلياۋ تاياق بىلەن ئۆز تارتىمچىلار سۈرەت بۇلۇڭىنى ئاسانلا كونترول قىلالايدۇ. لېكىن ئۆز تارتىم تايىقىنىڭ كەمچىلىكى ئادەملەر توپىدا ئىشلىتىش قولايسىز، ھەتتا باشقىلارنى يارىلاندۇرۇپ قويۇشى مۇمكىن. شۇنىڭ ئۈچۈن ئەنگلىيە O2 Arena تەنتەربىيە مەيدانى ۋە برىكستون تىياتىرخانىسى ساياھەتچىلەرنىڭ ئۆز تارتىم تايىقىنى ئىشلىتىشنى چەكلىگەن. بۇنىڭدىن باشقا بازاردا سۈپىتى ناچار ئۆز تارتىم تاياقلىرى قاپلاپ كەتكەن، ئۇنى كۆك چىشقا ئۇلىسا باشقا ئەسۋابلارنىڭ كاردىن چىقىشىنى كەلتۈرۈپ چىقىرىشى مۇمكىن. شۇنىڭ ئۈچۈن كورىيە ھوقۇق بېرىلمىگەن قانۇنسىز ئۆز تارتىم تاياقلىرىنى ئىشلىتىشنى چەكلىگەن ھەمدە خىلاپلىق قىلغۇچىلارغا جەرىمانە قويغان.