جۇڭگو ئاخبارات تورى 21- مارت خەۋىرى: باغداش تورىدىن: ئابلىمىت تەرجىمىسى

3- ئاينىڭ 21- كۈنى بېيجىڭ ۋاقتى چۈشتىن كېيىن سائەت 2 دىن 58 مىنۇت 37 سېكونت ئۆتكەندە ئالىبابا گۇرۇھىنىڭ 2016- يىللىق ئېلېكترونلۇق سودا ئومۇمىي سوممىسى 3 تېرلىيون يۈەنگە يەتكەن. بۇ ئالىبابا گۇرۇھىنىڭ 2015- يىلى 4- ئاينىڭ 1- كۈنىدىن 2016- يىلى 3- ئاينىڭ 31- كۈنىگىچە بولغان بىر سودا يىلى ئىچىدە ۋالمارتتىن ئېشىپ كېتىپ، پۈتۈن دۇنيادىكى ئەڭ چوڭ پارچە سېتىش سۇپىسىغا ئايلىنىشىدىن ئۈمىد بارلىقىدىن دېرەك بېرىدۇ.

ئالىبابا گۇرۇھىنىڭ ئىجرائىيە ئەمەلدارى جاڭيوڭ مۇنداق دەپ قارىغان: يېڭى ئېكولوگىيەنىڭ كۈنسايىن ياخشىلىنشىغا ئەگىشىپ، ئالىبابا تېخىمۇ كۆپ ئويلىشىشقا تېگىشلىك مەسىلە ئىچكى ئېھتىياجنى ئاشۇرۇپ، ئىشقا ئورۇنلىشىش مەسىلىسىنى ھەل قىلىش، يېزا ئىقتىسادىنى ھەرىكەتلەندۈرۈش قاتارلىق تېخىمۇ كۆپ ئىجتىمائىي مەسئۇلىيەتنى ئۈستىگە ئېلىشتىن ئىبارەت. 3 تېرلىيون يۈەن پەقەتلا بىر باشلىنىش نۇقتىسى.

ئالىبابانىڭ كېيىنكى نىشانى 2020- يىللىق مالىيە يىلىدا ئىنسانلار تارىخىدىكى سودا سۇپىسىنىڭ يىللىق سودا سوممىسى 6 تېرلىيون يۈەن خەلق پۇلىغا يېتىدىغان تۇنجى شىركەتكە ئايلىنىش؛ 2024- يىلىغا بارغاندا، سودا ئېكولوگىيەسىنىڭ يەر شارىلىشىشىغا ئەگىشىپ، ئالىبابا تېخىمۇ پىشىپ يېتىلىپ، 2 مىليارد ئىستىمالچى ۋە نەچچە مىليون كارخانىنى سودا سۇپىسى بىلەن تەمىنلەيدۇ.